Mokstur hafinn á Vestfjörðum/ekki veitir af margir á faraldsfæti !!!!

Mokstur hafinn á Vestfjörðum
Innlent | mbl.is | 19.12.2010 | 8:56
Vegir eru víðast auðir á Suðurlandi. Á Vesturlandi eru hálkublettir og skafrenningur á Bröttubrekku og hálka og skafrenningur á Holtavörðuheiði. Hálkublettir og snjóþekja eru á Snæfellsnesi og í Dölum.
Á Vestfjörðum er mokstur hafin á flestum leiðum. Ófært er um Klettsháls og þungfært á Steingrímsfjarðarheiði og Þröskuldum. Þæfingsfærð er í Djúpinu og víða snjóþekja á öðrum leiðum. Ófært er um Hrafnseyrarheiði og Dynjandisheiði.

Hálka, snjóþekja, éljagangur og skafrenningur er víðast hvar á Norðurlandi. Ófært er um Víkurskarð og Hólasand. Á Norðaustur- og á Austurlandi er þæfingsfærð á Mývatnsöræfum og þungfært á Möðrudalsöræfum og á Vopnafjarðarheiði. Ófært er um Hálsa. Annars er víða snjóþekja. Þungfært er á Öxi og á Breiðdalsheiði.

Á Suðausturlandi er víðast  greiðfært, að sögn Vegagerðarinnar.

Umferðatafir
Vegna viðgerða í Fáskrúðsfjarðargöngum má búast við töfum þar, til og með 19. desember.

Framkvæmdir og öryggisaðgerðir
Verið er að setja upp vegrið á miðeyju á Reykjanesbraut. Unnið er frá skiltabrúnni fyrir sunnan Breiðholtsbrautarbrúna til norðurs, niður Mjóddina. Vinstri akrein til norðurs er lokuð meðan á vinnu stendur. Vinnusvæðið er vel afmarkað og merkt en búast má við að vinnan standi í nokkrar vikur.

Á  Kjalarnesi er verið að breyta vegtengingu Hringvegar að áningarstað við Mógilsá.

Enn er unnið við uppsetningu vegriða og ljósastaura á mótum Vesturlandsvegar og Álafossvegar í Mosfellsbæ, ásamt frágangi á vegsvæði.

Brýnt er fyrir vegfarendum að sýna fyllstu aðgát á vinnusvæðum og fara eftir merkingum.////allt er um þetta, gott að moka fyrir fólkið sem á faraldsfæti ,og svo þetta með vegaframkvæmdir skrítið að vera að þessu  í mestu,jólaösinni en svo er þetta með okkur Íslendinga það fylgir allt á síðustu stundu,en gott allt sem betur má fara og það þó seint sé það ber að fara varlega þar sem þessar framkvæmdir eru ekki spurning ,en svona er þetta á fleiri sviðum ,því miður/Halli gamli

Mokstur hafinn á Vestfjörðum