Wenger: Hef áhyggjur af kraftleysinu/ það hefur maður einnig/Jafntefli ekki ásætanlegt !!!!

Wenger: Hef áhyggjur af kraftleysinu
Íþróttir | mbl.is | 2.4.2011 | 21:29
Arsene Wenger knattspyrnustjóri Arsenal kvaðst hafa áhyggjur af kraftleysi sinna manna í leiknum við Blackburn Rovers í dag en hann endaði 0:0 og Arsenal gerði þar sitt þriðja jafntefli í röð. Þar með missti liðið Manchester United sjö stigum á undan sér í slagnum um meistaratitilinn.

„Ég varð fyrir vonbrigðum með frammistöðuna því það vantaði allan hraða í okkar leik. Í heildina var þetta flatur leikur hjá okkur þar sem kraftleysi og bitleysi voru einkennandi. Ég hef miklar áhyggjur eftir að hafa séð þetta til liðsins í dag," sagði Wenger við Sky Sports.

„Það er erfitt að tilgreina eitthvert eitt atriði í okkar leik. Mér fannst við byrja ágætlega en eftir það fór krafturinn úr þessu. Mjög fáir okkar manna virtust hafa orku til að auka hraðann í leiknum. Hluti af skýringunni er góður varnarleikur Blackburn en það réð ekki úrslitum. Ég held að þetta hafi verið frekar skortur á góðum sóknarleik af okkar hálfu," sagði Wenger.

Hann kvaðst ekki vilja velta sér of mikið uppúr Manchester United og bilinu á mili liðanna. „Við verðum að einbeita okkur að eigin frammistöðu, ekki að Manchester United. Áður en við förum að  tala um titilinn verðum við að koma leik okkar í eðlilegt horf á ný. Ég óttast ekkert en hef áhyggjur vegna okkar frammistöðu í dag. Við vorum ekki nógu góðir og verðum að bæta úr því," sagði Wenger og skýrði út þá ákvörðun sína að geyma Cecs Fabregas fyrirliða á bekknum framí miðjan síðari hálfleik.

„Það var erfið ákvörðun en þið sáuð að hann er ekki alveg uppá sitt besta. Hann er í formi, en það var eitthvert hik á honum svo ég ákvað að bíða með hann á bekknum. Hann hefur gengið í gegnum nokkur áföll og var því ekki viss hvort hann gæti spilað heilan leik," sagði Arsene Wenger.//////við erum þarna mjög svo lélegir að gera 3 jafnteflið með svona gott lið!! en svona er þetta og við megum ekki tapa neinum leik helst vinna þá alla sem eftur eru og M.U.N. að tapa minnst einum og gera 2 jafntefli,en spennan er ennþá og lokin ekki komin en mínir menn verða að taka á og það vel eigi það að gerast,Wenger er orðin pirraður og það ekki gott,en liðið á þetta inni en vanatar að springa út i sókninni og það strax i næsta leik,annars er allt búið að að ná sigrinum,en ekki gefast upp strákar/Halli gamli

Wenger: Hef áhyggjur af kraftleysinu

Athugasemdir

[Guðmundur Júlíusson, 3.4.2011 kl. 00:41]

djöfull fúllt,  og  ég geri þá kröfu að skipt sé um kaptein í brúnni!!!!