Snjókoma í Mývatnssveit/Já það lætur ekki á sér standa,þegar kólnar!!!

Snjókoma í Mývatnssveit
Innlent | mbl.is | 7.9.2011 | 19:41
„Það kyngir niður snjó, ég rétt sé niður á vatn. Fólk verður að skafa af bílrúðunum áður en það leggur af stað,“ segir Kristján Sævarsson á Hótel Reynihlíð í Mývatnssveit. Slydda og sjókoma er víða á Norðurlandi og hvít jörð á fjallvegum.

Á vefmyndvélum Vegagerðarinnar má sjá að slydda eða snjókoma hefur verið síðdegis í dag og í kvöld á fjallvegum norðanlands. Þannig virðist vera alhvít jörð á Víkurskarði og Mývatnsöræfumi. Þá er alhvít jörð við Öskju.

Er þetta fyrsti snjór haustsins. „Jú, þetta er full snemmt, sérstaklega þegar við urðum ekki mikið varir við sumarið,“ segir Kristján. Hann segir reyndar ekki langt síðan síðast snjóaði, hann hefði vaknað við alhvíta jörð morgun einn um miðjan júní.

Allmargir ferðamenn eru enn í Mývatnssveit. Kristján telur að þeir líti á þetta sem skemmtilega upplifun.

Búast má við því að snjórinn taki fljótt upp enda er blautt í honum. Draga á úr úrkomu á morgun, samkvæmt spá Veðurstofu Íslands./það lætur ekki á sér standa þegar kólnar,að snjóar á heiðum og fjöllum,þegar haustar ,og það að vissu leyti gott fyrir bændur féð kemur niður og betra að ná því,ef að er ekki bara um of rok og snjókoma i byggð vonandi ekki alveg strax/en kemur það eigum við vist/Halli gamli

Snjókoma í Mývatnssveit