Búa sig undir næstu lotu/það er hart barist um hlutina,en vonandi tekst að semja,það stendur í Rikisstjórn vorri,að hluta !!!

Búa sig undir næstu lotu
Innlent | Morgunblaðið | 19.4.2011 | 10:00
Þungt hljóð er í verkalýðsforingjum landssambanda og aðildarfélaga ASÍ eftir að kjaraviðræðurnar fóru út um þúfur sl. föstudagskvöld. Fæstir reikna með að þær komist aftur á skrið fyrr en eftir páska. Engir fundir hafa verið boðaðir á milli ASÍ og SA, en „menn eru þó alltaf að tala saman,“ eins og Vilhjálmur Egilsson, framkvæmdastjóri SA, orðar það.

Forystumenn í launþegahreyfingunni eru mjög ósáttir við framgöngu SA á föstudagskvöldið og segja að samningar hafi verið svo gott sem í höfn þegar SA fór fram á að viðsemjendur stæðu saman að yfirlýsingu með rökstuðningi fyrir samningunum.

„Það kom okkur verulega á óvart að þeir kæmu með þessa yfirlýsingu og að hún þyrfti að vera inni í skammtímasamningnum,“ segir Björn Snæbjörnsson, formaður SGS. „Við höfum oft skammað ríkisstjórnina en sjáum enga ástæðu til að skrifa það inn í haus á samningum. Þetta eru ekki rétt vinnubrögð.“

Áfram er unnið í einstökum málum landssambanda og félaga sem útaf stóðu, að sögn Vilhjálms. „Ef einhverjir hlutir gerast, þá geta þeir gerst hratt,“ segir hann. Forsvarsmenn SA líta ekki svo á að slitnað hafi upp úr viðræðunum. ,,Menn eru svona að draga andann. Á endanum ætlum við að gera samninga. Við viljum fara atvinnuleiðina og erum ekkert að gefast upp við það,“ segir hann.

Meðal mála sem óleyst eru eru kjör ræstingarfólks í viðræðum SA við SGS og Flóafélögin en Vilhjálmur segir að nú verði reynt að klára þau mál.

Umtalsverðar upphæðir í Becromal-samningnum

Verkalýðsfélagið Eining á Akureyri og Becromal skrifuðu undir nýjan kjarasamning sl. föstudag. Innihald þeirra samninga hefur ekki verið opinberað. Vilhjálmur segir um sérstakt mál að ræða, enda nýhafin flókin framleiðslustarfsemi í verksmiðjunni. Lausnin felst í því að taka upp bónuskerfi sem virki en það taki nokkurn tíma að koma því á að fullu og því sé samið um aðfarargreiðslur að því. Hann viðurkennir aðspurður að um umtalsverðar upphæðir sé að ræða á meðan bónuskerfinu verður smám saman komið á.

Starfsgreinasambandið er eina landssambandið sem vísað hefur kjaradeilu við SA til ríkissáttasemjara. Boðað var til sáttafundar í deilunni í gær og þar lagði SGS fram tilboð að kjarasamningi til eins árs með 15.000 kr. taxtahækkun frá 1. mars að telja og almenna kauphækkun upp á 4,5% svo og hækkun lágmarkstekjutryggingar í 200.000 kr.////þetta er staðan og sagt að statndi bara á S.A. en það er als ekki  að mínu mati það er svo að ríkisstórnin stendur ekki við sitt að vera búin að með sjáfarútvegsmalin og það er stóra malið fyrir okkur öll, ekki spurning að þar verður að semja en ekki bylta fólkið sem æpir að þjóðin eigi kvótann fær því framgengt ,sem alltaf hefur verið!!!og hækka gjaldið fyrir veiðarnar og skemmdir af kerfinu og samið verður annars fer allt i hasar þessir samningar ASÍ verða bar afturvirkir annað ekki hægt,en þessu verður að ná saman,ef útgerðin er bylt fer þetta allt illa sem undistöðu atvinnu og gjaldeyrisskapandi mál þjóðar vorar i dag sem aðra daga,sjómen er vanmetin vinnuafli og skapandi!!! ekki orðum um það meira semjið bara /Halli gamli

Búa sig undir næstu lotu