Bílaleigurnar bestu vinir bílasalanna/ Einnig okkar sem kaupum þarna sæmilega notaða bíla!!!

Bílaleigurnar bestu vinir bílasalanna
Innlent | Morgunblaðið | 11.6.2011 | 9:30
Steingrímur J. Sigfússon fjármálaráðherra hafði orð á því í eldhúsdagsumræðunum á Alþingi í vikunni að bílakaup landsmanna væru að glæðast, er hann taldi upp ýmis teikn á lofti um betri tíma í þjóðfélaginu. Vísaði hann til fregna af nýskráningum bifreiða, sem voru um 2.200 fyrstu fimm mánuði ársins borið saman við 997 eftir sama tíma í fyrra. Er þetta 120% aukning frá fyrra ári.

En hvað er á bak við þessar tölur? Er almenningur farinn að kaupa nýja bíla í stórum stíl? Við nánari skoðun kemur í ljós að svo er ekki að öllu leyti. Að stærstum hluta eru þetta bílaleigubílar sem halda uppi bílasölunni í landinu, eða eins og einn bílasali orðaði það við blaðið: Bílaleigurnar eru okkar bestu vinir í dag!

Af um 2.200 nýskráningum frá janúar til maí sl. eru ríflega 1.900 fólksbílar, eða 1.890 nýir og 146 bílar fluttir inn notaðir. Af þessum 1.890 nýju fólksbílum voru seldir 1.075 bílaleigubílar eða 57% af allri sölu á nýjum fólksbílum, samkvæmt upplýsingum frá Bílgreinasambandinu.

Ef eingöngu er skoðaður maímánuður, sem er helsti skráningarmaður ársins hjá bílaleigum, þá keyptu bílaleigurnar 814 bíla af 1.062 fólksbílum skráðum í þeim mánuði, eða 77%. Í sama mánuði í fyrra keyptu bílaleigurnar 305 fólksbíla af 790 seldum þann mánuðinn, eða 38%.

Kaupa af brýnni nauðsyn

„Þetta væru ansi daprar tölur ef þeirra nyti ekki við,“ segir Özur Lárusson, framkvæmdastjóri Bílgreinasambandsins, um hlut bílaleignanna í bílasölu. Hann segir þær hafa haldið uppi markaðnum eftir hrunið og hlutur þeirra af allri bílasölu aldrei verið meiri en í ár. En Özur bendir jafnframt á að bílaleigubílarnir skili sér út á markaðinn síðar.

Að bílaleigum frátöldum segir Özur að bílakaup almennings séu heldur að glæðast síðustu mánuði en það skýrist fyrst og fremst af brýnni nauðsyn. Fólk þurfi að endurnýja bíla sína eins og bílaleigurnar en það velji þá frekar notaða bíla en nýja. Hins vegar sé mikill skortur á góðum notuðum bílum. „Markaðurinn æpir á nýja bíla, flotinn er orðinn það gamall hér á landi,“ segir Özur og bendir á að þrír árgangar af nýjum bílum hafi eiginlega horfið, frá 2008 til 2010.

Breytingar voru gerðar á skattlagningu bifreiða um síðustu áramót, sem höfðu þau áhrif að ákveðnar bíltegundir lækkuðu í verði, einkum smærri bílar og umhverfisvænir. Özur segir þessar breytingar hafa dugað skammt. Mikið skorti á að gera fólki auðveldara að endurnýja fjölskyldubílinn. Miðlungsstórir bílar og jeppar hafa í mörgum tilvikum hækkað verulega í verði.

Bílgreinasambandið hefur hamrað á því að það sé umhverfis- og öryggismál að gera fólki kleift að endurnýja bíla sína. Öryggisbúnaður og vélar hafa tekið stökkbreytingum, þar sem bílaframleiðendur keppast við að framleiða vélar sem eyða sem minnstu og menga sem minnst. „Á meðan erum við hér heima á Íslandi að púkka upp á gömlu drusluna til þess að halda henni gangandi sem lengst þar sem við höfum ekki efni á að endurnýja þessa tækni,“ segir Özur.

Stærsta bílaleigan á markaðnum er Bílaleiga Akureyrar-Höldur. Steingrímur Birgisson framkvæmdastjóri segir fyrirtækið kaupa um 700 nýja bíla á þessu ári, sem er svipaður fjöldi og í fyrra. Var bílaleigan með um 25% af öllum nýjum bílum á síðasta ári. Höldur er einnig með bílasölu og Steingrímur segir hana aðeins vera að glæðast á nýjum bílum en mun betur gangi að selja notaða bíla. Þetta er þó svipur hjá sjón miðað við hvernig var fyrir hrun.

Tengsl við bílaumboðin

Bílaleigurnar hafa löngum tengst bílasölum og -umboðum, þar sem eigendur hafa verið þeir sömu, en þetta hefur minnkað eftir hrunið. Bílaleigan Sixt er í eigu Bílabúðar Benna og Dollar Thrifty í eigu Brimborgar. Áður voru bílaleigurnar Avis, ALP og Budget tengdar Ingvari Helgasyni hf. en ekki lengur, og hið sama átti við um Hertz og Toyota-umboðið er Magnús Kristinsson var sami eigandinn. Þá starfrækir Bílaleiga Akureyrar einnig bílasölu og er með umboð á Akureyri fyrir Heklu, Bernhard og Öskju. ////////Eins og við vitum sem hlustuðum á Steingrím eru bílaleigur helstu kaupendur nýrra bíla ekki spurning og svo kaupum við aftur af leigunum sæmilega bíla ein til tveggja ára!! en eiginlega allt sem Steingrímur sagði er í takt við þetta,það þarf engan skarpan til að sjá það!!!!! en við þurfum að fara geta keypt nýja bíla og endurnýja flotann jafn óðum annars fer illa ekki spurning,þetta með mynstu bílana er einnig umdeilt þar er öryggið ekki eins mikið,en þetta með eldneytið er málið Rafmagnið mun koma einnig metanið en það tekur tíma/Halli Gamli

Bílaleigurnar bestu vinir bílasalanna

kröfu Geirs hafnað//// Það er og verður þeirra skömm sem vilja dæma í þessu máli!!!!

Kröfu Geirs hafnað
Innlent | mbl.is | 11.6.2011 | 12:10
Landsdómur hafnaði í gær kröfu Geirs H. Haarde, fyrrverandi forsætisráðherra, um að átta dómarar, sem Alþingi kaus í landsdóm 11. maí 2005 vikju sæti í landsdómsmálinu gegn Geir.

Alþingi kaus í gær átta nýja dómara í Landsdóm og jafn marga varamenn eins og fram kom í frétt mbl.is gær.////Það er ekki málið hver er þarna að dæma,maður er bara mest hissa að einhver fáist til svona verka og eiginlega mjög svo skrítið,að einhver vilji láta hafa sig til þessa!!!!!Málið er svo augljóst að manni finnst !!!!!!að manni bara finns að þetta eigi að fella niður áður en það verður að atlagi og skömm/Halli Gamli 

Kröfu Geirs hafnað

Fordæmir niðurrifsöfl/ og nefndi einnig sjálvan sig óvart(gamla og geðílla fauska) eða var hann það ekki alltaf hér áður kallinn!!!!

Fordæmir niðurrifsöfl
Innlent | mbl.is | 8.6.2011 | 20:39
Steingrímur J. Sigfússon, fjármálaráðherra og formaður VG, sagði þjóðfélagsumræðuna skiptast í tvö horn í eldhúsdagsumræðum í kvöld. Annars vegar færu þeir sem fjölluðu gagnrýnið um erfiðleikana og hins vegar þeir sem gerðu allt til að brjóta það niður sem vel væri gert.

Sagði Steingrímur „gamla og geðilla fauska“ þar á ferð án þess að nafngreina niðurrifsmennina. Skaut hann svo föstum skotum að Bjarna Benediktssyni, formanni Sjálfstæðisflokksins, og Sigmundi Davíð Gunnlaugssyni, formanni Framsóknar, fyrir meinta neikvæðni í greiningu á þjóðfélagsmálum í umræðunum fyrr í kvöld.

Ræða Steingríms gekk öðrum þræði út á að rökstyðja þá skoðun hans að stjórnvöld hefðu náð góðum árangri í baráttunni við kreppuna.

Velta á fasteignamarkaði það sem af sé ári væri 108% meiri en í fyrra. Í maí hefðu 37.200 erlendir ferðamenn farið um Leifsstöð og um 2.200 nýir bílar selst á árinu miðað við 997 á sama tíma í fyrra. Þá hefði síðasta væntingavísitala Gallups hækkað um 11% og kreditkortavelta aukist.

Skuldir ríkissjóðs væru nú mun minni en óttast var eftir hrunið eða 40% af þjóðarframleiðslu og 80,5% ef t.d. lífeyrisskuldbindingar séu teknar með.

Þá væri sú tillaga Hafró að auka kvóta á þorski fagnaðarefni sem Bjarni Benediktsson, formaður Sjálfstæðisflokksins, kæmi ekki auga á. Jafnframt væri tillaga Hafró um aukna loðnuveiði og fyrirhuguð vinnsla á makríl til manneldis í sumar til að auka tekjur þjóðarbúsins enn frekar.

Steingrímur benti einnig á að skuldatryggingaálag ríkisins hefði nú í fyrsta sinn frá 2007 farið niður fyrir 200 stig. Hann fjallaði einnig um kvótafrumvörpin og gerði grein fyrir rökunum að baki því að samþykkja þau á komandi þingi./////// það væri lítið gaman að Guðspjöllunum ef engin væri í þeim bardaginn ,sagði kerlingin hér um árið,eins er þetta með Steingrím sem telur og telur framkvæmdir og eyðslu sem aldey áður!!! en hvar er það sem vantar vinnu og framkvæmdir hjálp heimila og skuldara,alt bara á lánum sem þarf að borga,hann bara geymdi því/Halli gamli

Fordæmir niðurrifsöfl

Rannsóknarréttur og nornaveiðar/verð að taka undir með prófastinum !!!!

Rannsóknarréttur og nornaveiðar
Innlent | mbl.is | 10.6.2011 | 16:59
Sr. Örn Friðriksson, fyrrverandi prófastur, segir í bréfi til rannsóknarnefndar þjóðkirkjunnar, að það gæti verið að kirkjan sé að gera alvarleg mistök með því að stofna „rannsóknarrétt" og beinlínis hefja nornaveiðar þar sem konur séu beinlínis hvattar til að ákæra presta, lifandi eða dauða.

Segir Örn, að það hafi engan veginn verið „alvarleg mistök" af sinni hálfu að taka þátt í að samþykkja yfirlýsingu prófastastefnu árið 1996. Niðurstaða rannsóknarnefndarinnar er hins vegar sú, að svo hafi verið. 

Örn segist ekki viss um að kirkjuþing hafi haft rétt til að skipa rannsóknarnefndina og að hún sé ekki dómbær í málinu. Að honum sæki sú tilfinning, að þarna sé kirkjan að reyna að fórna einhverjum af sínum eigin mönnum í von um að styrkja afstöðu sína hjá almenningi. 

Hann segist ekki muna þá atburði vel, sem nefndin spurði hann um. Hann hafi hins vegar ekki verið í neinum vandræðum með að samþykkja yfirlýsingu prófastanna. Lýsir Örn því í bréfinu til nefndarinnar, að hann efist um að konurnar fari með rétt mál þegar þær ásaka Ólaf Skúlason um kynferðisbrot. 

Segist Örn hafa lesið, að ástæður þess að konur kæru karlmenn ranglega fyrir kynferðisbrot væri til dæmis von um peninga, öfund, afbrýðisemi, hatur, hefnd eða löngun til að komast í sviðsljósið.

„Ég varð fljótt var við það, að Mývetningar teldu hina síðast nefndu ástæðu nokkuð áberandi í þessu máli. Um (Sigrúnu) Pálínu (Ingvarsdóttur) skal ég ekkert segja - en henni hefur þó sannarlega tekist að komast í sviðsljósið. Og nú virðast ýmsar fleiri konur melta sig - hvort sem það er nú af löngun til þess að fá bita af kökunni," segir Örn.////hefði ekki getað orðað þetta betur,eins og ég segi reyndar á bloggi hér á undan,við Kristnir menn látum ekki ofbjóða okkur svona/Halli Gamli  

Rannsóknarréttur og nornaveiðar

Biskup segi af sér///Hvað er að ske á Íslandi ?,eru nokkrar konur eða kona að taka völdinn????

Biskup segi af sér
Innlent | mbl.is | 10.6.2011 | 19:11
Karl Sigurbjörnsson biskup ætti að segja af sér þar sem hann hefur ekki komið heiðarlega fram. Þetta sagði Sigrún Pálína Ingvarsdóttir sem sakaði Ólaf Skúlason biskup um kynferðisbrot gegn sér

Þá kom fram í frétt RÚV að hún hefði ráðið sér lögfræðing til að undirbúa skaðabótakröfu vegna málsins.

í sjónvarpsfréttum RÚV.//////Nú finnst manni mælirinn fullur ,þessi kona komin með alla kristna menn í malaferli útaf einhverju sem enginn sönnun er fyrir bara orð gegn orði!!!!,nei segi maður bara hiklaust,ef þetta gengur eftir er Kirkjan ekki starfi sínu vaxin og mun bara hrynja ekki spurning!!!við viljum ekki svona aðferðir að trúa þessu sem þessi kona segir að sé satt,als ekki láta hana komast upp með svona áróður!!!!/Halli Gamli

Biskup segi af sér

Skýrsla rannsóknarnefndar birt///búin að lesa hana engu nær um sök???????

Skýrsla rannsóknarnefndar birt
Innlent | mbl.is | 10.6.2011 | 10:35
Meta ber framgöngu einstakra vígðra þjóna og annarra starfsmanna þjóðkirkjunnar á árinu 1996 í því ljósi að ásakanir, sem komu fram um kynferðisbrot beindust að æðsta yfirmanni kirkjunnar og hirði prestanna, sjálfum biskupnum.

Þetta kemur m.a. fram í skýrslu rannsóknarnefndar þjóðkirkjunnar, sem birt var í dag umstarfshætti og viðbrögð kirkjunnar vegna ásakana á hendur Ólafi Skúlasyni, biskupi, um kynferðisbrot.

Í skýrslunni segir ljóst,  að þegar Sigrún Pálína Ingvarsdóttur lagði fram erindi sitt 25. janúar 1996 til formlegrar meðferðar hjá siðanefnd og stjórn Prestafélags Íslands hafi atvik átt sér stað innan þjóðkirkjunnar sem settu svip sinn á viðhorf stjórnar og nefndarmanna til málsins og málsmeðferð í siðanefndinni og stjórn félagsins, og einnig á vettvangi kirkjuráðs og Prófastafélags Íslands.

Hafi þessi aðstaða leitt til þess að tilhneigingar hafi gætt í þá átt að litið væri á ásakanir Sigrúnar Pálínu, Dagbjartar Guðmundsdóttur og Stefaníu Þorgrímsdóttur sem lið í „valdabaráttu“ á milli stuðningsmanna og andstæðinga biskups og það jafnvel álitið að þær væru beinlínis settar fram fyrir tilstuðlan þeirra síðarnefndu til að „koma höggi á“ biskup.

Þá verði ótvírætt ráðið af framburði þeirra, sem komu fyrir nefndina, að áhrif Ólafs Skúlasonar á samstarfsmenn sína og aðra starfsmenn kirkjunnar hafi verið verulega mikil. Hafi hann með framgöngu sinni haft mótandi áhrif á aðgerðir  einstaklinga sem að málinu komu, hvort sem er á vettvangi kirkjuráðs,  Prófastafélags Íslands eða stjórnar Prestafélags Íslands.

Þá liggi fyrir að Ólafur Skúlason biskup hafi sjálfur gerst sekur um trúnaðarbrot
við meðferð málsins á árinu 1996. Grunsemdir hafi verið uppi um að trúnaðarupplýsingum hafi verið „lekið“, annaðhvort til fjölmiðla og/eða til biskups, af hálfu stjórnarmanna í Prestafélagi Íslands sem fjölluðu um málið í janúar, febrúar, mars og apríl 1996. Rannsóknarnefndin hafi hins vegar ekki forsendur til að skera úr um þetta atriði.

Rannsóknarnefndin gerir sérstakar athugasemdir við þá ákvörðun sr. Baldurs Kristjánssonar, varaformanns stjórnar Prestafélags Íslands, sem á þessum tíma gegndi trúnaðarstarfi gagnvart biskupi sem biskupsritari og ritari kirkjuráðs, að sitja áfram fundi stjórnarinnar í febrúar og mars 1996 þar sem erindi  kvennanna þriggja voru til umfjöllunar af hálfu stjórnarinnar.

Þá verði líka að telja það ámælisverð vinnubrögð af hálfu stjórnarinnar að krefjast þess ekki þegar í stað að Baldur viki sæti í stjórninni þegar „biskupsmálið“ var komið á borð stjórnarinnar í lok janúar 1996, enda var þess ekki að vænta að hann gæti litið óhlutdrægt á málavexti í ljósi trúnaðarsambands síns við biskup./////// var að lesa skírsluna og er engu nær um sekt Biskups þetta er bara orð á móti orði og þvæla og röfl sem einginn getur staðfest,við sem höfum fylgst með þessu allan tíman erum engu nær ,vitum að það er óeining innan kirkjunar og hefur alltaf verið !!!! þetta breytir því ekki,en kannski flýtir fyrir algjörum aðskilnaði Ríkis og Kirkju/Halli Gamli

Skýrsla rannsóknarnefndar birt

Höftin eru vandinn en ekki lausnin/ þetta er sennilega alveg rétt,prófum hitt!!!!!

Höftin eru vandinn en ekki lausnin
Viðskipti | Morgunblaðið | 10.6.2011 | 5:30
Agnar Hansson, forstöðumaður markaðsviðskipta Arctica Finance, segir stjórnvöld ofmeta óþolinmæði þeirra eigenda aflandskróna sem eru fastir inni vegna haftanna og þar með nauðsyn gjaldeyrishaftanna.

Þetta kom fram í erindi sem Agnar hélt á ráðstefnu Íslandsstofu um gjaldeyrishöftin í gær og fjallað er um í Morgunblaðinu í dag. Hann varaði við því að gjaldeyrishöftin græfu undan trausti á efnahagslífinu og það eitt og sér hefði meiri áhrif á vilja eigenda aflandskróna til þess að losa sig við þær.

Agnar benti máli sínu til stuðnings á þróunina á gengi krónunnar á aflandsmarkaði. Þegar eigendur aflandskróna hefðu fundið möguleika á því að eiga tiltölulega óhindruð viðskipti með þær hefði gengi aflandskrónanna lækkað verulega og nálgast hið opinbera seðlabankagengi. Þetta hefði til að mynda gerst í fyrrasumar, en þá fór aflandsgengið niður í 205 krónur gagnvart evru. Í kjölfarið herti Seðlabankinn á höftunum og lokaði fyrir ýmis göt sem áður stóðu opin fyrir aflandsviðskipti og í framhaldinu fór aflandsgengið í 260. Eftir að tilkynnt var um gjaldeyrisútboð Seðlabankans í vetur hefur það hins vegar lækkað á ný og er nú í 215./////// skrítið að þetta er sennilega ALVEG RÉTT  og ber að skoða val og jafnvel prófa einhvern tíma ,það er svo að þetta lokaða kerfi er ekki nema á sumum stöðum allt má flytja inn þarf og óþarft,því ekki annað sem gæti skilað hagnaði miklum,við verðum að opna þetta fyrr en seinna/Halli gamli

Höftin eru vandinn en ekki lausnin

„Hann er í algjörri úlfakreppu aumingja maðurinn“ / þetta er ekkert sem veldur úrslitum?????

„Hann er í algjörri úlfakreppu aumingja maðurinn“
Innlent | mbl.is | 10.6.2011 | 13:59
„Ég held að hann sé búinn að vera eða öllu heldur – ég er hræddur um að hann nái sér ekki út úr þessu. Hann er í algjörri úlfakreppu aumingja maðurinn,“ skrifaði Karl Sigurbjörnsson, þá prestur í Hallgrímskirkju, í dagbók sína í kjölfar yfirlýsingar kirkjuráðs í mars 1996, þar sem ásakanir á hendur Ólafi voru harmaðar.

Ólafur Skúlason, biskup, fór fram á það við kirkjuráð í febrúar 1996 að gefin yrði út stuðningsyfirlýsing honum til handa vegna ásakana um að hann hefði gerst sekur um kynferðisbrot, „að því yrði lýst yfir að þetta væri áburður á hendur honum sem hann væri saklaus af, ásakanir sem hann væri saklaus af," líkt og Karl Sigurbjörnsson biskup Íslands, sem átti sæti í kirkjuráði á þessum tíma, sagði í framburði sínum hjá rannsóknarnefnd þjóðkirkjunnar.

Ólafur átti á þessum tíma sjálfur sæti í kirkjuráði. Í framhaldi funda ráðsins í febrúar og mars og í kjölfar viðtals við Ólaf í Ríkissjónvarpinu, þar sem hann bar af sér framkomnar sakir um kynferðisbrot, gaf kirkjuráð út yfirlýsingu þar sem m.a. sagði: „Kirkjuráð harmar þær ásakanir sem bornar eru fram á hendur biskupi Íslands og eru alvarleg atlaga að æru hans og heiðri."

Í niðurlagi yfirlýsingarinnar sagði ennfremur að kirkjuráð votti „biskupi Íslands og fjölskyldu hans dýpstu samúð og kærleika og treystir honum til að leiða þessi alvarlegu mál til lykta, kirkju og þjóð til heilla og blessunar."

Í kjölfar yfirlýsingar kirkjuráðs ritaði Karl í dagbók sína: „Ég held að hann sé búinn að vera eða öllu heldur – ég er hræddur um að hann nái sér ekki út úr þessu. Hann er í algjörri úlfakreppu aumingja maðurinn."

Bókaði ekki andmæli þrátt fyrir efasemdir 

Í framburði Karls biskups fyrir rannsóknarnefnd þjóðkirkjunnar kom fram að Ólafur hefði flutt „mjög tilfinningaþrungna ræðu yfir þeim sem hafi verið mjög erfitt að sitja undir".

Síðan hefði verið óskað eftir hléi á fundinum þannig að kirkjuráðsmenn, þ.e. aðrir en biskup, gætu ráðið ráðum sínum. Þar hefði verið mikill hljómgrunnur fyrir því að taka undir með biskupi og lýsa yfir fortakslausum stuðningi við hann, auk þess að lýsa yfir sakleysi hans af þessum áburði.

Aðspurður um hvort hann hefði sjálfur verið einn af þeim svaraði Karl því neitandi, en hann hefði þó ekki bókað andmæli við yfirlýsingunni. Hann hefði staðið að henni eins og aðrir kirkjuráðsmenn. Kvaðst hann hafa tekið þátt í því að semja hana sem hefði verið „frekar loðin".

Hann hefði ekki viljað að kirkjuráð færi að kveða upp einhvern dóm í málinu því honum hefði ekki fundist það vera hlutverk þess. Þá kom fram hjá Karli að biskup hefði verið mjög ósáttur við yfirlýsingu ráðsins.

Inntur eftir því hvort líta megi á samþykkt hennar sem mistök af hálfu kirkjuráðs svaraði Karl með þessum orðum: „Jú, það var bara kannski hvorki fugl né fiskur. Ég veit ekki hvað maður á að segja um það. Við vorum undir svona ákveðinni mikilli pressu þar."

Kom aldrei til greina að konurnar kæmu fyrir ráðið

Aðspurður hvort það hefði komið til greina af hálfu kirkjuráðs að gefa konunum þremur, sem báru sakir á Ólaf, kost á að koma fyrir ráðið á þessum tíma svaraði Karl því til að það hefði aldrei verið rætt og hefði aldrei komið til greina.

Inntur eftir því hvort það hefðu verið mistök að gefa þeim ekki kost á að koma fyrir ráðið og segja frá reynslu sinni áður en yfirlýsingin var gefin út svaraði Karl því til að það gæti vel verið, hann vissi það samt ekki.

Málið var „rekið í gegn“

Þetta mál hefði allt einhvern veginn verið þannig að það hefði bara „verið rekið í gegn“. Það hefði ekki verið lögð fram nein lögreglukæra. Þetta hefðu verið ásakanir og hann hefði talið að kirkjuráð hefði ekki upplifað sig í þeirri stöðu að geta rætt þetta mál eða efnisatriði þess. Það hefði bara einhvern veginn ekki hvarflað að neinum.

Aðspurður um hvort afstaða kirkjuráðsmanna, yfirlýsing þeirra og ályktun Prófastafélagsins viku síðar, þar sem fram kom stuðningur prófasta við Ólaf, hefði að einhverju leyti mótast af einhvers konar valdabaráttu ólíkra hópa innan kirkjunnar, svaraði Karl því játandi og kvaðst telja að svo hefði verið.

Konurnar ekki leiksoppar

Lýsti hann því mati sínu að þarna hefðu verið menn sem hefðu verið „mjög ákveðnir í því að þetta væri bara pólitík". Hann hafnaði því hins vegar að líta mætti á konurnar sem einhvers konar leiksoppa í valdabaráttu innan kirkjunnar, hann hefði í öllu falli ekki upplifað þetta þannig. Hann kannaðist við þessa lýsingu og þessi vinkill á málinu hefði valdið ónotum og truflað marga.

Karl lagði fram ljósrit úr dagbók sinni frá árinu 1996 á fundi rannsóknarnefndarinnar, merkt skráð „4. mars", þar sem segir m.a. svo um yfirlýsingu kirkjuráðs: „Ályktun kirkjuráðs olli Ólafi vonbrigðum. ... við hefðum átt að hvetja sig til að sitja áfram og lýsa eindregnum stuðningi við hann. Við sögðumst treysta honum til að leiða þessi mál til lykta. Hvort hann getur setið áfram með þetta á bakinu getur samviska hans ein sagt honum. Ég held að hann sé búinn að vera eða öllu heldur – ég er hræddur um að hann nái sér ekki út úr þessu. Hann er í algjörri úlfakreppu aumingja maðurinn."//////// 'Eg sem  trúaður maður er ekki sáttur við þetta eftiárettarhald  als ekki ,þetta sannar ekkert bara orð á móti orði og ekkert annað ,ef öll mál kirkjunar manna væri skoðuð betur er margt sem kæmi fram,en að við sem eftir lifum bara tökum okkur á, þá bara kemur þetta,Biskup og prestar komast ekkert nær þessu en við sem erum kristnir og kunnum að fyrirgefa!!!!það er málið er það ekki,.þeir sem ekki gera það eru bara ekki hæfir í kristnum söfnuði///Halli Gamli

„Hann er í algjörri úlfakreppu aumingja maðurinn“

Ingvi Hrafn dæmdur fyrir skattalagabrot/ allt er hey í harðindum,hjá dómstólum vorum!!!!

Ingvi Hrafn dæmdur fyrir skattalagabrot
Innlent | mbl.is | 10.6.2011 | 14:26
Ingvi Hrafn Jónsson, sjónvarpsstjóri ÍNN, var í dag dæmdur til hálfs árs skilorðsbundinnar fangelsisvistar og til að greiða 15 milljónir króna í sekt, að því er kom fram í fréttum Ríkisútvarpsins.

Var Ingvi Hrafn fundinn sekur um skattalagabrot við rekstur Langárveiða.  Eiginkona hans var einnig sakfelld og dæmd til að greiða 8 milljónir króna í sekt og til þriggja mánaða skilorðsbundinnar fangelsisvistar.

Haft var eftir Ingva Hrafni, að hann hefði ekki efni á að áfrýja og því stæði dómurinn.////////sennilega er þeim ljúft að dæma Ingva Hrafn!!! þeim svíður hreinskilni hans og orðafar!!! en hann kall greyið hefur ekki efni á áfríun,verður því bara að taka þessu,leiðinlegt ef ekki er vissa fyrir sök,en maður bara vonar að hann geti varið sig á sinni stöð,því á hana hlustar maður alltaf/hann er ómissandi í loftinu kallin minn!!!!!Halli Gamli

Ingvi Hrafn dæmdur fyrir skattalagabrot

Eldsneyti lækkar fyrir helgina///Þarf að vera alla helgina!!!!!!!

Eldsneyti lækkar fyrir helgina
Innlent | mbl.is | 10.6.2011 | 12:23
Eldsneytisverð lækkar um 10 krónur lítrinn í dag hjá Atlantsolíu, ÓB, Orkunni og Shell. Lækkunin gildir fyrir þá sem eru handhafar dælulykla eða ákveðinna afsláttarkorta.

„Við veitum 10 króna afslátt með okkar dælulykli í dag en afslátturinn er gefinn til miðnættis,“ segir Hugi Hreiðarsson markaðsstjóri Atlantsolíu en afslátturinn á við um bæði bensín- og dísilolíu. Lækkunin miðast við núverandi verð Atlantsolíu á bensíni, 232,10 krónur og núverandi verð á dísilolíu, 230,90 krónur.

„Það má orða það svo að grunnurinn að þessu sé fyrsta ferðahelgi sumarsins,“ segir Hugi um ástæðu lækkunarinnar en hann býst við því að mikið verði að gera á mannlausu bensínstöðvunum í dag.

ÓB veitir 10 króna afslátt af lítraverði í dag fyrir handhafa ÓB-lykla og ÓB-Frelsis. Orkan og Shell veita 10 króna afslátt á lítrann í dag í tilefni afmælis Orkuverndar. Afslátturinn gildir þegar greitt er með Orkulykli, Orkukorti, Afsláttarkorti, Orkufrelsi eða Staðgreiðslukorti Skeljungs.//////við erum ánægð að sjá samkeppni en þetta ætti að standa alla helgina,Ég ný búin að taka olíu og ætla samt að fylla en þyrfti að gera það aftur á morgun og hinn!!!!!/Halli gamli 

Eldsneyti lækkar fyrir helgina