840 íbúðir seldar nauðungarsölu//Ekki breytir stórnarskáin þessu er það????

840 íbúðir seldar nauðungarsölu Innlent | mbl.is | 15.2.2013 | 16:42 Á árunum 2001–2011 voru 840 íbúðir á Suðurnesjum seldar á nauðungarsölu, þar af voru 595 (71%) í eigu einstaklinga á móti 245 (29%) í eigu lögaðila.

Þetta kemur fram í rannsókn sem gerð var á nauðungarsölu íbúðarhúsnæðis á Suðurnesjum. Í febrúar 2011 ákvað velferðarráðherra að sérstakri fjárveitingu skyldi varið til rannsóknar á nauðungarsölu íbúðarhúsnæðis á Suðurnesjum, en þar sem annars staðar á landinu jókst nauðungarsala á íbúðarhúsnæði.

Í fréttatilkynningu frá ráðuneytinu segir að ljóst sé að frá árinu 2008 hafi vanskil húsnæðislána og annarra lána orðið meiri á Suðurnesjum en í öðrum sveitarfélögum. Málið var kynnt í ríkisstjórn og í framhaldinu var samkomulag gert milli velferðarráðuneytisins og sýslum

annsins í Keflavík um framkvæmd verkefnisins sem var á ábyrgð sýslumannsins. Sérstakur starfsmaður var ráðinn til að vinna rannsóknina. Rannsókninni er lokið og niðurstöður hennar voru kynntar í ríkisstjórn í morgun.

Rannsóknin fjallar um nauðungarsölu íbúðarhúsnæðis á Suðurnesjum á árunum 2001–2011. Á tímabilinu voru 840 íbúðir á Suðurnesjum seldar á nauðungarsölu, þar af voru 595 (71%) í eigu einstaklinga á móti 245 (29%) í eigu lögaðila.

Hlutfall nauðungarsölumála sem lauk með sölu eignar fór á fyrri hluta tímabilsins hæst í 10,5% á ári, en stighækkaði árin 2008–2011, úr 5,8% árið 2007 í tæp 43% árið 2011. Þess ber þó að geta að eftir árið 2008 er hærra hlutfall eigna sem selt er í eigu lögaðila, en fyrir þann tíma. Fram til ársins 2008 voru heildarfjárhæðir krafna á ári í eignirnar ætíð undir einum milljarði króna, en jukust mikið 2008 samfara auknum fjölda íbúða, og hæst fór heildarfjárhæðin í tæpa níu milljarða króna árið 2010, en lækkar um einn milljarð 2011.

Flestir höfðu nýlega keypt húsnæði Á öllu tímabilinu er áberandi að fólk missir húsnæði sitt á nauðungarsölu einu til þremur árum eftir kaup. Á árunum 2001–2007 voru 22 íbúðir seldar að meðaltali á ári á nauðungarsölu, en á árunum 2008 –2011 voru á bilinu 47–215 íbúðir seldar á nauðungarsölu árlega, flestar árið 2010.

Algengast er að íbúðir sem seldar voru á nauðungarsölu hafi verið keyptar tveimur til þremur undangengnum árum, til dæmis er 82% af íbúðarhúsnæði sem selt var á nauðungarsölu árið 2007 keypt á tveimur undangengnum árum og 79% af íbúðum sem seldar voru á nauðungarsölu árið 2008 voru keyptar á þremur undangengnum árum.

Tæplega 60% íbúðarhúsnæðis í eigu einstaklinga sem selt var á nauðungarsölu árin 2003–2011 voru í eigu þeirra í þrjú ár eða skemur. Meðalaldur þeirra einstaklinga sem misstu húsnæði sitt á nauðungarsölu var á öllu tímabilinu um 40 ár og hefur farið hækkandi, úr 36 árum 2009 í 43 ár 2011.

Fjölskyldugerð þeirra sem misstu íbúðir sínar á tímabilinu skiptist þannig að í um 40% tilvika voru eigendur í sambúð eða hjónabandi og í tæpum helmingi voru börn á heimilinu, alls 560 börn.

Í rúmlega fimmtungi tilvika áttu börn lögheimili í hinni seldu íbúð. Eigendur voru í 45,2% tilvika með lögheimili í hinni nauðungarseldu íbúð á degi nauðungarsölunnar. Þegar lögaðili er eigandi húsnæðis sem selt er, er líklegast að leigutaki hafi misst húsnæði sitt við sölu.

Ekki reyndist unnt að fá upplýsingar um stöðu þess hóps. Niðurstöður rannsóknarinnar verða meðal annars nýttar til áframhaldandi skráningar, endurbóta á skráningarkerfum og sem fyrirmynd fyrir önnur sýslumannsembætti.

Síðast en ekki síst verður unnin úrtakskönnun til að afla upplýsinga um aðdraganda að húsnæðismissi og afdrif einstaklinga og fjölskyldna, með sérstaka áherslu á barnafjölskyldur.///////////////////Fólk spyr hvað er við þessu að gera!!og það er von að spurt sé ,það er í flestum ef ekki öllum tilföllum ef einhver vá kemur uppá sem von er hlaupi til handa og fóta og bjargráðasjóður kemur inn!!!sem er mjög gott!!en hvað er þetta sem þið lesið hér á undan annað en áföll mjög margra og þarna bara Reykjanesbær hvað þá allt landið og stór R.vík ,ekkert gert bara lofa bönkunum og vogunarsjóðum að hirða pakkann!!!, og eftir situr fólkið bjargarlaust margt!!!er þetta það sem fólkið sem er á Alþingi skilur eður ey maður bara spyr !!!!///Halli gamli 

840 íbúðir seldar nauðungarsölu

Alþingi samþykki stjórnarskrá/það er hægt að gera með hluta hennar,en ef alla,skrifar Forseti ekki undir lögin,því þjóðin á síðasta orðið!!!!

Alþingi samþykki stjórnarskrá Innlent | mbl | 15.2.2013 | 14:25 „Ég tel augljóst að Alþingi geti klárað frumvarpið og ég tel æskilegt að það sé gert og í samræmi við vilja kjósenda,“ segir Katrín Fjeldsted, læknir og fyrrverandi fulltrúi í stjórnlagaráði, sem telur athugasemdir Feneyjanefndarinnar ekki veigameiri en svo að ljúka megi málinu fyrir þinglok.

„Maður hefur séð andóf gegn þessu verki öllu saman síðastliðið ár. Það eru ýmsar ástæður taldar til. Ég held að fyrsta svarið mitt sé að mótbárur sumra gegn breytingum á stjórnarskrá byggist á einhverju allt öðru en andófi gegn því að breyta stjórnarskrá.

Þar sé fremur um pólitískar skotgrafir að ræða. Það eru margar gagnlegar ábendingar í bráðabirgðaáliti Feneyjanefndarinnar, eins og sumar ábendingar lögfræðinganna sem borist hafa. Þetta eru ekki veigameiri ábendingar en svo að Alþingi getur vel tekið tillit til þeirra.

Nú er þriðja umræða framundan. Allur þessi ferill hefur tekið fjögur ár og stjórnskipunar- og eftirlitsnefnd hefur unnið mjög ötullega að honum,“ segir Katrín og heldur áfram. Geri breytingar fyrir þinglok „Ég tel augljóst að Alþingi geti klárað frumvarpið og ég tel æskilegt að það sé gert og í samræmi við vilja kjósenda.

Ég held að þær athugasemdir sem koma frá Feneyjanefndinni séu ekki veigameiri en svo að það megi koma ýmsum breytingum inn fyrir þinglok.

Ég er nú frekar jákvætt þenkjandi manneskja og sé að Feneyjanefndin fagnar ýmsu sem mjög góðu í frumvarpinu, til dæmis jöfnun í vægi atkvæða, beinu lýðræði, upplýsingafrelsi og auðlindum í þjóðareign. Yfir þetta allt var farið í stjórnlagaráði og einnig hjá Alþingi og er í sjálfu sér ekkert nýtt. Það sem nefndin er helst að benda á er hætta á þrátefli í pólitík.

Það var alltaf fyrirséð. Ég hef nú haldið því fram að í frumvarpinu nýja sé ekki að finna einhverja hægristefnu eða vinstristefnu. Þetta er ekki þannig pólitísk vinna, heldur vinna sem er unnin með hag almennings í landinu í huga og í fyrirrúmi.

Það kemur ekkert á óvart að stjórnmálamenn taki afstöðu eins og þeir hafa margir gert, þegar málin snúa að þeim valdmörkum og þeim leikreglum sem verið er að gera ráð fyrir í íslenskum stjórnmálum. Þá er það hagur almennings sem er hafður í fyrirrúmi, aðallega í ljósi reynslunnar af síðustu árum.

“ Raunhæft að ljúka málinu fyrir þinglok - Þú telur raunhæft að bregðast við þeim athugasemdum sem komið hafa vegna frumvarpsins og afgreiða það áður en þingið lýkur störfum? „Já.“ - Það kemur þá ekki til greina að taka nokkrar greinar út, eins og til dæmis Birgir Ármannsson hefur lagt til? „Ég tel að það væri mjög sorgleg niðurstaða að búta frumvarpið niður.

Þetta er heildstætt verk og það eru atriði sem Feneyjanefndin bendir á og eru lagatæknilegs eðlis. Það eru þá atriði sem Alþingi getur brugðist við. Þjóðin hefur lýst skoðun sinni í þjóðaratkvæðagreiðslu og það má segja að þar hafi verið spurt um stærstu atriðin, veigamestu atriðin.

Auðvitað ekki öll. Þau eru fleiri. Það er heil brú í hugsuninni í frumvarpinu og öll atriði voru rædd frá öllum mögulegum sjónarhornum. Þannig að ég er frekar jákvæð út í það sem Feneyjanefndin sendi frá sér og tel að það sé hjálplegt, en ekki til þess fallið að skaða framgang málsins á einn eða annan hátt.“/////////////////það er svo að sýnum augum lítur hver á silfrið!!ég er nokkurn vegin orðin samfærður um að þessi fundur stjórnlagaráðs var haldin eins og kviðdómur í USA eð nánast eftir því sem ek les meira frá þessu fólki þarna sem sat fundina!!auðvitað erum við kannski aldrei sammála öll,en þarna hafa verið magar skoðanir ,og menn als ekki á eitt sáttir,einnig var þetta ekki þveskurður af þjóð vorri!!en þetta hefur farið þannig,að þeir frekustu hafa haft sitt fram og allir orðið að samþykkja,þannig kemur þetta mér fyrir sjónir!!og að ég held meirihluta þjóðarinnar!!en þetta sem hún segir þarna læknirinn  og fyrv.Borgarfulltrúi okkar er hennar skoðun og hún auðvitað má hafa hana,en ef ekki verður grisjað úr þar sem allir geta verið sammála um á Alþingi,verður þetta bara,ekki samþykkt nema með einföldum meirihluta,og þá skrifar Forseti vor ekki undir þau lög að stjórnaskrá,als ekki og þá er það þjóðin og þar fellt!!!////Halli gamli

Alþingi samþykki stjórnarskrá

Atvinnuleysið mælist 5,5%//þetta er að stórum hluta sýndarmenska því miður!!!

Atvinnuleysið mælist 5,5% Innlent | mbl.is | 15.2.2013 | 12:05 Skráð atvinnuleysi í janúar 2013 var 5,5%, en að meðaltali voru 8.686 atvinnulausir í janúar og fækkaði atvinnulausum um 272 að meðaltali frá desember.

Meginskýringin á minnkandi atvinnuleysi eru breytingar á skráningu á atvinnuleysisskrá. Um síðustu áramót rann út bráðabirgðaákvæði sem gerði atvinnuleitendum, sem misstu starf sitt eftir 1. mars 2008, kleift að fá greiddar atvinnuleysistryggingar í allt að 48 mánuði.

Um áramótin breyttist því atvinnuleysisbótarétturinn úr 48 mánuðum í 36 mánuði og um 1.300‐1.400 atvinnuleitendur luku þar með bótarétti sínum.

Í gegnum átaksverkefnið Liðsstyrk er unnið að því að finna þessum einstaklingum störf við hæfi hjá ríki, sveitarfélögum og á almennum vinnumarkaði. Þeir sem höfðu lokið minna en 42 mánuðum af bótarétti sínum fá jafnframt sérstakan biðstyrk í allt að 6 mánuði til viðbótar (36‐42 mánuði).

Þeir þurfa að staðfesta atvinnuleit á sama hátt og þeir sem eru á atvinnuleysisskrá og teljast því áfram með í atvinnuleysistölum. Þeir sem verið hafa atvinnulausir lengur en 42 mánuði fá ekki slíkan styrk, þurfa því ekki að staðfesta atvinnuleit og teljast því ekki til hóps atvinnulausra.

Um er að ræða nálægt 750 manns í síðastnefnda hópnum, sem er meginskýringin á minnandi atvinnuleysi milli desember og janúar, segir í frétt á vef Vinnumálastofnunar. Körlum á atvinnuleysisskrá fækkaði um 190 að meðaltali og konum um 82 og var atvinnuleysið 5,2% meðal karla og 5,9% meðal kvenna.

Atvinnulausum fækkaði að meðaltali um 292 á höfuðborgarsvæðinu en fjölgaði um 20 á landsbyggðinni. Atvinnuleysið var 5,8% á höfuðborgarsvæðinu. Á landsbyggðinni var atvinnuleysið 5% og er óbreytt frá desember. Mest var atvinnuleysið á Suðurnesjum, 9,5%. Minnst var atvinnuleysið á Norðurlandi vestra, 2%.

Í janúar voru samtals 1.067 manns skráðir í vinnumarkaðsúrræði. Þessi úrræði eru greidd af Atvinnuleysistryggingasjóði en viðkomandi einstaklingar eru í vinnu og teljast því ekki með í atvinnuleysistölum. 2.565 án atvinnu í meira en eitt ár Alls voru 9.289 manns atvinnulausir í lok janúar.

Þeir sem voru atvinnulausir að fullu voru hins vegar 8.315. Fjöldi þeirra sem hafa verið atvinnulausir lengur en 6 mánuði samfellt er nú 4.032 og eru um 43% þeirra sem voru á atvinnuleysisskrá í janúar. Fjöldi þeirra sem verið hafa atvinnulausir í meira en eitt ár samfellt var 2.565 í janúarlok.

Langtímaatvinnulausum fækkar verulega skv. báðum þessum mælikvörðum frá desember til janúar sem skýrist að stærstum hluta af styttingu bótatímabils um áramótin úr 48 mánuðum í 36. 18% atvinnulausra eru ungmenni Alls voru 1.649 á aldrinum 16‐24 ára atvinnulausir í lok janúar 2013 eða um 18% allra atvinnulausra í janúar.

Í lok janúar 2012 var fjöldi atvinnulausra ungmenna 1.930 og hefur því fækkað um 281 milli ára í þessum aldurshópi. Alls voru 1.685 erlendir ríkisborgarar án atvinnu í lok janúar, þar af 978 Pólverjar eða um 58% þeirra útlendinga sem voru á skrá í lok mánaðarins.

Flestir atvinnulausra erlendra ríkisborgara voru starfandi í gistingu og veitingastarfsemi, 253. Í janúarmánuði bárust tvær hópuppsagnir til Vinnumálastofnunar þar sem 33 manns var sagt upp störfum. Alls fengu 56 launamenn greitt úr Ábyrgðarsjóði launa í janúar, flestir í þjónustustarfsemi ýmiss konar.

Ekki útlit fyrir miklar breytingar í febrúar Atvinnuleysi eykst oft í febrúar þegar eftirspurn eftir vinnuafli er með minnsta móti.

Í fyrra jókst atvinnuleysið úr 7,2% í janúar í 7,3% í febrúar. Vinnumálastofnun gerir þó ráð fyrir því að atvinnuleysi breytist ekki mikið milli janúar og febrúar í ár þar sem mikið er um ráðningar fólks af skrá í gegnum 3.

Liðsstyrksverkefnið og vinnur það gegn árstíðarbundinni hækkun atvinnuleysis. Því er gert ráð fyrir að atvinnuleysi í febrúar verði á bilinu 5,3%-5,7%.//////////////////svo mörg voru þau orð um að verja atvinnuleysið,sem er eftir sem áður alltof mikið,þetta að skapa gervivinnu til að eyða því er bara ,til að breyta tölum en ekki arði af vinnu,sem er skapandi,nei öðru nær,fullt af verkefnum bíða en eru stoppuð af umkvefmissinum að ekkert má gera sem skapar okkur arð og gjaldeyrir,sem okkur vantar!!!skal fólk ekki sjá við þessu,að allt  er í uppnámi hjá þessum kommum sem stjórna þessu landi núna,atvinnuleysi heilsugæslan löggæslan byggingavinna og Fiskveiðar í ferli eyðileggingar,og allt gert til að gera ekkert við því með að tala bara um ómarktæka stjórnarskrá!!!!!/Halli gamli

Atvinnuleysið mælist 5,5%