Þetta var fyrsta flokks fótbolti/Arsenal komið á siglingu og vel það,en samt er M.U. N. efst og á leik til góða!!!

Þetta var fyrsta flokks fótbolti
Íþróttir | mbl.is | 23.1.2011 | 8:47
Arsene Wenger knattspyrnustjóri Arsenal sagði að frammistaða liðsins gegn Wigan í gær hefði verið enn betri en lokatölurnar, 3:0, gæfu til kynna. Robin van Persie skoraði öll þrjú mörkin.
"Við unnum 3:0, nýttum ekki vítaspyrnu og markmaðurinn þeirra var maður leiksins. Það segir allt," sagði Wenger við BBC.

„Robin er góður í að koma boltanum í netið og Cesc Fabregas mataði hann á frábærum sendingum. Ég er afar ánægður með frammistöðuna, þetta var fyrsta flokks fótbolti.

Við erum með nokkra leikmenn sem eru að komast af stað eftir meiðsli og eru að komast í fyrra form, Robin er einn þeirra. Hann hefur staðið sig virkilega vel, hann nýtir færin vel. Mér fannst annað markið sérstaklega gott, snilldarsending og snilldarafgreiðsla.

Við þurftum á þolinmæðinni að halda, leikmennirnir voru dálítið pirraðir í hálfleik yfir því að vera bara 1:0 yfir. Það er svekkjandi þegar færin fara forgörðum og markvörðurinn ver eins og berserkur. En við héldum ró okkar og spiluðum áfram eins.  Liðið hefur þroskast og veit hvenær það á að auka hraðann og hvenær það á að hægja á honum," sagði Wenger.////Mitt uppáhalds lið Arsenal er að vonum komið á beinu brautina og berst um efsta sætið ef allt fer sem horfir ,þessi knattspyrna þeirra er fanta góð og er að komast i sitt besta,en það er við ramman reip að berjast ,þarna eru goð lið mjög eins og M.U.N. og  Chelsea og M. C. og fleiri en samt höfum við góða vona ef svo heldur sem horfir,en góð knattspyrna er til fyrirmyndar hver sem hana framkvæmir/Halli gamli

Þetta var fyrsta flokks fótbolti