Lettar taka um hanskann fyrir Ísland/þeir skilja okkur smáríkið Ísland,hvernig værum við innann ESB???

Lettar taka um hanskann fyrir Ísland
Innlent | mbl | 7.1.2010 | 11:59
Forsætisráðherra Lettlands, Maris Riekstins, hefur tekið upp hanskann fyrir Íslendinga og ákvörðun forseta Íslands, um að skjóta Icesave-málinu til þjóðarinnar. Hann segir viðbrögð annarra þjóða ýkt og óverðskulduð og efast um að þau hefðu verið eins, ef Ísland væri ekki smáríki.

Lettar hafa, líkt og við Íslendingar, þurft á erlendri aðstoð að halda og leitað til Alþjóðagjaldeyrissjóðsins eftir lánum. Riekstins tjáði sig um Icesave-málið í dag og gagnrýndi „hin ýktu viðbrögð" sumra ríkja við ákvörðun forsetans.

Sagði hann að ákvörðun Ólafs Ragnars hafi verið innan marka íslenskrar stjórnskipunar. Í tilkynningu, sem utanríkisráðuneyti Lettlands sendi frá sér, er vitnað í ráðherrann. Þar segir hann að hin ýktu viðbrögð sumra evrópskra stjórnmálamanna við ákvörðuninni, þar með talið að hóta einangrun Íslands frá alþjóðasamfélaginu, vektu ótta og efasemdir um rétt lýðræðisríkja til þess að taka ákvarðanir í samræmi við eigin lög og stjórnarskrá.

„Eru þessi viðbrögð til komin vegna þess að Ísland er smáríki? Það er erfitt að ímynda sér að svipaðar athugasemdir hefðu heyrst, ef til dæmis, skref sem þetta hefði verið stigið af forseta Frakklands," segir Riekstins.

Hann tók einnig fram að Ólafur Ragnar hefði tekið fram að Íslendingar viðurkenndu alþjóðlegar skuldbindingar sínar.//// skrítið að Lettar skuli ger þetta en ekki vinir okkar norðurlöndin nema Færeyjar svona er eru eiginhagsmunir ríkja miklir,hvernig væri á okkur tekið ef við gengum i ESB maður hugsa það ekki til enda/Halli gamli

Lettar taka upp hanskann fyrir Ísland

Athugasemdir

[Hrannar Baldursson, 7.1.2010 kl. 12:25]

Fleiri þjóðir eiga eftir að láta í sér heyra, Halli. Taktu eftir því. Málið er að engum stendur á sama þegar í ljós kemur að reynt hefur verið að níðast á öðrum, og fólk á það til að fyllast aðdáunar þegar hinn litli stendur í lappirnar og svarar hinum stóra fullum hálsi og óttalaust.