Tillögur vonandi í næstu viku/ þessi ríkisstjórn vor gerir i þvi að mála skrattann á veggin !!!!

Tillögur vonandi í næstu viku
Innlent | mbl.is | 19.11.2010 | 12:14
Guðbjartur Hannesson, heilbrigðisráðherra, segir vinnu við endurskoðun heilbrigðisþáttar fjárlagafrumvarps langt komna í ráðuneytinu. Hann vonast til þess að tillögur verði komnar fram í næstu viku

Fjárlagafrumvarp fyrir næsta ár var kynnt í síðasta mánuði, og hlutu niðurskurðaráform í heilbrigðisgeiranum óblíðar viðtökur, einkum á landsbyggðinni. Guðbjartur hefur áskilið sér rétt til að endurskoða þau áform, og er reiknað með að dregið verði úr niðurskurði framlaga til heilbrigðisstofnana. Ekki liggur hins vegar fyrir hvernig það verður gert.

„Þetta er bara langt komið uppi í heilbrigðisráðuneyti, það er búið að fara hringinn, það er verið að vinna nýjar tillögur. Þannig að við vonum að þær komi einhvern tímann í næstu viku,“ sagði Guðbjartur eftir ríkisstjórnarfund nú fyrir hádegið.

Nefnd á vegum ráðuneytisins hafi farið um allt land og rætt við forsvarsmenn heilbrigðisstofnana og leitað eftir viðhorfum þeirra.

Önnur umræða um fjáraukalagafrumvarp fer fram í næstu viku. Steingrímur J. Sigfússon, fjármálaráðherra, segir jafnframt beðið eftir nýrri Þjóðhagsspá, sem væntanleg er á næstunni.

„Þá liggja fyrir allar forsendur sem þarf, til að endurmeta rammann sem við erum að vinna innan. Þannig að við eigum von á því að í næstu viku fari þau mál mjög að skýrast, svona innan hvaða ramma við lokum breytingatillögum við aðra umræðu.“//hvað sem hver segir,er eitt vist að þessi ríkisstjórn vor gerir i því að mála skrattann á veggin,ekki spurning,að ætla að gera þetta allt á einu til 2 árum er ekki hægt ,við þolum það ekki það vita þeir en samt halda þeir þessu áfram,samkvæmt áætlun frá AGS er þetta það sem gera skal skattleggja allt og alla í skitin,og eyðileggja okkar góða heilbrigðiskerfi ,það eru þeirra ær og kýr,hvar sem þeirra fingraför eru/En þetta endar bara á einn veg ,við sem fyrir þessu öllu verðum,gerum bara uppreisn,þeir trúða því sjálfir að þetta sé leiðin til að leysa vandan, en gerir sko alls ekki,það fá allir nóg og meira en það og uppúr siður fyrr en seinna,Steingrímur og Jóhanna þekkja ekki Íslendinga ef þau halda að þetta geti gengið/Halli gamli

Tillögur vonandi í næstu viku