Vísa orðum forsætisráðherra á bug/segjum en og aftur hvar værum við án atvinnurekanada ????

Vísa orðum forsætisráðherra á bug
Innlent | mbl.is | 28.9.2011 | 17:12
Samtök atvinnulífsins vísa orðum Jóhönnu Sigurðardóttur, forsætisráðherra, og gagnrýni frá því í gær á bug. Samtökin segja það misskilning ef forsætisráðherra haldi að SA vilji ríkisstjórninni eitthvað annað en allt hið besta. Þvert á móti hafi verið reynt að styðja stjórnina til góðra verka með ráðum og dáð.

„Það er ógæfa ríkisstjórnarinnar að hún virðist hvorki geta né vilja fara að góðum ráðum jafnvel þótt hún hafi sjálf ákveðið að þiggja þau,“ segir í athugasemd sem birt er á vefsvæði samtakanna. 

Meðal annars er vísað í orð forsætisráðherra sem birtust í Morgunblaðinu og eru á þá leið að samtökin hafi gengið í lið með stjórnarandstöðunni og séu að reyna að koma ríkisstjórn sinni frá völdum. Einnig er vísað í orð ráðherrans um að samtökin eigi að líta í eigin barm áður en þau gagnrýni ríkisstjórnina fyrir aðgerðarleysi. Ríkið hafi gert mun meira en atvinnulífið til að koma hjólum atvinnulífsins af stað.

„SA vinna að því að skapa fyrirtækjum landsins sem best starfsskilyrði. Frá haustinu 2008 hafa allar tillögur SA miðast við að koma atvinnulífinu af stað, efla hagvöxt og auka framkvæmdir í landinu,“ segir í athugasemd SA og þrátt fyrir fögur fyrirheit ríkisvaldsins sé allt í hægagangi á Íslandi. „Áætlunin sem átti að liggja fyrir í maí um hagvöxt og fjárfestingar er enn ekki komin fram. Stórar fjárfestingar í orku- og iðnaðarverkefnum dragast. Litlar sem engar fjárfestingar eru í sjávarútvegi vegna þeirrar óvissu sem stjórnmálamenn hafa skapað og það hefur áhrif í öðrum atvinnugreinum, ekki síst á landsbyggðinni.“

Þá segir að allir þeir sem fylgst hafi með samskiptum Samtaka atvinnulífsins við ríkisstjórnina viti að samtökin hafa flutt ítarlegar tillögur um hvernig skapa megi þannig aðstæður að störfum fjölgi, skatttekjur aukist og lífskjör batni. Það er atvinnulífið sem skapar störfin en stjórnvöld ákveða rammann sem fyrirtækin starfa innan. „Því miður hefur ríkisstjórnin ekki borið gæfu til að fylgja eftir eigin yfirlýsingum og hollráðum Samtaka atvinnulífsins.“///við segjum aftur hver er að sundra þjóðinni,eru það atvinnurekendur Nei!! það veit Jóhann Forsætisráðherra vel að það er hennar stjórn og V.G. sem eru að því að koma her öllu i byltingu en stoppa alla vinnu sem er arðbær!!! sjáfarútveg á hausinn og koma okkur i skítin eins og besta er fyrir þau að koma okkur svo i ESB þegar allt til Þrýtur !!!!það er ekki furða þó að henni vökni um augu þegar hún fær sannleikan beint í æð,og svarar með hótunum eins og hún er vönust,að gera og því miður komist upp með það!!!en ekki núna það er nokkuð víst!!!!/Halli gamli

Vísa orðum forsætisráðherra á bug

Athugasemdir

[Adda Þorbjörg Sigurjónsdóttir, 28.9.2011 kl. 18:11]

Jóhanna ætti að vera að gera eitthvað annað núna áður en þegnarnir fara eitthvað annað.

Því miður minnti hún mig á köttinn í teiknimyndinni Shrek þegar hann er að reyna að fá aðra til að gera eitthvað sem þeir vilja ekki.