Skilnaðurinn verður dýr/er það ekki bara i lagi !!!!!!

Skilnaðurinn verður dýr
Veröld/Fólk | mbl.is | 20.12.2009 | 9:55
Búist er við að skilnaður Tiger Woods og Elinar Nordegren verði einn sá dýrasti sem um getur í sögu íþrótta. Nordegren, eiginkona Woods, á í viðræðum við lögfræðinga sem sérhæft hafa sig í skilnaðarmálum fólks sem á miklar eignir. Eignir Woods eru metnar á 600 milljónir dollara eða yfir 75 milljarða króna.

Woods og Nordegren eiga tvö börn, tveggja ára og 10 mánaða. Þau eiga eftir að semja um hver eigi að fara með foræði yfir börnunum.

Ellefu konur hafa lýst því yfir opinberlega að þær hafi átt í sambandi við Woods. Framhjáhald er ekki talið hafa áhrif á niðurstöðu samninga um skilnaðinn nema því aðeins að ákvæði séu um slíkt í kaupmála sem hjónin gera.

Woods og Nordegren búa í Florida. Skilnaðurinn mun því fara fram samkvæmt lögum Florida. Þau bjuggu reyndar í Kaliforníu fyrstu ár hjúskaparins. Í Kaliforníu er byggt á því að eignir eigi að skiptast jafnt milli hjóna við skilnað.

Lögin í Florida kveða á um að gæta skuli sanngirni við skiptingu eigna í skilnaðarmálum. Það þýðir ekki endilega að eignir skuli skiptast til helminga milli hjóna. Eftir því sem eignirnar eru meiri þykir ólíklegt að eignum sé skipt jafnt í slíkum málum.

Í Florida er horft til þess sjónarmiðs að sá sem aflar teknanna fái að halda þeim að stærstum hluta. Hins vegar er einnig litið til þess sjónarmiðs að maki sem hafi búið við velsæld og sé vanur ákveðnum lífsstíl eigi rétt á að halda honum. 

Nordegren hefur ekki lýst því yfir opinberlega að hún ætli að skilja við eiginmann sinn, en búist er við tilkynningu þessa efnis þegar hún kemur úr fríi.

Horfur eru á að tekjur Woods dragist saman á næstunni því að fyrirtæki sem gert hafa auglýsingasamninga hafa verið að slíta samningum við hann.////úr því sem komið er er þetta sennilega besta leiðin beggja ,nóg er til skiptana og það gott,en maður  vonar að þetta jafni sig og Tiger Woods fari i meðferð og haldi d golfinu áfram,enda bestur i heiminum ,og kjörin þannig nú, eftir þetta ,enda ekki annað hægt/það væri slæmt fyrir golfið,ef hann  hætti,allir eiga að geta tekið sig á og koma til baka/Halli gamli

Skilnaðurinn verður dýr