840 íbúðir seldar nauðungarsölu//Ekki breytir stórnarskáin þessu er það????

840 íbúðir seldar nauðungarsölu Innlent | mbl.is | 15.2.2013 | 16:42 Á árunum 2001–2011 voru 840 íbúðir á Suðurnesjum seldar á nauðungarsölu, þar af voru 595 (71%) í eigu einstaklinga á móti 245 (29%) í eigu lögaðila.

Þetta kemur fram í rannsókn sem gerð var á nauðungarsölu íbúðarhúsnæðis á Suðurnesjum. Í febrúar 2011 ákvað velferðarráðherra að sérstakri fjárveitingu skyldi varið til rannsóknar á nauðungarsölu íbúðarhúsnæðis á Suðurnesjum, en þar sem annars staðar á landinu jókst nauðungarsala á íbúðarhúsnæði.

Í fréttatilkynningu frá ráðuneytinu segir að ljóst sé að frá árinu 2008 hafi vanskil húsnæðislána og annarra lána orðið meiri á Suðurnesjum en í öðrum sveitarfélögum. Málið var kynnt í ríkisstjórn og í framhaldinu var samkomulag gert milli velferðarráðuneytisins og sýslum

annsins í Keflavík um framkvæmd verkefnisins sem var á ábyrgð sýslumannsins. Sérstakur starfsmaður var ráðinn til að vinna rannsóknina. Rannsókninni er lokið og niðurstöður hennar voru kynntar í ríkisstjórn í morgun.

Rannsóknin fjallar um nauðungarsölu íbúðarhúsnæðis á Suðurnesjum á árunum 2001–2011. Á tímabilinu voru 840 íbúðir á Suðurnesjum seldar á nauðungarsölu, þar af voru 595 (71%) í eigu einstaklinga á móti 245 (29%) í eigu lögaðila.

Hlutfall nauðungarsölumála sem lauk með sölu eignar fór á fyrri hluta tímabilsins hæst í 10,5% á ári, en stighækkaði árin 2008–2011, úr 5,8% árið 2007 í tæp 43% árið 2011. Þess ber þó að geta að eftir árið 2008 er hærra hlutfall eigna sem selt er í eigu lögaðila, en fyrir þann tíma. Fram til ársins 2008 voru heildarfjárhæðir krafna á ári í eignirnar ætíð undir einum milljarði króna, en jukust mikið 2008 samfara auknum fjölda íbúða, og hæst fór heildarfjárhæðin í tæpa níu milljarða króna árið 2010, en lækkar um einn milljarð 2011.

Flestir höfðu nýlega keypt húsnæði Á öllu tímabilinu er áberandi að fólk missir húsnæði sitt á nauðungarsölu einu til þremur árum eftir kaup. Á árunum 2001–2007 voru 22 íbúðir seldar að meðaltali á ári á nauðungarsölu, en á árunum 2008 –2011 voru á bilinu 47–215 íbúðir seldar á nauðungarsölu árlega, flestar árið 2010.

Algengast er að íbúðir sem seldar voru á nauðungarsölu hafi verið keyptar tveimur til þremur undangengnum árum, til dæmis er 82% af íbúðarhúsnæði sem selt var á nauðungarsölu árið 2007 keypt á tveimur undangengnum árum og 79% af íbúðum sem seldar voru á nauðungarsölu árið 2008 voru keyptar á þremur undangengnum árum.

Tæplega 60% íbúðarhúsnæðis í eigu einstaklinga sem selt var á nauðungarsölu árin 2003–2011 voru í eigu þeirra í þrjú ár eða skemur. Meðalaldur þeirra einstaklinga sem misstu húsnæði sitt á nauðungarsölu var á öllu tímabilinu um 40 ár og hefur farið hækkandi, úr 36 árum 2009 í 43 ár 2011.

Fjölskyldugerð þeirra sem misstu íbúðir sínar á tímabilinu skiptist þannig að í um 40% tilvika voru eigendur í sambúð eða hjónabandi og í tæpum helmingi voru börn á heimilinu, alls 560 börn.

Í rúmlega fimmtungi tilvika áttu börn lögheimili í hinni seldu íbúð. Eigendur voru í 45,2% tilvika með lögheimili í hinni nauðungarseldu íbúð á degi nauðungarsölunnar. Þegar lögaðili er eigandi húsnæðis sem selt er, er líklegast að leigutaki hafi misst húsnæði sitt við sölu.

Ekki reyndist unnt að fá upplýsingar um stöðu þess hóps. Niðurstöður rannsóknarinnar verða meðal annars nýttar til áframhaldandi skráningar, endurbóta á skráningarkerfum og sem fyrirmynd fyrir önnur sýslumannsembætti.

Síðast en ekki síst verður unnin úrtakskönnun til að afla upplýsinga um aðdraganda að húsnæðismissi og afdrif einstaklinga og fjölskyldna, með sérstaka áherslu á barnafjölskyldur.///////////////////Fólk spyr hvað er við þessu að gera!!og það er von að spurt sé ,það er í flestum ef ekki öllum tilföllum ef einhver vá kemur uppá sem von er hlaupi til handa og fóta og bjargráðasjóður kemur inn!!!sem er mjög gott!!en hvað er þetta sem þið lesið hér á undan annað en áföll mjög margra og þarna bara Reykjanesbær hvað þá allt landið og stór R.vík ,ekkert gert bara lofa bönkunum og vogunarsjóðum að hirða pakkann!!!, og eftir situr fólkið bjargarlaust margt!!!er þetta það sem fólkið sem er á Alþingi skilur eður ey maður bara spyr !!!!///Halli gamli 

840 íbúðir seldar nauðungarsölu

Athugasemdir

[Jóhann Kristinsson, 15.2.2013 kl. 19:23]

Mikið meira áríðandi að koma ófullkomnri Stjórnarskrá í gegnum þingið, heimilin geta beðið, en ef þau verða svöng meðan þau bíða, þá geta þau étið Stjórnarskrána.

Stjórnvöld verða að hafa áhuga til að ganga frá fjárhagsörðugleikum heimilana og þor að fara upp á móti því sem auðmanna elítan vill.

Einfallt mál, verðbólga hækkar verðtryggingu, verðtrygging hækkar verðbólgu, verðbólga hækkar verðtryggingu o.s.frv.

Kauphækkanir auka verðbólgu og verðtryggingu.

Kveðja frá Houston.

[óli (IP-tala skráð) 17.2.2013 kl. 10:22]

Ég hef mjög takmarkaða þolinmæði fyrir fólki sem ekki borgar skuldir sínar. Ef fólk getur ekki borgað þá er íbúðin tekin og það er bara eins og það á að vera.

það er væt og röflað hér alveg út í eitt í þessu landi alltaf. Ég borga af mínum lánum af minni íbúð og sama geta aðrir bara gert. Ef ekki þá eiga viðkomandi bara að semja og standa við samninga og þá halda þeir sínu. Enn ef fólk getur það ekki þá á það bara að missa þetta á nauðungarsölu. Fólk ætti kanski að fara sjaldnar til útlanda og eiga færri bíla og minni bíla og drullast bara til að borga af sínum lánum án þess að vera að væla yfir öllu og kenna svo öðrum um allt.

[Jóhann Kristinsson, 17.2.2013 kl. 16:44]

Gott að þú hefur haft góða atvinnu Óli og getur staðið undir auknum afborgunum.

Það eru bara ekki allir í samafarvegi og þú, því miður.

Þessi verðtrygging á lánum á engan rétt á sér eins og hún er framkvæmd og kæmi mér ekki að óvart að verðtryggingin verði dæmd ólögleg.

Kveðja frá Houston.