Manni dettur í hug að fólk spái meira í þessa sameinlegu stefnu Ríkisstjórnar vorar!!!!!

Stefnuyfirlýsing ríkisstjórnar Framsóknarflokksins og Sjálfstæðisflokksins 22. maí 2013 Stefnuyfirlýsing ríkisstjórnar Framsóknarflokks og Sjálfstæðisflokks Með myndun ríkisstjórnar Framsóknarflokks og Sjálfstæðisflokks hefst ný sókn í þágu lands og þjóðar.

Leiðarljós ríkisstjórnarinnar er bættur hagur heimilanna í landinu og efling atvinnulífs með aukinni verðmætasköpun í þágu almannahags. Ríkisstjórnin mun leitast við að virkja samtakamátt þ

jóðarinnar og vinna gegn því sundurlyndi og tortryggni sem einkennt hefur íslensk stjórnmál og umræðu í samfélaginu um nokkurt skeið.

Framfarir og bætt lífskjör á Íslandi hafa byggst á samvinnu og samheldni og til framtíðar munu Íslendingar halda áfram að leysa sameiginlega af hendi helstu verkefni þjóðfélagsins.

Með aðgerðum sínum hyggst ríkisstjórnin einnig eyða þeirri pólitísku óvissu sem hefur verið of áberandi þáttur í íslensku þjóðlífi á undanförnum árum.

Unnið verður að víðtækri sátt við aðila vinnumarkaðarins um þróun vinnumarkaðar og uppbyggingu til framtíðar.

Það er forsenda þess að Íslendingar geti hafið nýtt skeið vaxtar og stöðugleika að íslenskt efnahagslíf njóti að nýju trausts á innlendum sem erlendum vettvangi.

Þannig verða undirstöður velferðar treystar og sköpuð skilyrði fyrir bættri afkomu heimilanna. Samfélag er samvinnuverkefni þar sem öll störf skipta máli og haldast í hendur.

Mikilvægt er að hlúð sé að þeim sem þurfa á aðstoð að halda og jafnframt að fólk fái notið árangurs erfiðis síns og hugkvæmni.

Aldraðir skulu njóta öryggis og velferðar og öllum skal tryggð hlutdeild í þeirri verðmætasköpun sem Ísland og íslenska þjóðin getur af sér.

Með verkum sínum mun ríkisstjórnin gera landsmönnum kleift að nýta þau fjölmörgu tækifæri sem þeir standa frammi fyrir, þjóðinni allri til heilla.

Unnið verður að því að tryggja jafnrétti allra landsmanna, óháð einstaklingsbundnum þáttum og stöðu að öðru leyti, svo sem vegna búsetu, og að rækta með þjóðinni þær dyggðir sem best tryggja farsæld og jafnræði.

Bætt lýðheilsa og forvarnastarf verður meðal forgangsverkefna ríkisstjórnarinnar. Ísland á að vera fjölskylduvænt land þar sem börn búa við öryggi og jöfn tækifæri og njóta lögvarinna réttinda líkt og aðrir þjóðfélagsþegnar.

Stefna stjórnvalda skal stuðla að því að yngstu kynslóðirnar öðlist trú á framtíð lands og þjóðar og þá þekkingu og framfaraþrá sem er grundvöllur hagsældar til framtíðar.

Íslensk þjóðmenning verður í hávegum höfð, að henni hlúð og hún efld.

Áhersla verður lögð á málvernd, vernd sögulegra minja og skráningu Íslandssögunnar, auk rannsókna og fræðslu.

Ríkisstjórnin mun vinna að því að auka virðingu fyrir merkri sögu landsins, menningu þess og tungumálinu, innanlands sem utan. 22. MAÍ 2013 -1 Ríkisstjórnin leggur áherslu á samfélagslegt mikilvægi frjálsra félagasamtaka og sjálfboðastarfs og mun greiða götu slíkrar starfsemi. Æskilegt er að stjórnvöld viðurkenni í auknum mæli í verki mikilvægi samtaka á borð við hjálparsveitir, ungmennafélög, íþróttafélög, forvarna- og hjálparsamtök og önnur frjáls félagasamtök sem efla og bæta íslenskt samfélag.

Ríkisstjórnin mun vinna að því að Ísland verði í fararbroddi í umhverfismálum á heimsvísu og öðrum þjóðum fyrirmynd á sviði umhverfisverndar.

Ísland hefur sérstöðu í umhverfismálum í krafti ósnortinnar náttúru og sjálfbærrar nýtingar endurnýjanlegra auðlinda.

Sú ímynd er auðlind í sjálfri sér.

Unnið verður að því að styrkja þá ímynd og grundvöll hennar, að vernda íslenska náttúru og efla landgræðslu og skógrækt þar sem það á við.

Ríkisstjórnin telur mikilvægt að fegra hið manngerða umhverfi, borgir og bæi. Sett verða lög um sérstök verndarsvæði í byggð í samræmi við það sem tíðkast víða í Evrópu og Norður-Ameríku. Markmiðið er að vernda sögulega byggð.

Þannig verði framkvæmdir til þess fallnar að styrkja heildarmynd svæðis sem nýtur verndar til samræmis við upprunaleg einkenni þess og auka þannig á menningarlegan styrk þess og aðdráttarafl.

Ríkisstjórnin leggur áherslu á aðgengi almennings að gögnum hins opinbera. Einkum er brýnt að auka og bæta aðgengi að upplýsingum um ráðstöfun almannafjár.

Lögð verður áhersla á þjónustuhlutverk ríkisstofnana enda skal starf stjórnvalda ætíð vera í þágu almennings.

Ríkisstjórnin leggur áherslu á: Heimilin Heimilin eru undirstaða og drifkraftur þjóðfélagsins. Ríkisstjórnin mun með markvissum aðgerðum taka á skuldavanda íslenskra heimila sem er til kominn vegna hinnar ófyrirsjáanlegu höfuðstólshækkunar verðtryggðra lána sem leiddi af hruni fjármálakerfisins.

Grunnviðmiðið er að ná fram leiðréttingu vegna verðbólguskots áranna 2007–2010 en í því augnamiði má beita bæði beinni niðurfærslu höfuðstóls og skattalegum aðgerðum.

Um verður að ræða almenna aðgerð óháð lántökutíma með áherslu á jafnræði.

Beita má fjárhæðartakmörkum vegna hæstu lána og setja önnur skilyrði til að tryggja jafnræði í framkvæmd og skilvirkni úrræða.

Í ljósi þess að verðtryggðar skuldir hækkuðu og eignaverð lækkaði, m.a. vegna áhrifa af gjaldþroti fjármálafyrirtækja og áhættusækni þeirra í aðdraganda hrunsins, er rétt að nýta svigrúm, sem að öllum líkindum myndast samhliða uppgjöri þrotabúanna, til að koma til móts við lántakendur og þá sem lögðu sparnað í heimili sín, rétt eins og neyðarlögin tryggðu að eignir þrotabúanna nýttust til að verja peningalegar eignir og endurreisa innlenda bankastarfsemi.

Ríkisstjórnin heldur þeim möguleika opnum að stofna sérstakan leiðréttingarsjóð til að ná markmiðum sínum. 2 -STEFNUYFIRLÝSING RÍKISSTJÓRNAR FRAMSÓKNARFLOKKSINS OG SJÁLFSTÆÐISFLOKKSINS Æskilegt er að nýta það tækifæri sem gefst samhliða skuldaleiðréttingu til að breyta sem flestum verðtryggðum lánum í óverðtryggð.

Lækkun höfuðstóls nýtist þá til að koma í veg fyrir að mánaðarleg greiðslubyrði aukist verulega, jafnvel þótt lán verði greidd hraðar niður.

Þannig má einnig koma í veg fyrir þensluhvetjandi áhrif leiðréttingarinnar og styrkja grundvöll peningastefnunnar, en það er mikilvægur liður í afnámi hafta.

Sérfræðinefnd um afnám verðtryggingar af neytendalánum og endurskipulagningu húsnæðislánamarkaðarins verður skipuð á fyrstu dögum nýrrar ríkisstjórnar og mun skila af sér fyrir næstu áramót.

Unnið verður að því að dómsmál og önnur ágreiningsmál, sem varða skuldir einstaklinga og fyrirtækja, fái eins hraða meðferð og mögulegt er. Óvissu um stöðu lántakenda gagnvart lánastofnunum verður að linna.

Efnahagsmál Ábyrg efnahagsstjórn er forsenda velferðar, öflugs heilbrigðis- og menntakerfis, löggæslu og annarrar grunnþjónustu. Agi og jafnvægi í ríkisfjármálum gegnir lykilhlutverki við að tryggja stöðugleika, lægri vexti og litla verðbólgu. Krónan verður gjaldmiðill Íslendinga um fyrirsjáanlega framtíð.

Renna þarf styrkari stoðum undir peningastefnuna með traustri hagstjórn sem tekur mið af aðstæðum og hagsveiflum.

Það er forgangsverkefni að yfirfara áætlun í ríkisfjármálum með hliðsjón af nýjustu upplýsingum um stöðu efnahagsmála og að setja raunhæf markmið um heildarjöfnuð í ríkisfjármálum.

Markvisst þarf að vinna að því að lækka skuldir ríkissjóðs sem hlutfall af vergri landsframleiðslu.

Ríkisstjórnin leggur áherslu á að skapa skilyrði fyrir hagvöxt sem knúinn verður áfram af auknum útflutningi og bættri framleiðni hjá hinu opinbera og í einkageiranum.

Með aukinni framleiðni í opinberri þjónustu má nýta fé betur og styrkja þannig enn frekar grundvöll velferðarþjónustunnar.

Tekin verða upp bætt vinnubrögð við fjárlagagerð og horft til lengri tíma til að bregðast við stöðu ríkissjóðs og tryggja skynsamlega nýtingu á fjármagni.

Áhersla verður lögð á fernt í því sambandi: Í fyrsta lagi þarf að gera aukinn greinarmun á innlendum útgjöldum og þeim sem renna úr landi, í öðru lagi að aðgreina fjárfestingu og útgjöld og í þriðja og fjórða lagi að meta annars vegar langtímaáhrif og hins vegar heildaráhrif fjárlaga.

Skipaður verður aðgerðahópur sem tekur til skoðunar ríkisútgjöld með það að markmiði að hagræða og forgangsraða og auka skilvirkni stofnana ríkisins. 22. MAÍ 2013 -3 Afnám hafta á fjármagnsflutninga

Eitt mikilvægasta verkefni ríkisstjórnarinnar verður að vinna að afnámi fjármagnshafta en gjaldeyrishöftin bjaga eignaverð og draga úr samkeppnishæfi þjóðarinnar. Greina þarf efnahagsstöðu íslenska þjóðarbúsins og útfæra áætlun um afnám hafta með hliðsjón af mikilvægi gjaldeyrisjöfnuðar fyrir land og þjóð.

Sérstaklega þarf að tryggja trausta umgjörð um gjaldeyrismarkaðinn til framtíðar og sjá til þess að skuldaskil fallinna fjármálafyrirtækja ógni ekki efnahagslegum stöðugleika. Skattaumhverfi Skattar einstaklinga og fyrirtækja standa undir nauðsynlegri þjónustu við samfélagið allt.

Með stöðugu og skynsamlegu skattkerfi er unnt að hvetja einstaklinga til að nýta starfskrafta sína og fyrirtækin til að færa út kvíarnar, fjölga störfum og fjárfesta.

Gerð verður úttekt á skattkerfinu og skattkerfisbreytingum undanfarinna ára og lagðar fram tillögur til úrbóta með það að markmiði að einfalda skattkerfið, breikka skattstofna, minnka tekjutengingar og draga úr undanskotum.

Með einföldun skattkerfisins og innleiðingu jákvæðra hvata verður rekstur fyrirtækja einfaldari og skilvirkari.

Með lækkun skatta á tekjur, vörur og þjónustu má ná fram mikilvægum kjarabótum sem útfærðar verða nánar í samráði við aðila vinnumarkaðarins og með hliðsjón af öðrum efnahagsaðgerðum, svo sem afnámi gjaldeyrishafta.

Mikilvægt er að auka framleiðslu og fjölga störfum og í þeim tilgangi verða gerðar breytingar á skattaumhverfi fyrirtækja.

Skattkerfið og rekstrarumhverfi fyrirtækja þarf að vera fyrirsjáanlegt svo þau eigi hægara um vik að gera áætlanir og sjái sér hag í að fjárfesta.

Ríkisstjórnin mun því leitast við að veita upplýsingar um hvernig skattar og það regluverk sem fyrirtæki starfa eftir muni þróast til framtíðar.

Á kjörtímabilinu verður tryggingagjald lækkað, lágmarksútsvar afnumið og tekjuskattskerfið tekið til endurskoðunar.

Neysluskattar verða jafnaðir og einfaldaðir og vörugjöld endurskoðuð. Atvinna og fjárfesting Öflugt atvinnulíf er undirstaða vaxtar og velferðar.

Ríkisstjórnin mun leggja kapp á að skapa starfsumhverfi sem ýtir undir fjárfestingu og fjölgun starfa, ekki síst hjá litlum og meðalstórum fyrirtækjum.

Sérstök áhersla verður lögð á vöxt útflutningsgreina, nýsköpun og nýtingu vaxtartækifæra framtíðarinnar, auk þess að tryggja jafnræði gagnvart lögum.

Ríkisstjórnin mun beita sér fyrir endurskoðun regluverks atvinnulífsins með einföldun og aukna 4 -STEFNUYFIRLÝSING RÍKISSTJÓRNAR FRAMSÓKNARFLOKKSINS OG SJÁLFSTÆÐISFLOKKSINS skilvirkni þess að leiðarljósi.

Markmið hennar verður að minnka skrifræði og einfalda samskipti við opinbera aðila um leið og kostnaði er haldið niðri.

Sérstakt markmið er að engar nýjar íþyngjandi reglur verði innleiddar fyrir atvinnulífið án þess að um leið falli brott jafnveigamiklar kvaðir. Þannig munu heildaráhrif regluverksins þróast í rétta átt.

Unnið verður að því að jafna samkeppnisstöðu með því að vinna gegn kennitöluflakki, tryggja jafnræði vegna greiðslu opinberra gjalda, hindra að gjaldeyrishöft skekki samkeppnisstöðu fyrirtækja og koma í veg fyrir að fjármálastofnanir stjórni rekstrarfélögum til langs tíma.

Ferðaþjónusta Langtímastefnumótun fyrir ferðaþjónustu á Íslandi er nauðsynleg með tilliti til uppbyggingar innviða, markaðssetningar landsins og sköpunar verðmætra starfa í greininni. Leitast verður við að nýta betur tækifæri á sviði menningartengdrar ferðaþjónustu og efla heilsárs ferðaþjónustu.

Kannaðir verða möguleikar á gjaldtöku til uppbyggingar ferðamannastaða til að bregðast við auknum fjölda ferðamanna í náttúru Íslands og tryggja sjálfbærni.

Fallið verður frá áformum fyrri ríkisstjórnar um hækkun virðisaukaskatts á ferðaþjónustu.

Sjávarútvegur Ríkisstjórnin leggur áherslu á áframhaldandi uppbyggingu í sjávarútvegi og vinnslu.

Samkeppnishæfni íslensks sjávarútvegs má efla enn frekar, ekki síst með aðgerðum er snúa að bættri meðferð afla, fjölbreyttari úrvinnslu afurða og nýtingu svokallaðra aukaafurða. Stuðlað verður að uppbyggingu sjávarklasans með því að tryggja greininni gott starfsumhverfi, innleiða jákvæða hvata í regluverk og ýta undir vöruþróun og markaðssókn.

Ríkisstjórnin vill efla fræðslu og menntun í sjávarútvegi, bæði hvað varðar veiðar og vinnslu og ekki síst til þess að takast á við ný verkefni samfara vöruþróun, nýsköpun og markaðs- og sölustarfi.

Haldið verður á lofti á alþjóðlegum vettvangi sjálfbærni veiðanna, hreinleika og gæðum afurðanna. Mikilvægt er að skapa skilyrði til endurnýjunar skipastóls og búnaðar landvinnslu með aukna verðmætasköpun og hagsmuni og öryggi starfsfólks í huga.

Fiskveiðistjórnunarkerfið verður yfirfarið, meðal annars með tilliti til hagkvæmni, öryggis og kjara sjómanna og umhverfisverndar.

Stefnt er að því að auka sveigjanleika í nýtingarstefnu án þess að fórna ábyrgri stjórnun og nýtingu veiðistofna.

Grundvöllur fiskveiðistjórnunar verður aflamarkskerfi. Ríkisstjórnin vill efla sátt um framtíðarskipulag greinarinnar.

Áfram verður unnið með tillögu sáttanefndar sem starfaði á 22. MAÍ 2013 -5 liðnu kjörtímabili um að samningsbundin réttindi um nýtingu aflaheimilda taki við af varanlegri úthlutun. Samningarnir feli í sér rétt til endurnýjunar að uppfylltum skilyrðum sem samningarnir kveði á um.

Stuðst verður áfram við þau félagslegu, byggðalegu og atvinnulegu úrræði sem gildandi fiskveiðistjórnarlöggjöf kveður á um. Í samráði við sveitarstjórnir og samtök í sjávarútvegi verður fyrirkomulag þessa endurskoðað. Lög um veiðigjald verða endurskoðuð.

Almennt gjald skal endurspegla afkomu útgerðarinnar í heild en sérstakt gjald taka sem mest mið af afkomu einstakra fyrirtækja.

Ríkisstjórnin mun í samráði við þá sem starfa í sjávarútvegi kanna kosti þess að koma á fót vettvangi sem hafi það verkefni að fræða, kynna og upplýsa um gæði og kosti íslensks sjávarútvegs.

Horft verður m.a. til skipulags Norðmanna hvað þetta varðar. Leitað verður leiða til að auka samráð og upplýsingaskipti Hafrannsóknastofnunar, útgerðar og sjómanna. Nýsköpun Ríkisstjórnin leggur mikla áherslu á nýsköpun í öllum atvinnugreinum.

Nauðsynlegt er að auka framleiðni hér á landi og það er forsenda langtímahagvaxtar að skapa umhverfi sem hvetur til nýsköpunar í starfandi fyrirtækjum, opinberum rekstri og nýjum fyrirtækjum.

Til að tryggja að fjárveitingar til rannsókna og þróunarstarfs nýtist sem best leggur ríkisstjórnin áherslu á að samhæfa rekstrargrunna og rekstrarumhverfi ríkisstofnana sem stunda rannsóknir og þróun.

Gera þarf breytingar á skattalöggjöf til að gera þeim sem vinna að rannsóknum kleift að standa jafnfætis erlendri samkeppni og samstarfi.

Þannig geta háskólar, fyrirtæki og einstaklingar notið þess sem þeir afla á sambærilegan hátt og gerist annars staðar.

Örva þarf samstarf og samlegð fyrirtækja til þess að vinna að stærri þróunarmálum einstakra greina, meðal annars með því að móta klasastefnu, bæta aðgengi sprotafyrirtækja að hlutafé og einfalda stuðningsumhverfið.

Landbúnaður Ríkisstjórnin lítur á landbúnað sem eina af mikilvægustu atvinnugreinum framtíðarinnar.

Vaxandi eftirspurn eftir mat á heimsvísu skapar íslenskum landbúnaði sóknarfæri með möguleikum á aukinni framleiðslu og margbreytilegum afurðum.

Ríkisstjórnin mun gera íslenskum landbúnaði kleift að nýta þau sóknarfæri sem greinin stendur frammi fyrir. Með það fyrir augum er brýnt að kanna með hvaða hætti er unnt að auka verðmætasköpun og nýta sem best tækifærin sem felast í sveitum landsins.

6 -STEFNUYFIRLÝSING RÍKISSTJÓRNAR FRAMSÓKNARFLOKKSINS OG SJÁLFSTÆÐISFLOKKSINS Til að bregðast við aukinni eftirspurn eftir matvælum og hækkandi verðlagi verður skipaður starfshópur til að móta tillögur um hvernig auka megi matvælaframleiðslu á Íslandi og tryggja að ávinningur af aukinni eftirspurn og sókn á nýja markaði skili sér í bættum kjörum bænda.

Starfshópurinn mun fara yfir alla lagaumgjörð landbúnaðar, vinnslu matvæla og nýtingar lands. Mótaðar verði tillögur um breytingar á lögum og reglugerðum sem ráðast þarf í til að ná settum markmiðum.

Nýsköpun, markaðs- og sölumál verða einnig endurskoðuð. Starfshópurinn mun leita samráðs við fulltrúa þeirra sem starfa í greininni.

Stefnt er að endurskoðun búvörusamninga með tilliti til fóður- og fæðuframleiðslu.

Sveitarfélög verði studd í ákvarðanatöku um hvaða svæði séu helguð landbúnaði og lagarammi um þá hagsmuni bættur. Olía og gas Ríkisstjórnin mun eins og kostur er stuðla að því að nýting hugsanlegra olíu- og gasauðlinda geti hafist sem fyrst, finnist þær í vinnanlegu magni.

Í því skyni mun hún ráðast í undirbúningsvinnu vegna samgöngumála, slysavarna og björgunarstarfa, umhverfisverndar, innviða, samstarfs við nágrannalönd og regluverks, ásamt því að stofna sérstakt ríkisolíufélag.

Tilgangur félagsins verður að halda utan um leyfi til olíu- og gasvinnslu og leggja grunn að því að hugsanlegur ávinningur af vinnslunni nýtist samfélaginu öllu og til langs tíma.

Með þessum ráðstöfunum má stuðla að aukinni þekkingu á sviði leitar og vinnslu á olíu og gasi hjá íslenskum fyrirtækjum og stjórnkerfinu.

Slík þekking er verðmæt, hvort sem verður af vinnslu í íslenskri lögsögu eða ekki.

Velferðarmál Íslenskt heilbrigðiskerfi verður að vera samkeppnisfært við nágrannalönd um tækjakost, aðbúnað sjúklinga og aðstæður starfsmanna.

Ríkisstjórnin leggur áherslu á að landsmenn njóti aðgengis að heilbrigðisþjónustu óháð búsetu.

Unnið verður að því að auka almenn lífsgæði landsmanna með því að efla starf á sviði forvarna og lýðheilsu.

Þannig má einnig draga úr beinum og óbeinum kostnaði fyrir samfélagið allt til framtíðar. Jafnframt verður lögð áhersla á slysavarnir og fræðslu sem þeim tengist.

Mikilvægt er að efla heilsugæsluna og tryggja stöðu hennar sem fyrsta viðkomustaðar sjúklinga. Kanna þarf til hlítar kosti þess að beita forskrift í auknum mæli sem aðferð til að úthluta fjármagni og leita allra leiða til að auka framleiðni um leið og hugað er að samfélagslegum þáttum.

Haldið verður áfram að þróa og tengja saman rafræn sjúkragögn á landsvísu með hagsmuni, öryggi og gæði þjónustu við sjúklinga að leiðarljósi. 22. MAÍ 2013 -7 Ný lög um greiðsluþátttöku vegna lyfjakostnaðar þarf að taka til athugunar og virkja til fulls lög um sjúkratryggingar nr. 112/2008.

Húsakostur Landspítala er óviðunandi.

Leggja þarf áherslu á viðhald og endurbætur á núverandi húsa- og tækjakosti stofnunarinnar þar til varanleg lausn fæst. Ríkisstjórnin leggur áherslu á að landsmenn búi við öryggi í húsnæðismálum í samræmi

við þarfir hvers og eins og hafi raunverulegt val um búsetuform.

Mikilvægt er að stilla betur saman réttindi lífeyrisþega til greiðslna úr lífeyrissjóði annars vegar og almannatryggingakerfinu hins vegar.

Þannig má skapa meiri sátt um samspil þessara tveggja kerfa.

Skerðingar á frítekjumarki vegna atvinnutekna og fjármagnstekna aldraðra og öryrkja sem tóku gildi árið 2009 verða afturkallaðar.

Ríkisstjórnin telur mikilvægt að aldraðir njóti jafnræðis og sanngirni í samfélaginu, og virkni þeirra sé tryggð. Stuðla þarf að sveigjanlegum starfslokum og lífeyristökualdri.

Fyrirliggjandi áform um breytingar á almannatryggingum verða endurmetin. Brýnt er að unnið verði að langtímastefnumótun heilbrigðiskerfisins svo tryggja megi betur hagkvæmni og stöðugleika innan kerfisins með eðlilegu samráði við fagfélög heilbrigðisstarfsfólks og aðra hagsmunaaðila.

Þjónustustýring verður innleidd í áföngum. Mennta- og menningarmál Ríkisstjórnin leggur ríka áherslu á að efla menntakerfið með hagsmuni nemenda og þjóðarinnar allrar að leiðarljósi.

Fjölbreytileiki í skólastarfi er lykill að kraftmiklu og skapandi samfélagi.

Áhersla verður lögð á samráð við hagsmunaaðila þegar ákvarðanir eru teknar á vettvangi ríkisins um skipulag náms og kennslu. Auka þarf áherslu á nám í iðn-, verk-, tækni-, hönnunar- og listgreinum og efla tengsl þ

þessara námsgreina við atvinnulífi.

Komið verði á fót samstarfsvettvangi menntamálayfirvalda, kennara og hagsmunaaðila í atvinnulífi um framtíðarsýn og mótun menntastefnu í þessum greinum. Ríkisstjórnin mun vinna gegn brottfalli úr námi, m.a. með styrkingu náms- og starfsfræðslu á grunn- og framhaldsskólastigi.

Ríkisstjórnin leggur áherslu á að taka upp samstarf við hagsmunaaðila í menntamálum um þróun menntakerfisins og aukin gæði menntunar.

Horft verði til 10 punkta samkomulagsins frá 2006 um fyrirmynd samstarfsins.

Með samstarfinu verði einnig leitað leiða til að stytta nám að háskólastigi og auka samfellu milli skólastiga.

Ríkisstjórnin leggur áherslu á mikilvægi íþrótta-, tómstunda- og æskulýðsmála og samþættingu leiks og náms eftir því sem kostur er.

Stuðla ber að því að sem flestir geti fundið eitthvað við sitt hæfi hvort sem um ræðir íþróttir, listnám, listsköpun eða félagsstarf.

Slíkt starf þroskar einstaklinginn og hefur mikið forvarnargildi. 8 -STEFNUYFIRLÝSING RÍKISSTJÓRNAR FRAMSÓKNARFLOKKSINS OG SJÁLFSTÆÐISFLOKKSINS Leitast verður við að auðvelda börnum og ungmennum að fóta sig í bráð og lengd, meðal annars með því að leggja áherslu á félagsfærni, aðgerðir gegn einelti og fjármálalæsi í grunn- og framhaldsskólum.

Fylgt verður ákvæðum samnings um Aldarafmælissjóð Háskóla Íslands sem komið var á fót árið 2011 í víðtækri sátt. Ríkisstjórnin leggur áherslu á að styðja við skapandi greinar og vill að á Íslandi verði listnám aðgengilegt og viðurkennt.

Gerð verði úttekt á starfsumhverfi skapandi greina með það að markmiði að þær eflist og sæki fram.

Leitast verður við að auðvelda börnum og ungmennum að fóta sig í bráð og lengd, meðal annars með því að leggja áherslu á félagsfærni, fjármálalæsi og aðgerðir gegn einelti í grunn- og framhaldsskólum.

Tónlist njóti sömu hvetjandi ívilnana og kvikmyndagerð, þ.e. að hluti kostnaðar við tónlistarupptökur verði endurgreiddur.

Standa þarf vörð um íslenska tungu, efla rannsóknir á þróun tungumálsins og styrkja stöðu íslensks táknmáls. Umhverfismál Ríkisstjórnin leggur áherslu á að náttúruvernd og náttúrunýting fari saman.

Hrein endurnýjanleg orka, landbúnaður í ómengaðri náttúru og sjálfbær sjávarútvegur fela í sér mikil markaðstækifæri sem geta lagt grunn að auknum útflutningi og sterkri ímynd landsins.

Mikilvægt er að beita hvetjandi aðgerðum í efnahagslífinu til að ýta undir græna starfsemi.

Nýta ber vistvæna orkugjafa enn frekar við samgöngur.

Hvatt verði til þess að dregið verði úr notkun jarðefnaeldsneytis.

Brýnt er að dregið verði úr nettólosun gróðurhúsalofttegunda, bæði með því að draga úr beinni losun af mannavöldum og með því að stórauka landgræðslu, skógrækt og aðra eflingu gróðurlenda.

Náttúra landsins er ein helsta auðlind þess. Verndargildi á hverjum stað þarf að meta á faglegan hátt með víðtæku samstarfi þar sem stefnan er sett fram í náttúruverndaráætlun og með lögum um náttúruvernd.

Almannaréttur til umgengni um landið, annað en ræktarland, þarf að vera ríkur. Rammaáætlun um vernd og orkunýtingu landsvæða verður endurskoðuð á grundvelli niðurstaðna faghópa sérfræðinga sem verkefnisstjórn skipaði.

Byggðamál Unnið verður að samþættingu opinberra áætlana og gerð sérstakra landshlutaáætlana í samvinnu við sveitarfélögin.

Þannig verður hlutverk sveitarstjórna og heimamanna á hverjum stað aukið við forgangsröðun verkefna í héraði. 22. MAÍ 2013 -9 Lögð verður áhersla á jafnrétti til búsetu og að íbúar landsins fái notið þeirrar grunnþjónustu sem gera á kröfu um í þróuðu nútímasamfélagi. Ríkisstjórnin mun vinna að samgöngubótum með áherslu á tengingu byggða. Reykjavíkurflugvöllur er grundvallarþáttur í samgöngum landsins.

Til þess að hann geti áfram gegnt því mikilvæga þjónustuhlutverki sem hann hefur gert gagnvart landinu öllu þarf að tryggja framtíðarstaðsetningu hans í nálægð við stjórnsýslu og aðra þjónustu.

Ljóst er að ákveðnar byggðir eiga við meiri erfiðleika að etja en aðrar.

Gera þarf úttekt á þeim svæðum og móta tillögur um hvernig mæta má aðsteðjandi vanda.

Mikilvægt er að stuðla að fjölbreyttum atvinnutækifærum um allt land, m.a. með dreifingu opinberra starfa, uppbyggingu fjarskiptanets, stóraukinni ljósleiðaravæðingu og bættu raforkuöryggi.

Kanna þarf kosti þess að nýta aðferðir og reynslu Norðurlandaþjóða við að treysta byggð, auka verðmætasköpun og fjárfestingu og fjölga störfum á landsbyggðinni meðal annars með skattalegum hvötum.

Almennar byggðaaðgerðir efla ekki einungis dreifbýl svæði landsins heldur bæta einnig hag ríkissjóðs og þjóðarinnar allrar. Unnið verður að jöfnun raforku- og húshitunarkostnaðar.

Jafnréttismál Ríkisstjórnin mun vinna markvisst að því ná raunverulegu jafnrétti fyrir alla.

Ríkisstjórnin mun endurmeta þær aðferðir sem notaðar hafa verið í baráttu fyrir jafnrétti kynjanna með það að markmiði að bæta árangur á sviði jafnréttismála og vinna gegn launamuni kynjanna.

Fjárhagslegt sjálfstæði einstaklinga er grundvöllur jafnréttis.

Huga þarf að fjárhagslegu sjálfstæði óháð hjúskaparstöðu, sér í lagi þegar kemur að skatta-, lífeyris- og örorkumálum. Lögð verður áhersla á að jafna stöðu foreldra.

Fjárhagslegir og félagslegir hagir umgengnisforeldra verði rannsakaðir með tilliti til þess hvort leiðrétta þurfi aðkomu þeirra að bóta- og skattkerfinu vegna þátttöku í uppeldi barna sinna.

Stjórnskipunarmál Unnið verður áfram að endurskoðun stjórnarskrár lýðveldisins með breiða samstöðu og fagmennsku að leiðarljósi. Lögð verður áhersla á ákvæði um þjóðareign á auðlindum og um þjóðaratkvæðagreiðslur um lög Alþingis að frumkvæði verulegs hluta kjósenda.

Í samræmi við núverandi stjórnskipun mun endurskoðun stjórnarskrárinnar fara fram undir umsjón og á ábyrgð Alþingis sem hafa mun vinnu undanfarinna ára til hliðsjónar.

Áhersla verður lögð á gagnsæi og upplýsta umræðu með þátttöku almennings. 10 -STEFNUYFIRLÝSING RÍKISSTJÓRNAR FRAMSÓKNARFLOKKSINS OG SJÁLFSTÆÐISFLOKKSINS Innanríkismál Ríkisstjórnin leggur áherslu á að efla löggæsluna. Leiðarljós í því átaki verður niðurstaða nefndar um löggæslumál sem skilaði nýlega tillögum um forgangsröðun verkefna á næstu árum.

Lögreglan mun fá auknar heimildir til skilvirkari aðgerða gegn skipulagðri glæpastarfssemi. Fundin verður framtíðarlausn varðandi þyrlukost Landhelgisgæslunnar, enda grundvallarþáttur í öryggi landsmanna.

Ríkisstjórnin leggur áherslu á áframhaldandi styrkingu sveitarstjórnarstigsins og frekara samráð við sveitarfélögin um flutning verkefna til þeirra.

Stefnt skal að því að millidómsstig verði tekið upp, bæði í einka- og sakamálum, og að hæstiréttur starfi í einni deild.

Stjórnsýslan Ríkisstjórnin mun auka skilvirkni stjórnsýslunnar, m.a. með breytingum á skipulagi, samræmingu á stoðþjónustu, sameiningu stofnana og tilflutningi á milli sviða í samræmi við áherslur og forgangsmál. Áhersla verður lögð á að bæta stjórnsýslu og þjónustu ríkisins, m.a. með auknu samstarfi rí

kis og sveitarfélaga, rafrænni stjórnsýslu og hagnýtingu upplýsingatækni í samskiptum við íbúa.

Utanríkismál Meginmarkmið íslenskrar utanríkisstefnu er að gæta hagsmuna lands og þjóðar á alþjóðavettvangi.

Það er grundvallaratriði í samskiptum þjóða að alþjóðalög séu virt og að þjóðir leysi deilumál með friðsamlegum hætti.

Samstarf þjóða er mikilvægt til þess að takast á við þær ógnir sem þjóðir standa frammi fyrir þvert á landamæri og leikreglur alþjóðakerfisins.

Gert verður hlé á aðildarviðræðum Íslands við Evrópusambandið og úttekt gerð á stöðu viðræðnanna og þróun mála innan sambandsins.

Úttektin verður lögð fyrir Alþingi til umfjöllunar og kynnt fyrir þjóðinni.

Ekki verður haldið lengra í aðildarviðræðum við Evrópusambandið nema að undangenginni þjóðaratkvæðagreiðslu.

Ríkisstjórnin mun vinna að því að Ísland verði leiðandi afl á norðurslóðum og virkur þátttakandi í vestnorrænu starfi.

Undirbúningur verður hafinn að nýtingu tækifæra sem skapast með opnun siglingaleiða um norðurslóðir og áhersla lögð á að verkefni þeim tengd verði vistuð hérlendis.

Stefna Íslands í utanríkisviðskiptum mun taka mið af þeim öru breytingum sem eru að verða á efnahagskerfum heimsins.

Möguleikar til að auka útflutning til svæða þar sem eftirspurn vex stórum skrefum á komandi árum verði kannaðir frekar og tengsl við viðkomandi svæði styrkt. 22. MAÍ 2013 -11 Áhersla verður lögð á gerð fleiri fríverslunarsamninga, bæði tvíhliða og á vettvangi EFTA.

Leitað verður leiða til að fullnýta möguleika sem felast í þeim fríverslunarsamningum sem Ísland á þegar aðild að.

Lögð verður áhersla á þróunarsamvinnu og öfluga þátttöku í fjölþjóðlegu samstarfi um sjálfbæra nýtingu náttúruauðlinda, einkanlega á vettvangi fjölþjóðastofnana sem sinna verkefnum tengdum skólum Sameinuðu þjóðanna á Íslandi.

Enn fremur verður staðið að neyðar- og mannúðaraðstoð við bágstaddar þjóðir.

Laugarvatni 22. maí 2013 Sigmundur Davíð Gunnlaugsson Bjarni Benediktsson Formaður

Framsóknarflokksins Formaður Sjálfstæðisflokksins///////////////////Svo mjög mörg voru þau orð sem á að skapa nýtt þjóðfélag og betra,og þessa vonum við ,en menn verða að lesa þetta,til að sjá hverju farið eftir og verði gert??ég gæti þegar skrifað um margt sem ekki hefur verið hreyf við ,en við verið bara að reka þetta ofaní okkar flokka og vera á verði ekki spurning!!!Það er margt þarna sem ég sætti mig við,en eitt öðru framar takið af verðtrygginga strax//Halli gamli

Þingmenn gerast talsmenn barna/Ég hefi þá tlfiningu að þeir séu með okkur öll sem talsmenn,ekki síður Öldruðum,þeirra mál eru mjög döpur!!!

Þingmenn gerast talsmenn barna Innlent | mbl.is | 20.11.2014 | 12:52 Hanna Birna setti setti hátíðina í Laugarlækjarskóla.

Sérstakur þverpólitískur hópur þingmanna undirritaði í dag yfirlýsingu um að gerast talsmenn barna á Alþingi.

Hópinn skipa þingmenn úr öllum flokkum sem hafa setið námskeið á vegum UNICEF, Barnaheilla og Umboðsmanns barna um Barnasáttmálann og notkun hans.

Yf­ir­lýs­ing­in var und­ir­rituð á af­mæl­is­hátíð í til­efni 25 ára af­mæl­is Barna­sátt­mála Sam­einuðu þjóðanna sem var hald­in í Lauga­lækj­ar­skóla í morg­un.

Hanna Birna Kristjáns­dótt­ir setti hátíðina og lýsti af­mælis­ár sátt­mál­ans hafið.

Að því loknu fóru fram­kvæmda­stjór­ar UNICEF og Barna­heilla ásamt umboðsmanni barna og inn­an­rík­is­ráðherra fyr­ir af­mæl­is­söng Barna­sátt­mál­ans, en Ill­ugi Gunn­ars­son mennta­málaráðherra lék und­ir á pí­anó.

Settu upp „barnagler­augu“ Þing­manna­hóp­inn skipa Elín Hirst, þingmaður Sjálf­stæðis­flokks­ins, Karl Garðars­son, þingmaður Fram­sókn­ar­flokks­ins, Val­gerður Bjarna­dótt­ir, þingmaður Sam­fylk­ing­ar, Páll Val­ur Björns­son, þingmaður Bjartr­ar framtíðar, Birgitta Jóns­dótt­ir, þingmaður Pírata og Bjarkey Ol­sen Gunn­ars­dótt­ir, þingmaður Vinstri grænna. Við und­ir­rit­un­ina settu þing­menn­irn­ir upp sér­stök „barnagler­augu“

til að muna eft­ir að líta á mál­in frá sjón­ar­horni barna. Illugi Gunnarsson, mennta- og menningarmálaráðherra lék undir afmælissöngnum. Ill­ugi Gunn­ars­son, mennta- og menn­ing­ar­málaráðherra lék und­ir af­mæl­is­söngn­um.

Ljós­mynd/​UNICEF „Ég er stolt af því að til­heyra þess­um hópi og mun fram­veg­is setja upp barnagler­aug­un við úr­vinnslu mála sem snerta börn og vel­ferð þeirra,“ sagði Elín Hirst við und­ir­rit­un­ina.

Birgitta Jóns­dótt­ir, þingmaður Pírata tók í sama streng og beindi orðum sín­um til barn­anna á staðnum.

„Þegar við mót­um lög mun­um við hafa það í huga að þau hafa áhrif á ykk­ur, öll lög hafa áhrif á ykk­ur.“

Sjón­ar­mið barna kom­ist á fram­færi Berg­steinn Jóns­son, fram­kvæmda­stjóri UNICEF á Íslandi sagði und­ir­rit­un­ina afar gleðileg­an áfanga.

„Börn eiga sér oft fáa mál­svara.

Því er ein­stak­lega ánægju­legt að sátt­mál­an­um sé gert hátt und­ir höfði á þess­um degi og að þver­póli­tísk­ur hóp­ur þing­manna heiti börn­um og rétt­ind­um þeirra stuðningi sem mun hafa áhrif um allt sam­fé­lagið,“ sagði Berg­steinn. Alþingi ákvað ein­róma að lög­festa Barna­sátt­mál­ann í fe­brú­ar 2013.

Þar sem eng­in ein þing­nefnd á Alþingi hef­ur það hlut­verk að fjalla heild­stætt um mál­efni barna, skap­ar stofn­un þing­manna­hóps­ins for­send­ur til að vinna enn frek­ar að inn­leiðingu Barna­sátt­mál­ans á Íslandi.

Jafn­framt er með hon­um skapaður breiður grunn­ur fyr­ir sam­starf við stofn­an­ir og fé­laga­sam­tök sem vinna að mál­efn­um barna.

Með því að ger­ast tals­menn barna á Alþingi er þing­mönn­um enn­frem­ur gefið tæki­færi til að koma sjón­ar­miðum barna á fram­færi við und­ir­bún­ing laga­setn­ing­ar og við stefnu­mót­un á þingi sem og í stjórn­sýsl­unni.

Mark­miðið með þing­manna­hóp­in­um er að þeir tali máli barna í starfi sínu og setji þannig upp „barnagler­aug­un“ þegar tekn­ar eru ákv­arðanir á Alþingi sem varða börn með ein­um eða öðrum hætti.

Barna­sátt­mál­inn er út­breidd­asti mann­rétt­inda­sátt­máli heims og er af­mæli hans fagnað um all­an

heim á þess­um degi.////////////////////////Þetta er ágætt mál en hvernig hefur það verið framkvæmt,sé ekki annað en þau séu murkuð niður af fjölda ríkja,á Ísandi á þetta ekki heima sem betur fer,segjum við bara,og við gerum bara það sama og Alþingismann að gefa til barnanna i Afríku og viðar til að komst á legg,en hvað tekur svo við,við skulum ekki taka þetta sem skipaleik,öll vitum við um þetta og heimurinn veit og Bandríkja menn sem 1% á 90% af auðnum talið við þá,reyndar erum við einnig að vera svo um 12% á 90% af fjarmagninu hér talið við þetta fólk um ölmusu meiri fyrir Börnin í heiminum/Halli gamli

Þingmenn gerast talsmenn barna

Með Geirfinnsmálið á heilanum í 40 ár//Eins og árar hjá okkur um tíma,verður bara að fresta þessu!!!!

Með Geirfinnsmálið á heilanum í 40 ár Innlent | Morgunblaðið | 19.11.2014 | 5:30 Haukur Guðmundsson (t.v.) og Valtýr Sigurðsson unnu að... Liðin eru 40 ár í dag frá hvarfi Geirfinns Einarssonar, sem síðar varð eitt umfangsmesta sakamál Íslandssögunnar

.Einn þeirra sem komu að rann­sókn­inni í upp­hafi var Hauk­ur Guðmunds­son, fyrr­ver­andi rann­sókn­ar­lög­reglumaður í Kefla­vík.

Hauk­ur seg­ist lengi hafa verið sann­færður um að sak­laust fólk hafi verið dæmt á grund­velli ófull­nægj­andi gagna og seg­ist ekki hafa gefið upp alla von um að sann­leik­ur­inn komi á end­an­um í ljós.

„Ég er með málið á heil­an­um. Ég hef mik­inn áhuga á því að sjá lykt­ir í þessu máli og hef alltaf haft,“ seg­ir Hauk­ur í um­fjöll­un um mál þetta í Morgu­blaðinu í dag.

Hauk­ur skrifaði bók um málið árið 2010. Bók­in heit­ir 19. nóv­em­ber og er þar vísað til þess dags sem Geirfinn­ur hvarf.

Hann vann við rann­sókn­ina frá því hún hófst í nóv­em­ber 1974 og fram í júní árið 1975. Hauk­ur seg­ist sann­færður um að ýmis atriði máls­ins eigi eft­ir að líta dags­ins ljós.

„Ég hef mín­ar hug­mynd­ir um málið og er viss um að þarna voru tveir eða fleiri gern­ings­menn, ekki bara einn.

Menn eiga ým­is­legt til þegar þeir kom­ast á efri ár og vilja gera ým­is­legt klárt áður en þeir

hitta Lykla-Pét­ur. Svo er það þannig að þjóð veit þegar þrír vita.“/////////////////////Þetta erfitt mál, og hefur legið fyrir i 40 ár, og þessa vegna ,eins og staðan er,má þá frestast öllu lengur,og svo takast á við það þegar mynna er að gera fyrir Dómstóla vora  og ransóknarlögerglu,Engin að segja sleppa því,þá væri bara betra að sýkna mennina strax,sem hefi át að vara löngu búið//Halli gamli

Með Geirfinnsmálið á heilanum í 40 ár

Viljandi gerður að verri kosti/Þetta teymi sem stjórnar Borginni ,er als ekki í lagi!!!

Viljandi gerður að verri kosti Innlent | mbl.is | 19.11.2014 | 16:18 Höskuldur Þórhallsson, þingmaður Framsóknarflokks.

„Ég verð að koma upp og segja frá þessu vegna þess að ég tel einsýnt að borgin ætlar með einhverjum ráðum að koma flugvellinum í burtu og það verður að stöðva,“ sagði Höskuldur Þórhallsson, þingmaður Framsóknarflokksins, á Alþingi í dag.

Þar sakaði þingmaður­inn for­ystu­menn Reykja­vík­ur­borg­ar halda í sí­fellu áfram „að gera grunn­inn að Reykja­vík­ur­flug­velli minni og verri.

Það er að gera hann að verri val­kosti sem nauðsyn­leg­an inn­an­lands­flug­völl en ella.

“ Benti Hösk­uld­ur þar meðal ann­ars á að for­ystu­menn borg­ar­inn­ar vísuðu ít­rekað í sam­komu­lög við ríkið sem ættu ekki við leng­ur.

Til að mynda vegna þess að laga­stoð skorti eða vegna þess að þau hefðu þegar verið marg­brot­in.//////////////////////////Við öll sem viljum hafa völlinn þarna erum í miklum meirihluta ,ekki spurning,og þessi gjörningur sem þetta teymi er í að gera,ekki bara flugvöllin heldur einnig með Sundabraut þrengja allar götur loka af að Sundabraut verði gerð sem mundi spara milljarða,nei hingað og ekki lengra,þetta Bílfjandsama fólk er ekki í lagi als ekki/Halli gamli

Viljandi gerður að verri kosti

Nýgreindir áhyggjufullir og reiðir/Þetta er sköm og ekkert annað bæði Lækna og ríkis að stoppa þetta ekki,bara í Gerðardóm með þetta

Nýgreindir áhyggjufullir og reiðir Innlent | mbl.is | 19.11.2014 | 14:53 Krabbameinssjúklingar eru sumir uggandi yfir því að eiga... Lítið hefur borið á því að notendur læknisþjónustu hafi sett sig í samband við sjúklingasamtök vegna læknaverkfallsins.

Þeir hafa hins vegar miklar áhyggur af stöðu mála almennt.

Þetta á til dæmis við um nýgreinda krabbameinssjúklinga, sem horfa fram á veginn og vita ekki hvert stefnir.

Frá því að lækn­ar hófu verk­fallsaðgerðir hafa Morg­un­blaðið og mbl.is haft sam­band við ýmis sjúk­linga­sam­tök, sem og aðra aðila sem eru í tengsl­um við not­end­ur heil­brigðisþjón­ustu, en þeim ber sam­an um að fáir hafi sett sig í sam­band til að ræða áhyggj­ur sín­ar vegna lækna­verk­falls­ins sem slíks.

Hins veg­ar segja lang­flest­ir sem haft hef­ur verið sam­band við að fjöl­marg­ir séu ugg­andi vegna ástands­ins al­mennt; þess að missa lækna úr landi, að ung­ir lækn­ar snúi ekki aft­ur eft­ir nám og að lyfja­kostnaður fari hækk­andi, svo fátt eitt sé nefnt.

Ragn­heiður Davíðsdótt­ir, fram­kvæmda­stjóri Krafts, stuðnings­fé­lags fyr­ir ungt fólk sem greinst hef­ur með krabba­mein og aðstand­end­ur, er ein þeirra sem hef­ur þessa sögu að segja.

„Ég held að fólk átti sig á því að það þýðir ekk­ert að gera veður út af verk­falli lækna, það hafa all­ir það mik­inn skiln­ing á þeirra bar­áttu og þeirra kjör­um.

Það höf­um við hjá Krafti svo sann­ar­lega og mun­um gera allt til að vekja at­hygli á ástand­inu og höf­um gert,“ seg­ir Ragn­heiður.

Hún seg­ir kjara­bar­átt­una ekki bara fjalla um laun lækna held­ur sé mun meira und­ir í þeim umræðum.

Ragn­heiður seg­ir skjól­stæðinga Krafts hafa veru­leg­ar áhyggj­ur af stöðu heil­brigðis­kerf­is­ins.

„Þetta bitn­ar mjög illa á krabba­meins­veiku fólki, vegna þess að lækn­arn­ir eru að hætta þarna í um­vörp­um og koma ekki nýir til starfa.

Og þetta er svo sér­hæft, krabba­meins­lækn­ing­ar,“ seg­ir hún.

Hún seg­ir einn hóp skera sig úr hvað þetta varðar. „Við höf­um fundið fyr­ir veru­leg­um áhyggj­um hjá ný­greindu fólki, sem sér fram á meðferðir og skerta þjón­ustu og lengri bið eft­ir lausn sinna mála.

Eða hef­ur alla vegna mjög mikl­ar áhyggj­ur af því. Þetta er eitt­hvað sem fólk þurfti aldrei að hafa áhyggj­ur af áður.

Ef það fékk krabba­mein þá fékk það bara fyrsta flokks þjón­ustu alls staðar.

Nú hef­ur það áhyggj­ur af því að það gæti orðið breyt­ing þar á,“ seg­ir hún.

Ragn­heiður seg­ir að jafn­vel þótt áhyggj­ur sjúk­linga snú­ist ekki um verk­fallið sem slíkt, sé þetta allt tengt, þar sem þau kjör sem lækn­um bjóðast hafi áhrif á allt annað.

Hún seg­ist finna fyr­ir mik­illi reiði meðal fólks. „Og bara ör­vænt­ingu vegna ástands­ins á spít­al­an­um.

Sér­stak­lega, eins og ég segi, hjá ný­greindu fólki sem horf­ir fram á veg­inn og hef­ur áhyggj­ur af þeirri þjón­ustu sem það þarf jafn­vel að verða af vegna þessa ástands og þess hvernig ástandið kann að verða.

Því krabba­meinsmeðferð er eitt­hvað sem get­ur tekið nokk­ur ár og eng­inn veit hvernig staðan

verður á því tíma­bili,“ seg­ir hún./////////////////////Þetta sem hér er skrifað er skyldulesning ekkert annað,við getum ekki lengur haft svona hótanir um að fara í verkfall sem kostar svo og svo mörg mannlíf,við erum þarna bara aumingjar,að taka ekki fastar á málum,þarna getur hópur lækna sem við höfum haft í lærdómi í Háskólum okkar fyrir mjög lítil pening sem við niðurgreiðsum af almannafé,og happsrætti sem við flest borgum í,er þetta ekki rétt að stærðustu leiti,svo fara þeir utan í sérnám með lánasjóðinn Lín með mjög hagstæða vexti,og þá eigum við bara að lofa þeim að fara í verkfall,eins og ekkert sé Ríkisarfsmen fá laun sín flestir með kjaradómi,og þessa vegna eigum við einnig að hafa þessa ágætu lækna undir því og óhræddir setja þetta verkfall,í kjaradóm og málið leist,ef læknar ansa þessu ekki heldur segi bara upp,eru þeir mynni menn en maður heldur,Kjaradómur á ekki að vara slæmur reiknar allt út og sér hvað menn hafa á sig lagt,og Borga samkvæmt því,en ekki hvað læknar hafa í Noregi eða Bandaríkjunum Svíþjóð og annarra landa,laun þessara landa eru einnig fyrir okkur flest mikið hærri en hér,ég held ekki að það sem talað er um að standa með læknum,er als ekki raunhæft,því aðrir með sambærilega menntun mundu þá vilja sömu laun,og þá hvað??? málið er það er hægt að hagræða þeirra vinnu mikið meira,og það ætum við að geta ,en þetta er komið nóg af,setjið á þetta lög um kjaradóm/Halli gamli

Nýgreindir áhyggjufullir og reiðir

Fullkomlega óraunhæf skattlagning//Þessi Steinun Guðjartsdóttir er ríki í ríkinu var hæðst launaða kona landsins,og dvaldi í fríum á dyrasta hóteli í Dubai!!

Fullkomlega óraunhæf skattlagning Viðskipti | mbl.is | 18.11.2014 | 17:50 Steinunn Guðbjartsdóttir, formaður sitastjórnar Glitnis.

Formaður slitastjórnar Glitnis segir 35 prósent skattlagningu á greiðslur yfir landamæri úr slita­bú­um föllnu bankanna vera fullkomlega óraunhæfa hugmynd.

Gætu slitabúin þurft að greiða samtals yfir fimm hundruð milljarða króna í sérstakan skatt ef af þessu verður.

Í um­fjöll­un um málið í Morg­un­blaðinu í dag var greint frá því að í fyr­ir­liggj­andi til­lög­um fram­kvæmda­stjórn­ar stjórn­valda um af­nám hafta að út­göngu­gjaldið svo­kallaða verði 35 pró­sent.

Sam­kvæmt þessu gætu slita­bú­in þurft að greiða sam­tals yfir fimm hundruð millj­arða króna í sér­stak­an skatt til rík­is­ins vilji þau und­anþágu frá fjár­magns­höft­um til að inna af hendi greiðslur úr landi til kröfu­hafa.

Bók­fært virði eigna slita­búa Kaupþings, Glitn­is og gamla Lands­bank­ans (LBI) nam tæp­lega 2.600 millj­örðum króna um mitt þetta ár og eiga er­lend­ir aðilar eiga 94% allra krafna á hend­ur bú­un­um.

Samkvæmt heimildum Morgunblaðsins er lagt til 35% útgöngugjald fyrir slitabú föllnu bankanna.

Sam­kvæmt heim­ild­um Morg­un­blaðsins er lagt til 35% út­göngu­gjald fyr­ir slita­bú föllnu bank­anna.

Stein­unn Guðbjarts­dótt­ir, formaður slita­stjórn­ar Glitn­is, seg­ist hafa orðið vör við umræðu um ýms­ar töl­ur án þess að málið hafi þó sér­stak­lega verið rætt við fyr­ir­svars­menn bú­anna.

Hún sagðist þó aldrei hafa heyrt neitt í lík­ingu við þetta og seg­ir slíka skatt­lagn­ingu full­kom­lega óraun­hæfa, standi á annað borð vilji til þess að leysa mál­in.

Vildi hún þó ekki tjá sig um málið að öðru leyti á þessu stigi. Dýr­keypt­ur for­gang­ur Í um­fjöll­un Morg­un­blaðsins seg­ir að fari slita­bú­in fram á að fá samþykkt­ar und­anþágu­beiðnir frá höft­um til greiðslu gjald­eyr­is til kröfu­hafa, líkt og áformað er í til­lög­um þeirra að nauðasamn­ingi, er talið eðli­legt að þau greiði fyr­ir slík­an for­gang í formi skatt­lagn­ing­ar.

For­sæt­is- og fjár­málaráðherra hafa ít­rekað að mik­il­vægt sé að tryggja jafn­ræði við los­un hafta. Útgöngu­gjaldið er því yf­ir­lýs­ing af hálfu ís­lenskra stjórn­valda um að mögu­leg­ar greiðslur úr slita­bú­un­um yfir landa­mæri verði meðhöndlaðar með sama hætti og gild­ir um aðra ís­lenska lögaðila.

Skipt­ir þá engu máli hvort greiðslurn­ar eru fram­kvæmd­ar í krón­um eða gjald­eyri enda eigi kröfu-

­haf­ar aðeins kröf­ur í krón­um á ís­lensk slita­bú. Greiði gjald fyr­ir for­gang///////////////Þetta mál allt með þessa slitstjórn er svipað og með sérstakan Saksóknara það er bara ríki í ríkinu og engin viðist geta sagt neitt,hvað segir minn Formaður og Fjármálaráðherra við þessu banki sem fór í gjaldþrota,okkar fjármálamálaráðherrar hljóta að ráða þarna eitthvelju annað getur ekki verið,En þessi kona þarna sem stjórnar þessu er alveg einráð að maður heldur,maður bara fer að skoða hvort maður eigi að versla með Íslandsbanka ef það er eins þeir nánast daglega hækka allt sem þeir gera fyrir mann,en og um það þessir bankar sem voru seldir allskonar fjárfestum sem engin veit hverjir eru og fengu láninu  okkar þá tombóluverði,en fá svo allt með Verðtryggðu aftur og alveg sama þó verðbólgan sem vara 0% í Október borgarðu sömu verðtryggingu af láninu fyrir því!!!Þetta er bara glæpur um hábjartan dag//Halli gamli

Fullkomlega óraunhæf skattlagning

Talið er að Rússar sé komnir með mikið leinivopn,tók þetta uppúr Bloggi vinar míns!!!

Það er svo margt sem þessi "hlutur" getur mögulega verið.

Allt frá því að vera hannaður til að granda gerfihnetti með árekstri eða með vopni - yfir í að vera tæki ætlað til að "grípa bilaða gerfihnetti" og færa þá til, ef einhverskonar griparmi væri bætt á gripinn.

Jafnvel þó að Rússarnir segi ekki auka tekið orð um "hlutinn" þá er tilvist hans fyrir allra augum ein og sér - - form af skilaboðum.

En þeim hefur vart getað dulist að til hlutarins mundi sjást - - þannig að prógrammið sem hluturinn fór í gegnum, og sýndi þannig færni til að færa sig til á braut Jarðar, nálgast mismunandi rússn.

gerfihnetti, og svo að lokum leyfar eldflaugarinnar er skaut honum upp.

Er þá væntanlega fullkomin sönnun þess, ef slíka sönnun vantaði, að Rússar geta grandað vestrænum gerfihnöttum - - jafnvel hugsanlega stolið einum slíkum.

Niðurstaða Það er alveg örugglega ekki tilviljun að Rússar hefja þessa sýningu á braut Jarðar, einmitt þegar deilur milli Vesturlanda og Rússlands standa yfir.

Sennilega láta þeir alfarið vera að útskýra í nokkru tilgang hlutarins, og þannig leyfa vestrænum aðilum að ímynda sér -- til hvers hluturinn er.

Það auðvitað þíðir að sjálfsögðu, að Rússar viðhalda fullkomnu "deniability" þ.s. þeir geta alltaf haldið því fram að tilgangur hlutarins sé friðsamur.

Og það væri á þessari stundu engin leið að afsanna slíka fullyrðingu.//////////////////////////Þetta er bara tekið upp af blogg vinar míns Einars Björns Bjarnarsyni sem skrifar oft góða pistla um erlendar þjóðir og átök!!Ég hefi verið að segja það og meina að þessi framkoma við Rússa af þessum 20 Ríkjum sem vilja stjórna öllum heiminum eru að taka Rússa í gegn og setja þá í viðskiptabann og semsagt skipta sér af þeirra gjörðum og búa til kalt stríð við þá!!!Þetta eru flest sömu ríkin sem vilja að við hættum Hvalveiðum,annars við viðskiptabann,er þetta í lagi eða finnst ykkur það,þetta er löglegt að veiða Hval sem ekki er í útrýmingarhættu,eins er þetta með Rússana þeir eru bara að verja Rússneskumælandi fólk þarna í austur Úkraínu,þar sem vesturveldin sjá ofsjónir af vilja koma þar að auðvaldinu til að nota auðæfin sem þeir eiga,og eru heill mikil,en Rússar áttu Krímsskagan ,og Gorbi gaf hann í fylliríi,en svona i alvöru talað erum við bara á móti svona yfirgangi,sem þessi ríki eru með og við látum þau ekki buga okkur,en þetta með Rússana þar erum við ekki í kuldanum hjá þeim og getum selt þeim bæði kjöt og fisk,og það að hafa þá að óvinum er als ekki gott,þeir geta með ásamt Kína haft mikil tök á heiminum/Halli gamli

 

Alþingi er að koma saman nuna 13,30 og vonar maður einu sinni ennþá að forgangur verði réttur,okkar liggur á!!!

Það er svo að við Eldri borfara horfum á Alþingi þegar sjónvarpið er birt og við sem erum svolítið Pólitísk viljum að sum mál hafi forgang,en ekki verið dag efir dag að setja lög jafnvel frá EES ,þessi lagaflækja er alls ekki fyrir okkar að mínu mati,þarna er fullt hús þus manna að setja okkur lög!!!Þessi vitleysa sýnir okkur að við áttum aldrei að ganga þarna inn,höfum ekkert gott af því,nema tollaívilnun litla,hefðu meira uppúr sölu fiskafurða fyrir mikið meira til annarra en ESB,og gerum það strax það veitir ekki af einnig að flytja út Kjöt sem við eigum nóg af,En mál málana i dag er að koma á atbærri atvinnu og semja við verksboðendur,og það strax Læknar verða að sætta sig við 20% Hljóðfærakennara sama og kennara svo kemur að Verkalýðnum inni því Verslunarmenn sem eru lægst launaða fólkið ekki minna er 20& svo þeir geti brauðfætt sig,á efir koma Eldri Borgara og Öryrkja og þarf að bætta einnig sæmilega vel,En þetta með þennan Seðlabanhastjóra það sem hann sagði á fundinum um daginn skil ég alls ekki og ég held að engin skilji það!!!Þessi verðtygging verður að hætta,ekki spunig,og svo atvinnu fyrir fókið sem er arðbær og það er það eina sem bjargar okkur///Halli gamli 

Hanna Birna burt er aðalefni mótmæla???Eða hvað er ekki í lagi með þetta fólk??

15.11.2014 | 23:32 Jæja, Hanna Birna/Nú skal sverfa til stáls eru lýðræðið í lagi á Íslandi,nei það er það ekki,fólkið ætlar taka vald kjörina fulltrúa???? „Jæja, HFrá mótmælum á Austurvelli mánudaginn 10. nóvember sl. anna Birna“ Innlent | mbl.is | 15.11.2014 | 20:23 Frá mótmælum á Austurvelli mánudaginn 10. nóvember sl. Enn boðar Jæja-hópurinn til mótmæla á Austurvelli. Mótmælt verður á Austurvelli nk. mánudag frá kl. 17. Illugi Jökulsson og Bragi Páll Sigurðsson, höfundur greinarinnar Ísland er ónýtt, flytja ávörp. „Hemúllinn“ verður á staðnum og Sigríður Bylgja Sigurjónsdóttir stýrir fundi.Mæt­um og krefj­umst þess að stjórn­mála­menn sýni sam­hyggð og axli ábyrgð. Krefj­umst þess að yf­ir­völd berj­ist fyr­ir rétt­ind­um allra en ekki bara fjár­sterkra hags­muna­hópa. Við búum í sam­fé­lagi ekki einka­hluta­fé­lagi! Það þarf að „leiðrétta“ allt sam­fé­lagið og byrja á grunnstoðum lands­ins! Það er reiði í sam­fé­lag­inu sem þarf að finna far­veg og rík­is­stjórn­in þarf að taka mark á henni og hlusta,“ seg­ir á Face­book-síðu viðburðarins sem geng­ur und­ir nafn­inu Jæja, Hanna Birna! Mót­mæla­fund­ur á Aust­ur­velli. Ill­ugi Jök­uls­son og Bragi Páll Sig­urðsson, höf­und­ur grein­ar­inn­ar Ísland er ónýtt, flytja ávörp. „Hemúll­inn“ verður á staðnum og Sig­ríður Bylgja Sig­ur­jóns­dótt­ir stýr­ir fundi, seg­ir einnig á Face­book-síðunni.

////////////////////Friðsamleg mótmæli eru í lagi en lesið síðuna þeirra þeir vilja bara Hönnu Birnu frá,það er öllu mótnælt þarna ,þau versnuðu um allan helming ,þegar Ríkissjórnin stóða við sitt og ætla að gera það áfram,bara til að reyna að splundra öllu sem vel er gert,en ekki því sem það vara að mótmæla síðast matarskattinum sem ég mun mótmæla við minn flokk,Það er komin kommúnista æði í þetta fólk vill bara stjórna öllu sjálf,það eru kosningar efir 2,4 ár er það ekki nóg???/Halli gamli

Fjölmenni á Austurvelli//Blessað fólkið er farið langt framúr sér,það er ekki gott við lögleg mótmæli!!!!!

Fjölmenni á Austurvelli Innlent | mbl.is | 17.11.2014 | 17:27 Þetta er í þriðja sinn sem Jæja-samtökin standa fyrir... Fjölmenni er komið saman á Austurvelli til að mótmæla aðgerðum og aðgerðaleysi stjórnvalda.

Mótmælendur krefjast þess stjórnmála menn taki hagsmuni þjóðarinnar fram yfir hagsmuni flokka. Þetta er þriðji mánudagurinn í röð sem Jæja-samtökin standa fyrir mótmælum við þinghúsið.

Mót­mæl­in í dag hafa yf­ir­skrift­ina „Jæja, Hanna Birna!“ Íslend­ing­ar í Dan­mörku munu einnig koma sam­an í Kaup­manna­höfn í dag til að sýna mót­mæl­end­um á Íslandi sam­stöðu, að sögn skipu­leggj­enda mót­mæl­anna. „Það rík­ir sundr­ung í þjóðfé­lag­inu.

Rík­is­stjórn­in sit­ur í skjóli kjós­enda og ber því að vinna að hags­mun­um allra í sam­fé­lag­inu.

Við búum í sam­fé­lagi ekki einka­hluta­fé­lagi! Það þarf að „leiðrétta“ allt sam­fé­lagið. Byrj­um á grunnstoðum sam­fé­lags­ins,“ seg­ir í face­booksíðu sam­tak­anna.

Ill­ugi Jök­uls­son rit­höf­und­ur og Bragi Páll Sig­urðsson, höf­und­ur grein­ar­inn­ar Ísland er ónýtt, flytja ávörp.

Mót­mæl­in hafa farið friðsam­lega fram, en skipu­leggj­end­ur leggja áherslu á kær­leik og sam­stöðu./////////////////////Þetta fer alltaf úr böndum eins og oft vill verða.svo er með þessi mótmæli,Dettur manni í hug þegar dag eftir dag var verið við Seðlabankann að segja Davíð burt,þetta er álíka vitlaust að segja Hanna Birna burt,þetta er ofstæki og ég mundi mæla með því að Lögregla væri vel á verði ef þetta færist í aukana,og það engin vettlingatök,ofstæki eru ekki friðsamleg mótmæli bara bylting og ekkert annað/Halli gamli

Mótmælt á Austurvelli