Víðtækar rafmagnstruflanir/þetta virðist vera viðverandi ástand?????

Víðtækar rafmagnstruflanir
Innlent | mbl.is | 9.9.2010 | 11:50
Viðtækar rafmagnstruflanir eru í flutningskerfi Landsnets um allt land. Stóriðjan hefur misst eitthvað rafmagn en ekki er um straumleysi að ræða hjá almennum notendum né öllum stórnotendum. Svo virðist sem um sömu bilun að ræða sem varð 1 september.

Samkvæmt upplýsingum frá Írisi Baldursdóttir deildarstjóra kerfisstjórnar og markaðar hjá Landsneti, virðast upptökin vera á háspennuhlið álversins í Grundartanga og er unnið að viðgerð.

Búast má við áframhaldandi flökti á rafmagni en eins og staðan er núna hefur enginn almennur notandi orðið fyrir því að missa rafmagn.

Að kvöldi miðvikudagsins 1. september varð bilun í rafbúnaði álvers Norðuráls á Grundartanga.

Þessi bilun olli því að allt álag fór af álverinu. Það samsvarar u.þ.b. 25% af heildarálagi í landinu. Miklar breytingar urðu á flæði í flutningkerfinu í kjölfarið. Skv. verndaráætlun var raforkukerfinu skipt í þrennt til að verjast trufluninni og vernda aðra viðskiptavini, einnig leystu framleiðslueiningar út á Suðvesturlandi, að því er fram kom í tilkynningu frá Landsneti þann 2. september sl..

Straumleysi varð hins vegar hjá almenningi á hluta Austurlands, líklega vegna bilunar í búnaði þar og er það mál í sérstakri athugun. Einnig leysti hluti af álagi álversins í Straumsvík og Járnblendiverksmiðunnar á Grundartanga út við truflunina.

Önnur víðtæk truflun í flutningskerfi Landsnets varð 7. maí síðastliðinn þegar flutningur um byggðalínuna rofnaði með rafmagnsleysi víða um land.////þetta er að varða viðvarandi og ekki gott uppá veturinn fyrir okkur öll,það er ekki gott að fara inn i vetur með svona rafmagnsbilanir og það bara verður að kom i veg fyrir svona ,þetta er mjög svo bagalegt og ber að gera í lag sem fyrst/Halli gamli

Víðtækar rafmagnstruflanir