Segja kaupmátt lágmarkslauna hafa hækkað/hvernig er hægt að snúa hlutunum á hvolf í tölum????

Segja kaupmátt lágmarkslauna hafa hækkað
Innlent | mbl.is | 16.7.2010 | 11:34
Samtök atvinnulífsins segja, að kaupmáttur lágmarkslauna sé nú 2,5% hærri en fyrir upphaf samningstímans í febrúar 2008. Öðru máli gegni um laun almennt en kaupmáttur launa hafi dregist saman um 13,5% á tímabilinu.
Lágmarkslaun á almennum vinnumarkaði voru hækkuð í 165.000 kr. þann 1. júní sl. samkvæmt kjarasamningum SA og aðildarsamtaka ASÍ. Lágmarkslaunin voru hækkuð um 40.000 kr. á samningstímabilinu, sem er frá febrúar 2008 til nóvemberloka þessa árs, eða um 32%. Frá ársbyrjun 2008 hefur vísitala neysluverðs hækkað um 29% þannig að kaupmáttur lágmarkslauna er nú 2,5% hærri en fyrir upphaf samningstímans.

Öðru máli gegnir um laun almennt. Launavísitala Hagstofunnar, sem endurspeglar laun alls launafólks á landinu, bæði á almennum og opinberum vinnumarkaði, hefur hækkað um 12% frá ársbyrjun 2008 en kaupmáttur launa hefur dregist saman um 13,5% á tímabilinu," segir á vef Samtaka atvinnulífsins.

Þar segir, að kjaraskerðing launafólks af völdum efnahagskreppunnar hafi verið mjög mismunandi eftir starfsstéttum. Gögn Hagstofunnar um launaþróun starfsstétta nái til 1. fjórðungs þessa árs og þau sýni að verkafólk varð fyrir minnstri kjaraskerðingu á tímabilinu, eða 8%, samanborið við 13% hjá öllum launamönnum.

Næst minnst hafi kjaraskerðingin orðið hjá félagsmönnum verslunarmannafélaga, þ.e. afgreiðslu- og skrifstofufólki, eða sem nam 11%. Mest varð kjaraskerðingin hjá stjórnendum, 19%, og sérfræðingar fylgdu þar fast á eftir með 17% kjaraskerðingu. Kaupmáttarfall hjá iðnaðarmönnum var nálægt meðaltali eða 14%.//////hvernig er hægt að snúa öllu við í tölum öfugt,það er malið !!!!heldur að við sem þykkjum þessu laun finnum ekki hvernig kaupmáturin rýrnar dag frá degi og mánuð til mánaðar,þetta gengur engan vegin upp þessar ´tölur spyrjið bar viðkomandi sem þykkja þessi laun,það er lausninni en ekki telja fólki trú um hlutina sem eru rangir/Halli gamli

Segja kaupmátt lágmarkslauna hafa hækkað

Athugasemdir

[Jóhann Elíasson, 16.7.2010 kl. 15:05]

Halli minn þeir segja að það séu til þrjár tegundir af lygi; LYGI, HAUGALYGI OG TÖLFRÆÐI.  Persónulega finnst mér að spekingarnir hjá SA ættu að ná almennilega tökum á tölfræðinni og sýna henni lágmarksvirðingu með því að nota hana RÉTT ef þeir ætla að nota hana til lyga en ekki að nota gögn tvist og bast við útreikningana, eins og þeir virðast hafa gert í þessu tilfelli.

[Haraldur Haraldsson, 16.7.2010 kl. 15:41]

þakka innlitið Jóhann,það var kannski ekki mín sterkast hlið starfsfræðin en samt getur maður ekki viðurkent þetta/Hannes var reyndar klár þegar hann var strákur og vann hjá mer  sumur i slipp,en þeir læra einnig að falsa tölur/það lærði eg ekki/Kveðja /Halli gamli