Ferguson: Wenger þarf eyrnatappa/gaman að þessum stór Knattspyrnustjórum!!!

Ferguson: Wenger þarf eyrnatappa
Íþróttir | mbl.is | 24.8.2011 | 10:16
Alex Ferguson, knattspyrnustjóri Manchester United, segir að sú gagnrýni sem kollegi hans Arsene Wenger hjá Arsenal hefur fengið að undanförnu sé fáránleg og hann ætti að fá sér eyrnatappa til að þurfa ekki að hlusta á hana.

Ferguson og Wenger hafa löngum verið miklir keppinautar og stundum sent hvor öðrum tóninn, en um leið sýnt hvor öðrum mikla virðingu og eru sagðir miklir mátar utan vallar. Ferguson sagði í viðtali við götublaðið The Sun að Wenger ætti að leiða allar gagnrýnisraddir hjá sér.

„Við lifum í brjáluðum heimi. Gagnrýnin er mikil og ef þú tapar tveimur leikjum er gelt á þig úr öllum áttum. Nú tala allir um Arsenal og að Arsene ætti að fara. En hver á að fylla hans skarð? Þetta er fáránleg staða. Maðurinn er hreinlega ótrúlegur. Hann hefur komið Arsenal á stall sem enginn bjóst við að væri hægt.

Hann á að halda áfram og á ekki að hlusta á þessa gagnrýni. Eitt af því nauðsynlega í þessu starfi er að eiga eyrnatappa," sagði Ferguson.///"Bragð er að þá barnið finnur" segir máltækið og það á vel við þarna ,þessi kallar eru fínir stjórar báðir ,og það er til marks um að það er gott á millum þeirra,og það sem Ferguson  segir er hárrétt, eins og það að Wenger er frábær og það eru þeir báðir,en samt keppinautar!!!/Halli gamli

Ferguson: Wenger þarf eyrnatappa

Athugasemdir

[Eva Lind (IP-tala skráð) 24.8.2011 kl. 11:13]

Þetta er allt í lagi. Ég var búin að lesa fréttina.

[Bergljót Gunnarsdóttir, 24.8.2011 kl. 13:17]

Flott að birta þetta. Auðvitað á Wenger ekkert að hlusta á þetta. Hann hefur unnið afrek og vel það, en í vanþakklátum heimi.