Stöðvi flugumferð yfir allri V-Evrópu !!!!!!

Stöðvi flugumferð yfir allri V-Evrópu
Innlent | mbl.is | 14.4.2010 | 21:50
Öskufallið frá eldgosinu í Eyjafjallajökli kann að stöðva flugumferð í allri Vestur-Evrópu að því er kom fram í fréttum norska ríkisútvarpsins. Búið sé að banna allt flug norður af Namsos í Norður-Noregi og á morgun kunni það sama að gilda um alla Vestur-Evrópu.
Öskuskýið mun breiða úr sér og kann að lama alla flugumferð yfir einhverjum svæðum Vestur-Evrópu í fyrramálið,“ hefur TV 2 sjónvarpsstöðin eftir Jens Petter Duestad, yfirmanna flugumferðar í Norður-Noregi. Undir kvöldið í gær var ákveðið að banna flug á flugsvæðinu norður Namsos vegna ótta við að öskufallið berist þangað. Og nú í kvöld bárust fregnir af að bannið næði líka til sænskra flugvalla. Ringulreið ríkti á Bodø flugvellinum í Noregi þar sem flugvélar voru kyrrsettar. Þær flugvélar sem þegar voru komnar í loftið fengu hins vegar leyfi til halda áfram ferð sinni.

Á fimmtudag megi síðan búast við að öskufallið lami stóran hluta flugumferðar í Evrópu. Þess sé einkum vænst öskufallið leiti yfir flugsvæðið yfir Bretlandi, Belgíu og Hollandi///Öskugos eru svona og berast um háloftin og eru flugi hættuleg og það ber að virða/Halli gamli

Stöðvi flugumferð yfir allri V-Evrópu

Athugasemdir

[Anna Sigríður Guðmundsdóttir, 14.4.2010 kl. 23:51]

Eldgos gera ekki mannamun né landamun? M.b.kv. Anna