Voru ekki við veiðar/enn og aftur er ráðist að löglegum veiðum hvala !!!!

Voru ekki við veiðar
Innlent | mbl.is | 19.5.2010 | 15:10
Gunnar Bergmann Jónsson, framkvæmdastjóri Félags hrefnuveiðimanna, vísar því algjörlega á bug að hrefnuveiðiskipið Hrafnreyður hafi verið við veiðar á hvalaskoðunarsvæði í morgun. „Við komumst ekki öðruvísi [út fyrir 12 sjómílur] en að sigla út,“ segir Gunnar í samtali við mbl.is.
Á hverjum einasta degi sem við förum til veiða, þá þurfum við alltaf að fara inn á hvalaskoðunarsvæði - ef hvalaskoðunarsvæðið er inn að Kópavogshöfn og út fyrir línu.“

Hvalaskoðunarfyrirtækið Elding segir, að Hrafnreyður hafi í morgun verið siglt inn á afmarkað hvalaskoðunarsvæði í Faxaflóa. Einnig að slökkt hafi verið á staðsetningartæki skipsins.

„Við hverju búast menn? Við erum að gera út frá Kópavogi,“ segir Gunnar ennfremur. Hrefnuveiðimenn hafi verið við veiðar í Faxaflóa í maí, en þá hafi þeir siglt út fyrir 12 sjómílur líkt og kveðið sé á um. Veiðimenn hafi reyndar aðallega veitt á um 16 til 25 sjómílum frá Garðskagavita. 

Bilun í staðsetningartæki

 

 „Við erum ekki, og höfum ekki verið fyrir þessum hvalaskoðunarfyrirtækjum. Og það er enginn af okkur sem leggst gegn hvalaskoðun, með neinum hætti.“ Gunnar segist hafa hafa verið viðstaddur þegar Hrafnreyður veiddi fyrstu hrefnu sumarsins í Faxaflóa í gær. „Það gerðum við fyrir utan línu, líkt og við höfum alltaf gert,“ segir hann og vísar til þeirra rúmlegu 60 dýra sem voru veidd í flóanum í fyrra.

Hann segir rétt sem fram hafi komið að ekki hafi verið á kveikt á staðsetningartæki skipsins í morgun. Ekki hafi verið viljandi slökkt á því heldur sé líklega um bilun að ræða. „Við höfum aldrei slökkt á þessu tæki. Okkur dytti það aldrei til hugar,“ segir Gunnar.

„Aftur á móti þá var ekki kveikt á því. Og það er væntanlega bilað hjá okkur,“ segir Gunnar jafnframt og bætir við að því verði kippt í liðinn strax í dag.

Gunnar segist ætla óska eftir fundi í sjávarútvegsráðuneytinu vegna málsins. Mönnum sé velkomið að fara yfir þær leiðir sem hrefnuveiðiskipin hafi siglt í fyrra, skv. staðsetningarbúnaði sem Landhelgisgæslan geti fylgst með. „Og sjá hvort að við erum eitthvað að hringsóla innan hvalaskoðanalínanna. Og ég get alveg fullvissað þig um það að það er ekki þannig. Þetta er bein lína út fyrri svæðið. Þar veiðum við og svo komum við til baka og skilum dýrinu í land.“////hvernig má þetta vera  að það skuli ekki geta gengið að vinna þetta saman og það ætti að ganga vel,hvalveiðar eiga að okkar sjálfbæra veiði og ekkert annað,og þetta á allt að geta gengið saman,ekki eru hvalveiðimenn að kvarta yfir hvalaskoðun/Halli gamli

Voru ekki við veiðar