Bullundirskriftir raktar til stjórnarráðsins/það er allt hægt i þeim herbúðum!!!!

Bullundirskriftir raktar til stjórnarráðsins
Innlent | mbl.is | 11.12.2009 | 18:01
„Síðustu daga hefur borið nokkuð á fölskum undirskriftum þar sem nöfn á borð við Gordon Brown, Barack Obama og Davíð Oddsson hafa ratað inn á undirskriftarlistann okkar,“ segir Ólafur Elíasson, talsmaður samtakanna InDefence. Segir hann tölvunarfræðing hópsins hafi rakið slíkar bullundirskriftir til m.a. stjórnarráðsins og Hagstofunnar.

Samtökin safna sem kunnugt er undirskriftum þar sem skorað er á forseta Íslands að hafna nýjum Icesave-lögum og vísa þeim til þjóðaratkvæðagreiðslu.

Að sögn Ólafs eru bullundirskriftir reglulega hreinsaðar út af undirskriftalistanum auk þess sem tölvunarfræðingar innan hópsins hafi rakið IP-tölur þeirra tölva þaðan sem slíkar undirskriftir koma sem og lén þeirra.

„Það sem hefur vakið furðu okkar er að stjórnarráðslén kemur upp sem og lén Fréttablaðsins, RÚV og Hagstofu Íslands. Þetta kemur sem sagt út tölvum sem er á þeirra vef,“ segir Ólafur. Aðspurður segir Ólafur ekki hægt að rekja nákvæmlega úr hvaða ráðuneyti skráningarnar berast, aðeins að þær komi úr stjórnarráðinu.

„Manni dettur helst í hug að þetta sé tilraun til þess að gera söfnunina ótrúverðuga, en það mun ekki takast því það verður svo mikið eftirlit með listanum,“ segir Ólafur og tekur fram að bullundirskriftirnar séu innan við 0,5% þeirra undirskrifta sem safnast hafa.

Nú síðdegis höfðu rúmlega 33 þúsund manns skrifað undir áskorun InDefence hópsins. Að sögn Ólafs mun óháður aðili fara yfir undirskriftalistann áður en hann verður afhentur forseta Íslands, auk þess sem listinn verður samkeyrður Þjóðskrá.////svona er þetta öllim brögðum beitt til að eyðileggja og skemma,ljót er ef satt er með þessa aðila sem um getur,þarna er engu eirt, maður hefði NÚ  haldi að svona alvarlegt mál sem þetta er ætti að fá að vera í FRIÐI FYRIR DÓNUM OG STJÓRNARHERRUM/Halli gamli 

Bullundirskriftir raktar til stjórnarráðsins

Athugasemdir

[Hörður Einarsson, 11.12.2009 kl. 21:47]

Ekki von á öðurum viðbrögðum frá samspillingunni / sullinu.