Segir bankana selda í heimildarleysi/lætin eru mikil og menn fara fram úr sér!!!!!

Segir bankana selda í heimildarleysi
Innlent | mbl.is | 16.12.2009 | 12:14
Kristján Þór Júlíusson, þingmaður Sjálfstæðisflokks, upplýsti á Alþingi í dag að Ríkisendurskoðun telji að gera þurfi grein fyrir sölu hlutafjár ríkisins í Arion banka og Íslandsbanka í fjáraukalögum fyrir yfirstandandi ár. Slík lög voru sett á Alþingi í gær en ekki var gerð grein fyrir þessu þar. Sagði Kristján Þór að bankarnir hefðu því verið afhentir í heimildarleysi

Sagði Kristján Þór að á fundi fjárlaganefndar í morgun hefði verið lagt fram álit Ríkisendurskoðunar um málið. Teldi stofnunin, að afdráttarlaust þyrfti að gera grein fyrir þessari sölu í fjáraukalögum þar sem nýju bankarnir voru stofnaðir með 100% hlutafjárframlagi ríkisins á sínum síma.

„Maður spyr sig í ljósi umræðunnar um einkavæðingu bankanna á sínum tíma hvernig Vinstri grænir ætla að fara í þetta mál. Geta þeir horft þannig til að eignum ríkisins sé ráðstafað í algeru heimildarleysi? Hvað er næst? Landsvirkjun eða Íslandspóstur, sem verða afhentir einhverjum kunningjum úti í bæ, ógegnsætt og án heimildar laga?," spurði Kristján Þór.

Björn Valur Gíslason, þingmaður VG, sagði að því tímabili í sögu þjóðarinnr væri vonandi lokið á Íslandi að ríkiseignir væru afhentar vinum og kunningjum ríkisstjórna.  Það væri hins vegar rétt, að rætt hefði verið á fundi fjárlaganefndar í morgun álitaefni milli Ríkisendurskoðunar og fjármálaráðuneytisins um ráðstöfun á þeim bönkum sem féllu fyrir ári.

Sagði Björn Valur, að Ríkisendurskoðun telji að heimildarákvæði vanti í fjárlög til að ráðstafa þessum eignum. Fjármálaráðuneytið hafi á móti bent á að ríkið hafi með framlagi sínu verið að fjármagna bankana og halda þeim gangandi og kröfuhafar hafi síðan leyst til sín eigur sínar. Því hafi ekki verið um að ræða eiginlega ráðstöfun ríkiseigna.

Össur Skarphéðinsson, utanríkisráðherra, sagði að ríkið hefði með þessum ráðstöfunum tekið ákvörðun um að kaupa ekki bankana.

Fjallað verður um málið á fundi fjárlaganefndar í fyrramálið/////. ekki er er þetta gott mál,ef satt er að þetta sé gert i heimildarleysi,hvað er að ske þarna,maður er svo hissa að þð hálfa væri móg/Halli gamli

Segir bankana selda í heimildarleysi