Hækkun skatta og skerðing bóta rýrir kaupmátt um 0,5%hækkunin síðast skilar sér ekki inn,og mun ekki gera það nú heldur,það flýa bara fleiri!!!!

Hækkun skatta og skerðing bóta rýrir kaupmátt um 0,5%
Innlent | Morgunblaðið | 18.11.2010 | 10:30
Með hækkun skatta og skerðingu bóta á næsta ári minnkar kaupmáttur launafólks um 0,5% og vísitala neysluverðs hækkar um 0,2%. Með auknum tekjutengingum skerðast barnabætur um 1,3 milljarða króna og vaxtabætur um 2,2 milljarða.

Samkvæmt tekjuáætlun fjárlagafrumvarpsins var gert ráð fyrir að breytingar á tekjustofnun ríkisins skiluðu 11 milljörðum í auknar tekjur. Fjármálaráðherra hefur lagt fram á Alþingi frumvarp um ráðstafanir í ríkisfjármálum, svokallaðan bandorm, en samkvæmt því hækka skattarnir um 10,3 milljarða. Ástæðan fyrir minni tekjum er að áform um að ná inn einum milljarði með hækkun skatta á tóbak og áfengi í Fríhöfninni hafa verið endurskoðuð. Breytingarnar þýða að þessi liður á nú að skila 300 milljónum í auknar tekjur.

 

Tekjumörk auðlegðarskatts lækka

Frumvarpið gerir ráð fyrir hækkun á fjármagnstekjuskatti og hækkun á tekjuskatti fyrirtækja úr 18% í 20%. Auðlegðarskattur, sem var í fyrsta skipti lagður á á þessu ári, verður hækkaður á næsta ári. Bæði er skattprósentan hækkuð og eins eru eignamörk lækkuð. Núna er skatturinn lagður á einstaklinga með 90 milljónir í hreina eign eða meira og á hjón sem eiga 120 milljónir eða meira. Með frumvarpinu lækka þessi mörk í 75 milljónir fyrir einstakling og 100 milljónir fyrir hjón.

 

Erfðafjárskattur mun hækka á næsta ári úr 5% í 10%. Samhliða hækka skattfrelsismörk á hvert dánarbú úr einni milljón í 1,5 milljónir.

Fjármálaráðuneytið hefur nokkuð dregið í land með breytingar á skattlagningu áfengis og tóbaks í Fríhöfninni. Þessar breytingar eiga núna að skila 300 milljónum en ekki milljarði eins og upphaflega var áformað. Miðað er við að tóbaksgjald verði 20% af almennu vörugjaldi tóbaks og 10% af almennu vörugjaldi áfengis.

Almenn vörugjöld á áfengi og tóbaki voru hækkuð um 40% í fyrra og segir í frumvarpinu að þessi hækkun „hafi að einhverju marki dregið úr innlendri sölu“. Frumvarpið gerir ráð fyrir að vörugjald á tóbak hækki um 7% og vörugjald á áfengi um 4%.

Á síðasta ári var tekið upp kolefnisgjald á fljótandi eldsneyti. Frumvarpið gerir ráð fyrir að þetta gjald hækki um 50% á næsta ári í flestum gjaldflokkum. Eftir hækkun verður gjaldið 3,80-4,60 kr. á hvern lítra.

Þá eru í farvatninu kerfisbreytingar á bifreiðagjaldi og vörugjaldi bifreiða, en sérstakt frumvarp um þetta mun koma fram á Alþingi fljótlega.////hverju mun þetta skila!! engu segir maður bara,svo gerðist ekki siðast ,það kemur bara mynna inn,fólkið flýr og atvinnuleysið eykst og men bara minka við sig vinnu,og á meðan atvinnulífinu er ekki komið i gang gerist ekkert annað,allt i kaldra kol,skattar eru ekki það sem á að hækka!!! nóg er fyrir ,það mætti jú hækka hálaunaskatt eitthvað en annað ekki,fysrt  og fremst er að kom hjólum af stað i atvinnu það er ,málið sem þessi ríkisstjórn sé alls ekki,og vill  bara hafa þetta svona allt grænt og vænt og lifa af hverju ,það er spurningin???/Halli gamli

Hækkun skatta og skerðing bóta rýrir kaupmátt um 0,5%