Lög um Bjargráðasjóð samþykkt !!!!!

Lög um Bjargráðasjóð samþykkt
Innlent | mbl.is | 18.5.2010 | 19:36
Alþingi samþykkti í dag frumvarp um breytingar á lögum um Bjargráðasjóð með 46 samhljóða atkvæðum. Með frumvarpinu er komið á móts við bændur sem orðið hafa fyrir búsifjum vegna eldgossins í Eyjafjallajökli.

Samkvæmt eldri lögum mátti árlegt fjárframlag ríkissjóðs til Bjargráðasjóðs ekki vera meira en 80 milljónir á ári. Það liggur hins vegar fyrir að tjón sem orðið hefur vegna eldgossins er talsvert meira. Lögin fela í sér að heimilt verður að greiða meira úr ríkissjóði í sjóðinn en þessar 80 milljónir.

Lögin fela einnig í sér að heimilt er að greiða beingreiðslur til bænda þó að framleiðsla kúabænda á hamfarasvæðunum raskist eða liggi niðri um tíma. Talið er að með því megi draga úr líkum á því að bændur selji beingreiðslurétt frá lögbýlum sínum og bregði með því búi varanlega.

Einnig er í lögunum að finna ákvæði sem heimilar landbúnaðarráðherra að greiða beingreiðslur til sauðfjárbænda þó að þeir neyðist til að draga úr framleiðslu vegna gossins.//////þetta eru þörf lög nú við þetta náttúrufyrirbæri Gos sem er að hrella bændur og búalið á Suðurlandi ,mikið er það gott að samþykkja svona með öllu greiddum atkvæðum og það mun sina  i verki samstöðu okkar i svona malum /Halli gamli 

Lög um Bjargráðasjóð samþykkt