Harður eftirskjálfti á Haítí/er þetta bara byggilekt svæði þarna?????

Harður eftirskjálfti á Haítí
Innlent | AFP | 20.1.2010 | 11:40
Harður eftirskjálfti reið yfir Haítí fyrir skömmu og mældist hann um 6 stig á Richter. Samkvæmt upplýsingum frá Slysavarnafélaginu Landsbjörgu eru íslensku björgunarsveitarmennirnir allir í hvíld í búðum sínum eftir erfiðan dag. Ekki er vitað um manntjón í skjálftanum. en átta dagar eru liðnir frá því jarðskjálfti upp á 7 stig reið yfir Haítí.

Upptök skjálftans nú eru í 59 km fjarlægð vestur af höfuðborg Haítí, Port-au-Prince á 9,9 km dýpi klukkan 6:03 að staðartíma en 11:03 að íslenskum tíma.

Íslenska alþjóðabjörgunarsveitin vann í allan gærdag í rústum Montana hótelsins í Port au Prince en á því hóteli gisti starfsfólk Sameinuðu þjóðanna ásamt fjölskyldum sínum. Unnið var til klukkan tvö í nótt, klukkan sjö í morgun að íslenskum tíma en að því loknu fór sveitin í búðir þar sem hún hvílist nú.
 
Í dag mun sveitin pakka saman þeim búnaði sem hún tekur með heim en hluti hans verður skilinn eftir þar sem hann nýtist sem neyðaraðstoð. Meðal þess sem skilið er eftir er stór hluti búða íslensku sveitarinnar þar sem hann er í notkun sem stjórnstöð aðgerða alþjóðlega hjálparliðsins. Menn telja að húsnæði á svæðinu sé ónothæft og ótraust og því þurfi öll skipulagning og utanumhald hjálparstarfs að fara fram í tjöldum, samkvæmt upplýsingum frá Slysavarnafélaginu Landsbjörgu./// þetta hrikalegt allt og ástandi ekki batnar að við þetta,nú hlýtur að vakna sú spurning að ekki virðist framtíð byggilegt þarna er ekki betra að fá eitthvert pláss fyrir þetta blessað fólk sem eftir lifir í Afríku eittvarstaðar,að fara að byggja þarna er ekki glæsilegt,en þetta verður ábyggileg skoða betur, það er auðvitað erfitt að flytja þetta en er það ekki betra en eiga þetta yfir höfði sér/Halli gamli

Harður eftirskjálfti á Haítí

Athugasemdir

[Guðrún Sæmundsdóttir, 20.1.2010 kl. 23:18]

Íslenskt sjúkrahússkip að fara til Haiti

Hópur einstaklinga úr öllum stjórnmálaflokkum, trúar/trúleysibrögðum, af báðum kynjum og á á öllum aldri er að senda af stað sjúkrahússkip til Haiti.  Facebooksíða verkefnisins heitir  Haitiskipið 

 Fólk er hvatt til að koma með matvæli/hjúkrunarvörur í húsnæði KFUM&K Holtavegi 28 Reykjavík og einnig verður móttaka á Akureyri um helgina.

Það er lítið mál að skreppa útí búð og kaupa núðlur, kex, pasta, hrísgrjón niðursuðuvörur, þurrmjólk,  pela og slíkt og gefa í þetta starf. Margt smátt gerir eitt stórt, og saman munum við íslendingar geta sent fullbúið sjúkrahússkip til Haiti.