Úttekt á stjórnsýslu borgarinnar/oft var þörf en nú er nauðsin !!!!!!

Úttekt á stjórnsýslu borgarinnar
Innlent | mbl.is | 4.1.2011 | 17:10
Borgarstjórn Reykjavíkur hefur samþykkt að skipa nefnd þriggja óháðra sérfræðinga til að yfirfara stjórnkerfi og stjórnsýslu Reykjavíkurborgar með sama hætti og gert var af rannsóknarnefnd Alþingis síðastliðið vor.

Nefndinni ber m.a. að skoða málsmeðferð, gegnsæi, verkaskiptingu stjórnmála og stjórnsýslu, hæfi og skipan í nefndir og stjórnir, skráningu hagsmunatengsla og siðareglur fyrir stjórnsýslu og stjórnkerfi.

Í tilkynningu segir að sérstaklega skuli fjallað um þau svið stjórnsýslu Reykjavíkurborgar sem varða fjárhagslega hagsmuni þar sem skapast getur hætta á hagsmunaárekstrum, svo sem vegna lóðaúthlutana, lóðaskila, styrkveitinga, þjónustu- og verksamninga, innkaupa og eignasölu.

Nefndin fær aðgang að öllum nauðsynlegum gögnum Reykjavíkurborgar, þar með talið trúnaðargögnum og er heimilt að kalla fyrir sig aðila innan sem og utan stjórnkerfis borgarinnar. Nefndarmenn geta óskað eftir frekari athugunum á sviðum, stofnunum, fyrirtækjum eða byggðarsamlögum sem Reykjavíkurborg á aðild að eða hlut í ef tilefni er til.

Lokaskýrsla nefndarinnar skal liggja fyrir eigi síðar en 15. september á þessu ári. Í henni skulu felast rökstuddar niðurstöður nefndarinnar, ásamt ábendingum og tillögum um úrbætur. Borgarstjórn ákveður í kjölfarið þá meðferð sem skýrsla nefndarinnar skal fá, segir í tilkynningu frá Reykjavíkurborg.//////manni skilst að þessi nýi meirihluti hafið dregið lappir við þessa framkvæmd eins og hægt var en nú er þetta komið á koppinn og það hefði þurft fyrr,en betra seint en aldrei,þarna má margt laga og taka til ekki spurning og ekkert hefur batnað neitt við þennan nýja meirihluta nema síður sé,allt hækkað en sem ekki var þörf fyrir og allt komið i uppnám,engin samvinna og þetta verður að betrumbæta,ef ekki fer allt illa þarna ,sem það er að fara !!!!/Halli gamli

Úttekt á stjórnsýslu borgarinnar