Ítreka andstöðu við ESB-aðild/sammála þessu bændur vilja sjálfstæðið !!!!

Ítreka andstöðu við ESB-aðild
Innlent | mbl.is | 9.3.2011 | 22:18
Búnaðarþing samþykkti samhljóða í kvöld ályktun þar sem andstaða BÍ við aðild að Evrópusambandinu er ítrekuð. „Búnaðarþing telur að fæðuöryggi þjóðarinnar verði því aðeins tryggt að fullu með því að Ísland standi utan sambandsins,“ segir í ályktuninni.

„Við teljum okkur hafa undirbúið faglega sjö samningsmarkmið eða forsendur sem við munum kynna landbúnaðarráðherra og óska eftir að látið verði reyna á þær sem fyrst til að láta reyna á hvort það sé raunverulega eitthvað í boði sem stundum er verið að halda fram, fyrir íslenskan landbúnað,“ Haraldur Benediktsson, formaður Bændasamtaka Íslands.  „Og þessar samningsforsendur eru í okkar huga lágmarksforsendur til þess að tryggja stöðu íslensk landbúnaðar,“ segir hann.

Sérstakar varnarlínur 

„ Miklir atvinnuhagsmunir bændastéttarinnar eru í húfi og telur þingið þessum hagsmunum betur borgið utan þess. Hagsmunir og afkoma bænda tengjast ótvírætt hagsmunum íslenskra neytenda og byggðum landsins,“ segir í ályktun Búnaðarþings.

Þar segir einnig að þrátt fyrir algjöra andstöðu Bændasamtakanna við aðild að Evrópusambandinu hafi þau frá upphafi dregið sérstakar varnarlínur sem þau telja að feli í sér lágmarkskröfur í yfirstandandi samningaviðræðum við Evrópusambandið.

„Bændasamtökin telja mikilvægt að hagsmunir íslensks landbúnaðar verði tryggðir, komi til aðildar og að hagsmunir bændastéttarinnar verði metnir í heild með hliðsjón af byggðasjónarmiðum, neytendamálum og fæðuöryggi. Þeim árangri er að mati Bændasamtakanna aðeins hægt að ná sé varnarlínum samtakanna fylgt. Bændasamtökunum er ljóst að markmið varnarlínanna falla misvel að grunnreglum Evrópusambandsins og erfitt getur verið að ná þeim fram. Bændasamtökin hafa margoft áður sett þessa afstöðu fram.

Til þess að gæta hagsmuna íslensks landbúnaðar er það afdráttarlaus krafa Bændasamtaka Íslands að stjórnvöld leiti aðstoðar óháðra sérfræðinga utan stofnana Evrópusambandsins. Í varnarlínum samtakanna kemur fram krafa um varanlegar undanþágur frá landbúnaðarlöggjöf Evrópusambandsins. Varanlegar undanþágur þýða að mati Bændasamtakanna að viðeigandi ákvæði í aðildarsamningnum gangi framar ákvæðum samningsins um starfsemi Evrópusambandsins og gerðum settum samkvæmt honum. Tímabundnar undanþágur nægja ekki að mati Bændasamtakanna til þess að tryggja framtíðarhagsmuni íslensks landbúnaðar. Allar varnarlínurnar varða sameiginlega hagsmuni landbúnaðar á Íslandi til lengri tíma litið. Það kostar verulega rannsóknarvinnu og gagnaöflun að takast á hendur þetta verkefni af fullum krafti. Stjórnvöld þurfa að tryggja pólitískan stuðning og nauðsynlegar fjárveitingar til þeirrar vinnu,“ segir ennfremur í ályktun þingsins um ESB. 

BÍ taka ekki þátt í aðlögunarstarfi 

Talin eru upp nokkur atriði sem Búnaðarþing leggur áherslu á:

„- Að varnarlínur Bændasamtakanna og greining á lagaumhverfi landbúnaðar í Evrópusambandinu liggja nú fyrir búnaðarþingi. Búnaðarþing felur stjórn Bændasamtaka Íslands að fullvinna þessi gögn. Þau verði síðan kynnt bændum og send aðildarfélögum.

- Að með varnarlínum Bændasamtakanna hafa bændur sett fram lágmarkskröfur í landbúnaðarmálum vegna hugsanlegs aðildarsamnings.

- Að stjórn Bændasamtakanna fylgi varnarlínunum eftir við sjávarútvegs- og landbúnaðarráðherra í því skyni að koma þeim á framfæri við ríkisstjórn.

- Að stjórnvöld kanni nú þegar afstöðu Evrópusambandsins til varnarlína Bændasamtakanna sé það ætlun þeirra að standa vörð um íslenskan landbúnað.

- Að Bændasamtökin taki ekki þátt í undirbúningi eða aðlögunarstarfi sem leiðir beint eða óbeint af yfirstandandi samningaferli s.s. vinnu við að útfæra sameiginlegu landbúnaðarstefnu Evrópusambandsins fyrir íslenskar aðstæður.

- Að allar umræður sem leiða af sér grundvallarbreytingar á ríkisstuðningi-, tolla- og stofnanaumhverfi íslensks landbúnaðar verði að bíða þar til yfirstandandi samningaferli lýkur.

- Að Bændasamtökin ræki áfram skyldur sínar gagnvart stjórnvöldum með því að veita upplýsingar og ráðgjöf um landbúnaðarmál.“

Ályktuninni fylgir einnig ítarleg greinargerð um varnarlínur Bændasamtakanna.//////þetta er skellegg yfirlýsing og góð ,og ekkert út á hana að setja, að vera sjalfstæðir er þeirra mottó, og verður svo lengi sem við viljum borða Íslenskar landbunaðarrvörur sem eru þær bestu i heimi!! en að við skulum um alla framtíð hvað sem hún ber i skauti sér binda okkur við klafa ESB er ekki okkar áhugi engra nem þeirra sem ekki vilja taka sénsinn á að við seljum okkar afurðir til þjóða utan þessa nem láta þá semja fyrir okkur Nei þ.að viljum við ekki frarmtíðan með afurðir okkar fisk og landbunað verður til landa austur þar ,og annarra ríkja sem ekki eru þarna í klíku ESB sem er að varaða gamalmannhæli eftir nokkur ár þeim tíma ekki að eiga börn og fjölga sér hægt mjög!! Bændur eru ekki vel settur en það þarf að koma þeirra voru i útfluttning meira en gert er mikið meira og þá til austurlanda fjær-og nær,það er skiljanlegt að þeir vilji ekki fara í ESB og það gott,það viljum við ekki felst!!!/Halli gamli

Ítreka andstöðu við ESB-aðild

Athugasemdir

[sigkja (IP-tala skráð) 11.3.2011 kl. 10:38]

"að vera sjálfstæðir er þeirra mottó" Jafnvel þó þeir séu háðir framlögum frá okkur hinum. Jafnvel þ þó þeir séu háðir innflutningi á fóðri, áburði, vélum, tækjum og eldsneyti. Jafnvel þó afkoma þeirra byggist á verndartollum og útilokun á samkeppni. Réttara væri  "að vera baggi á þjóðinni er þeirra motto". Ef bændur þyrftu að vera sjálfstæðir og standa á egin fótum væru skattar okkar hinna lægri, matvælaframboð meira og verð lægra. Uppihald okkar á bændum er ekkert annað en dulbúið atvinnuleysi og aumingjabætur.