„Gosið fer dagminnkandi“ Guði sé lof fyrir það!!!!!!!!!!!!!

Gosið fer dagminnkandi“
Innlent | mbl.is | 24.5.2011 | 14:52
„Gosið fer dagminnkandi og við eigum ekki von á að það komi aftur neitt í líkingu við það sem hefur verið síðustu daga,“ segir Magnús Tumi Guðmundsson jarðeðlisfræðingur um eldgosið í Grímsvötnum.

„Það gýs ennþá og gosmökkurinn nær 3-6 km hæð þrátt fyrir norðanátt,“ sagði Magnús Tumi. Hann sagði að gosið hefði fram að þessu hegðað  sér í takt við önnur Grímsvatnagos. Þau væru öflugust fyrst en síðan dragi úr þeim. Hann sagðist ekki búast við að það kæmi einhver kippur í gosið. „Ég hef ekki trú á því. Ég held að það mesta sé búið í þessu gosi.“

Aðspurður um líkur á hraungosi sagði Magnús Tumi að hraungos yrði ekki nema það dragist á langinn, en áður þyrfti að draga meira úr gosinu.

Jarðvísindamenn stefna að því að fljúga upp að gosstöðvunum síðar í dag. Flugvél Landhelgisgæslunnar hefur ekki verið flughæf vegna bilunar í nefhjóli, en viðgerð á henni er að ljúka./////það væri dámsamlegt ef þessu færi að linna snökt og það getur bjargað miklu ekki spurning,við bara vonum það allavega og biðjum fyrir því/það er ekkert grín þetta að starfa við þessar aðstæður að búskap/Halli gamli 

„Gosið fer dagminnkandi“

Ferguson: Finnum lausn við Messi/væri það ekki löngu búið væri það hægt????

Ferguson: Finnum lausn við Messi
Íþróttir | mbl.is | 24.5.2011 | 14:56
Sir Alex Ferguson knattspyrnustjóri Manchester United segir að lið sitt muni finna lausn á því hvernig á að halda aftur að Argentínumanninum Lionel Messi þegar United og Barcelona eigast við í úrslitaleik Meistaradeildarinnar á Wembley á laugardaginn.

Messi fór oft illa með vörn United þegar liðin áttust við í úrslitaleik Meistaradeildarinnar í Róm fyrir tveimur árum þar sem Börsungar höfðu betur, 2:0. Síðan þá hefur Messi stimplað sig inn sem besti knattspyrnumaður heims og sumir vilja meina að betri fótboltamaður hafi ekki komið fram.

,,Við höfum mætt Barcelona í þrígang þar sem Messi hefur verið með. Það er alltaf til lausn til að halda aftur að góðum leikmönnum og vonandi finnum við eina á laugdardaginn. Barcelona hefur fleiri góða leikmenn í sínum röðum og það höfum við líka. Þess vegna er þetta svona heillandi leikur,“ sagði Ferguson við fréttamenn í dag. //////það er gott að kall Ferguson ætlar að finna einhverja vörn við kappanum,en það er svo að það hefur ekki fundist ennþá,Maðurinn er næsta ómannlegur að manni finnst en svo er þetta eins og með annað að það er kannski hægt!! en ég veðja á Barselona ekki spurning ?,enda snillingar á ferð,og það eru M.U.N. einnig en ekki eins góðir samt/Halli gali

Ferguson: Finnum lausn við Messi

„Hér hefur snjóað í marga sólarhringa“/veturinn heldur áfram,þetta er að að verða slæmt mjög!!!

Hér hefur snjóað í marga sólarhringa“
Innlent | mbl.is | 24.5.2011 | 8:53
„Hér hefur snjóað í marga sólarhringa,“ segir Jónas Hallgrímsson, hjá Austfari á Seyðisfirði. Norræna leggast að bryggju á Seyðisfirði í dag, en hætt er við að bílar, sem flestir eru á sumardekkjum, eigi erfitt með að komast yfir Fjarðarheiði.

Mjög hvasst var á Austurlandi í gærkvöldi og nótt. Vegir lokuðust vegna ófærðar. Þannig var Fagridalur, Oddskarð og Fjarðarheiði ófær. Vegagerðin vann að því í morgun að ryðja vegi. Jónas sagði mikilvægt fyrir ökumenn að gefa Vegagerðinni færi á að ryðja snjó af vegum áður en lagt er af stað á fjallvegi.

Samkvæmt reglum eiga ökumenn að vera búnir að taka nagladekk undan bílum 15. apríl og því er flestir komnir á sumardekk. Erlendir ferðamenn sem eru að koma með Norrænu eru fæstir undirbúnir undir snjó og hálku. Jónas sagði að farþegar væru að sjálfsögðu upplýstir um ástand mála á vegum á Austurlandi. Allaatriði væri að menn færu eftir ráðleggingum.

Í morgun var hætt að snjóa á Austurlandi, en áfram er spáð kulda og snjókomu fram eftir vikunni. //////þetta fer að verað langur vetur!!!! að manni finnst ekki var fyrir þessu gert,það er ekki gott að snjói svona um 24 Maí og kemur niður á öllum sem verða að breyta sinum áætlunum og ferðalögum ein og gosið gerir einnig,svo vittlaust veður er þarna núna að Norræna ferjan getur ekki lagst að fyrr en i kvöld svo og ófært um Fjarðarheiði og þetta ofaná allt annað sem hrellir okkur landann eldgosið hefur samt vinmigin sem er hættulegt og ekki búið að sjá fyrir endann á,hörmung fyrir bændur og búalið,þetta er allt i samtekt hörmung nema engin slys g-hafa orðið á fólki/Halli gamli

„Hér hefur snjóað í marga sólarhringa“

Gos gæti bæst við gengið/það er allt á móti oss nú um þessar mundir,verst er þó ríkisstjórn vor!!!!

Gos gæti bæst við gengið
Innlent | Morgunblaðið | 24.5.2011 | 10:30
Veiking krónunnar í mánuðinum, og þar með hækkun gjaldmiðla á borð við dollar, hefur haldið aftur af olíufélögunum hér á landi með lækkun eldsneytisverðs meira en orðið er.
Telur Magnús Ásgeirsson, innkaupastjóri hjá N1, ólíklegt að eldsneytisverð breytist mikið á næstu dögum. Það geti þó breyst fljótt. Þannig gæti eldgosið í Grímsvötnum haft áhrif til hækkunar á mörkuðum ytra, eftir að fregnir bárust af lækkandi gengi hlutabréfa nokkurra flugfélaga í gær.

Bensínverð á erlendum mörkuðum hefur á einum mánuði lækkað um 9%, var 1.133 dollarar tonnið fyrir mánuði en var í gær komið niður í 1.028 dollara.

Frá síðustu mánaðamótum hefur gengisvísitala krónunnar hækkað um 1,4% og hefur gengi krónunnar veikst að sama skapi. Á þessum tíma hefur gengi dollars hækkað um 5,4%, úr 111 krónum hinn 2. maí sl. í rúmar 117 krónur í gær. Veikingin er enn meiri sé farið lengra aftur í tímann og vakti Greining Íslandsbanka á því athygli sl. föstudag að krónan hefði ekki verið veikari í heilt ár. Bara frá áramótum er veiking krónunnar gagnvart helstu viðskiptamyntum nærri 5%.

„Við höfum talið að með hækkandi sól og auknum straumi ferðamanna myndi gjaldeyrisinnflæði aukast og krónan jafnvel heldur sækja í sig veðrið líkt og gerðist í fyrra. Slík styrking lætur hins vegar ekki á sér kræla enn sem komið er og verður fróðlegt að sjá hvort þessi áhrif koma fram í meiri mæli á næstu vikum,“ sagði í Greiningu Íslandsbanka.

Veikingin vakið ugg

Ingólfur Bender hjá Greiningu Íslandsbanka segir erfitt að segja til um hvað skýri veikingu krónunnar undanfarið. Margt geti komið til. Búast hafi mátt við styrkingu með auknum straumi ferðamanna til landsins, og þar með auknu innflæði gjaldeyris, en sú þróun sé ekki komin af stað. Aðgerðir Seðlabankans á gjaldeyrismarkaði, bæði nú og undir lok síðasta árs, hafi hugsanlega haft áhrif, tímabundið, til veikingar. Þá geti dráttur á uppbyggingu íslensks efnahagslífs hafa haft sín áhrif.

„Annars er mikil óvissa í þessu, ekki síst þar sem við erum með óvirkan gjaldeyrismarkað. Gjaldeyrishöftin hafa hins vegar virkað frekar vel. Þó að krónan hafi verið að lækka undanfarið er ekki hægt að segja annað en að hún hafi verið tiltölulega stöðug. En það er skiljanlegt að veikingin að undanförnu veki ugg hjá mörgum. Spurningin er þá hvort framhald verður á þessu, hvort styrking verði í sumar með auknum gjaldeyristekjum. Spár á gjaldeyrismarkaði eru annars háðar jafnmikilli óvissu núna og að spá fyrir þróun eldgossins,“ segir Ingólfur.//////það virðist i fljótu bragði bara allt á móti okkur eins og er, allavega!!Veiking Krónu og svo náttúrlega veiking ríkisstórnar okkar daglega ekki gert bara kyrrstað i öllu engin atvinnuleið og framkvæmdir allar stopp bar sagt að allt sé að koma,lygin i hámarki bæði hjá Forsætisráðherra og Fjarmalaráherra,svo og hinir ráherrar fylgja eftir!!! en þetta með gjaldmiðilinn er að gera okkur vitlaus ,nú fer allat af stað verðbólga upp og spárnar ekki goðar með eldneytið,og allt innflutt hækkar og hækkar,svo þetta sem samið var um er horfið og var það fyrir!!!! sem sagt ef ekkert  Álver kemur á næstunni og engar virkjanir erum við þá á hraðri niðurleið það sjá allir sem vilja það!!! nema Ríkisstjórnin og þessa vegan verður hún bara að segja sig frá þessu ,það er sagt að helvítis Íhaldið tæki við,það er spurning hvað fólkið bara vill eftir kosningar,það er löglega kosið og svo mynduð stjórn eftir því/alavega ekki þessa hreina vinstri stjórn sem nú er sú versta i sögunni,en á meðan má ekkiert gera nema framkvæma ,als ekki eyða kvótanum og svo ekki innganga ESB,siðar verum við bara að taka upp Dollar sem er hægt og hætta öllum verðtryggingum,/Halli gamli

Gos gæti bæst við gengið

Obama fær konunglegar móttökur/ekki finnst manni han þurfa að sleikja þetta drottingarveldi !!!!

Obama fær konunglegar móttökur
Erlent | mbl.is | 24.5.2011 | 10:49
Barack Obama Bandaríkjaforseti mun hefja þriggja daga opinbera heimsókn sína til Bretlands í dag, en Obama mun hitta Elísabetu Bretadrottningu í Buckhingham-höll í Lundúnum í dag. Breskir leiðtogar segja að samskipti ríkjanna séu bæði mikilvæg þjóðunum og umheiminum.

Obama mun eiga fund með David Cameron, forsætisráðherra Bretlands, á morgun, en að sögn breska ríkisútvarpsins er líklegt að viðræður þeirra muni snúast um Líbíu og málefni Miðausturlanda.

Vegna öskunnar frá eldgosinu í Grímsvötnum varð Obama að flýta för sinni til Lundúna, en hann kom til Bretlands í gær eftir að hafa heimsótt Íra.

Obama og Michelle Obama forsetafrú munu fá konunglegar móttökur síðar í dag, áður en þau heimsækja Westminster Abbey og Downing Street.

Þá munu þau hitta Hertogahjónin af Cambridge, þau Vilhjálm Bretaprins og Katrínu eiginkonu hans, í Buckhingham-höll, og óska þeim til hamingju með brúðkaupið.///allt i lagi að treysta samskipti ríkja og allt það en að sleikja þetta Drottningar og kóngaveldi er manni ekki að skapi ,en samt er ennþ´meirihluti fyrir þessu betryji þarna i Bretlandi og Bretar svelta sig fyrir það þetta kostar milljarða punda,þetta slekti!!! en skít  með það ef við þurftu um ekki að borga Icseave og allt það ,Obama vill halda þessu sambandi og Kanar eru að taka sig á með að starfa með öðrum og vel það,en ein og hugur mans er til Breta efir allt er þetta slekti þarna óþarft
/Halli gamli

Obama fær konunglegar móttökur

Goldman: Spáir að heimsmarkaðsverð fari í 140 dali/ekki gott mál þetta!!!!!

Goldman: Spáir að heimsmarkaðsverð fari í 140 dali
Viðskipti | mbl.is | 24.5.2011 | 9:29
Heimsmarkaðsverð á olíu hefur hækkað í morgun í kjölfar þess að bandaríski fjárfestingabankinn Goldman Sachs gaf út nýja spá þar sem meðal annars kemur fram að heimsmarkaðsverð á fati af Brent-olíu verði komið í 140 Bandaríkjadali um næstu áramót. Verð á framvirkum samningum um afhendingu á Brent-olíu í júlí fór í 112 dali í morgun. Heimsmarkaðsverð á annarri olíu hefur hækkað um ríflega dal í morgun  og var komið í 98,7 dali á fatið í morgun.

Samkvæmt Goldman Sachs verður fatið á Brent-olíu komið í 140 dali um næstu áramóti. Fyrri spá bankans hafði gert ráð fyrir að verðið færi í 120 dali. Ástandið í Líbíu er helsta ástæðan fyrir hækkandi olíuverði að mati Goldman. Áður en að borgarastríðið braust út framleiddi líbíski olíuiðnaðurinn um 1,6 milljón fata á dag en framleiðslan hefur að stærstum hluta lagst af á undanförnum mánuðum. Sérfræðingar Goldman segja að minna framboð vegna þessa auk minni framleiðslu í ríkjum sem eiga ekki aðild að samtökum Olíuútflutningsríkja (OPEC).

Fram kemur í frétt AP-fréttastofunnar að sumir sérfræðingar séu ekki jafn svartsýnir á þróunina á heimsmarkaðsverði á olíu. Meðal annars vegna þess að búist er við að minni eftirspurn frá stærstu hagkerfum heims, Kína og Bandaríkjunum, vegna minnkandi hagvöxt muni halda///þetta er huggun fyrir okkur eða hitt þá heldur ,við verum baraað leggja bilunum ef þessu heldur sem horfir,samgöngur leggjast nið ef svona fer ekki spurning,þetta er einum of og verður að gera eitthað þessu lækka skattinn á eldneytið annarsstoppar allt og engin kemst til vinnu/Halli gamli

Goldman: Spáir að heimsmarkaðsverð fari í 130 dali

Talið er að formannsslagur í VG sé hafinn/við þessu mátti búast fyrr,það er allt í upplaustn þarna!!!!

Talið er að formannsslagur í VG sé hafinn
Innlent | Morgunblaðið | 24.5.2011 | 5:47
Svo fjarri fór því á flokksráðsfundi VG nú um helgina að einhugur og sættir ríktu, að kjósa þurfti um eitt orð í ályktunina.um stuðningi við ríkisstjórinana

.Orðið var „eindregnum“ og niðurstaðan varð sú að andstæðingar þess að flokksráðsfundurinn lýsti „yfir eindregnum stuðningi við ríkisstjórnina“ höfðu betur og orðið var fellt út.

Þetta þykir viðmælendum úr röðum VG-félaga, flokksráðsmanna sem óbreyttra, segja skýra sögu um að hvorki einhugur né sættir hafi ríkt á fundinum.

Steingrímur J. Sigfússon er gagnrýndur harðlega fyrir ýmislegt í ræðu sinni, sem talin er hafa verið með þeim slakari sem „ræðuskörungur VG í 10 ár hefur flutt“.
Gagnrýni beinist m.a. að því sem hann sagði um „eignabruna“ og því sem hann sagði um Icesave-samningana og sérstakri málsvörn hans fyrir Svavars-samningnum.

Þá telja VG-félagar sem rætt var við í gær að valdabarátta sé í uppsiglingu innan VG um það hver eigi að taka við af Steingrími J. Sigfússyni, þegar hann hættir sem formaður flokksins. Eru þær Katrín Jakobsdóttir og Svandís Svavarsdóttir taldar vera þeir tveir kandídatar sem helst muni berjast um tignina.

Í þeim efnum er talið að formaðurinn styðji Katrínu til frekari pólitískrar vegsemdar, en Svavar Gestsson styðji dóttur sína, Svandísi.  ///það erl öngu vitað um þessa óánægju þarna og magnast hún auðvitað við kvern dag sem samfylking tekur meir og meiri afstöðu til ESB ekki spurning/Halli gamli

Talið er að formannsslagur í VG sé hafinn

Ekki sömu áhrif á flugumferð og í fyrra/viðtal við Forseta vor í gærkveldi frá CCN.

Ekki sömu áhrif á flugumferð og í fyrra
Innlent | mbl.is | 24.5.2011 | 7:47
Ólafur Ragnar Grímsson, forseti Íslands, sagði við bandarísku sjónvarpsstöðina CNN í gærkvöldi, að eldgosið í Grímsvötnum væri gríðarlega öflugt en myndi ekki valda eins mikilli röskun á flugumferð og eldgosið í Eyjafjallajökli gerði í fyrra.

„Varðandi Evrópu þá verður þetta ekki líkt því sem gerðist í fyrra. Þetta er annað eldfjall og Evrópa er betur búin undir svona ástand," sagði Ólafur Ragnar í viðtali við Piers Morgan.

Viðtal Piers Morgan við Ólaf Ragnar
////það er gott að Forseti vor tjáir sig við fjölmiðla akki veitir okkur af að hafa samband um þetta og ég veit að hugar hann eins og okkar, er hjá þessu blessaða fólki okkur þarna á hamfarasvæðunum/Halli gamli

Ekki sömu áhrif á flugumferð og í fyrra

Léttara yfir en í gær/gott væri ef það yrði áfram !!!!!

Léttara yfir en í gær
Innlent | mbl.is | 24.5.2011 | 7:14
Brúnt mistur er í loftinu á Kirkjubæjarklaustri en þó léttara yfir en í gær. Öskufok er í bænum og í sveitunum í kring. „Það er mikið mistur en ekkert öskufall. Mikið rok. Það skefur af fjöllunum og heiðunum,“ segir Hörður D. Björgvinsson á Hunkubökkum.

Þar á bæ er allt fé komið í hús og segir Hörður ástandið á því merkilega gott en öskumökkur hafi verið inni í fjárhúsunum. Bjart sé í því að askan sé ekki mikið menguð.

„Það kom hingað til okkar hestur í gær sem tapaðist á laugardaginn. Ótamið tryppi og hann var bara ljúfur og spakur,“ segir Hörður. Ekki virðist sem tryppinu hafi orðið meint af því að ráfa um í öskufallinu undanfarna daga./////þetta vonandi fer að linna eitthvað ekki annað hægt en ,það fer að drepast féð ef ekki,það kemst ekki i hús allt,svo og er fólkið þreytt á svona til lengdar og geturt ekkert gert ,það er bara beðið fyrír  fólki og fénaði af  almættinu/Halli gamli 

Léttara yfir en í gær

800 km langur gjóskustraumur/þetta er ótrulegt en satt,maður er agndofa yfir þessu!!!

800 km langur gjóskustraumur
Innlent | mbl.is | 23.5.2011 | 20:49
Mjög greinilegur gjóskustraumur sést til suðurs og til suðvesturs frá eldstöðinni í Grímsvötnum á MODIS mynd frá NASA, sem var tekin yfir Suðurlandi um hádegið í dag.

Straumurinn er alls um 800 km langur og teygir sig vel á haf út eins og sést á innskotsmyndinni. Þetta segir Ingibjörg Jónsdóttir, landfræðingur hjá Jarðvísindastofnun Háskóla Íslands.

Nær eldstöðinni sjáist gjóskan ekki vegna hærri skýja. Hún sé hins vegar vissulega til staðar. 

Á kortið er dregin strikalína yfir hugsanlega útbreiðslu aðal gjóskusvæðisins í dag. Ekki er ljóst hve mikill hluti af gjóskunni hefur komið upp í dag og hve mikið er fok vegna gjósku sem féll í gær.////þetta er ótrúlegt en svona er þetta stórt og langt og það 8 km., svo það er ekki skrítið að 20 tonn á sekúndu komi þarna upp af gosmekki,það þarf engan að undra,þetta gerir mann  bara orðlausan ekki spurning/Halli gamli

800 km langur gjóskustraumur