Hríðarveður í kvöld og nótt/það er svo að veturinn er að koma,kemur á laugardag!!!!

Hríðarveður í kvöld og nótt
Innlent | mbl.is | 16.10.2011 | 17:30
Gert er ráð fyrri hríðarveðri í kvöld og nótt á Vestfjörðum og fjallvegum á vestanverðu Norðurlandi. Ekki er búist við samfelldri ofankomu heldur fremur að það verði éljagangur.

Þetta kemur fram í athugasemdum veðurfræðings í tilkynningu Vegagerðarinnar um færð.

Þar segir að mjög blint verði með köflum á Steingrímsfjarðarheiði, Þröskuldum og Klettshálsi, en á þessum vegum verði vindhraðinn um og yfir 20 metra á sekúndu.  Heldur hægari á Bröttubrekku, Holtavörðuheiði, Vatnsskarði og Þverárfjalli, en þar sé engu að síður smám saman versnandi veður í kvöld.

Él til fjalla við Eyjafjörð og þar austur af í nótt, en frostlaust á láglendi.  Á Fjarðarheiði og efst í Oddskarði megi gera ráð fyrir krapahríð undir morgun norðnorðaustanátt um 15-18 metra á sekúndu , en bleyta á lægri fjallvegum eystra og eins í byggð.

Að sögn Vegagerðarinnar er hálka éljagangur á Fróðárheiði á Vesturlandi.

Á Vestfjörðum er snjóþekja, hálka og éljagangur á fjallvegum og víða hálkublettir á láglendi. Hrafnseyrarheiði er ófær vegna snjóflóða.

 Á Norðurlandi er hálka og éljagangur á  Þverárfjalli, hálkublettir á Vatnsskarði og hálka á Öxnadalsheiði.

Austanlands eru hálkublettir á Möðrudalsöræfum, Fjarðarheiði, Oddskarði, Breiðdalsheiði og Öxi og þar er einnig éljagangur.///við erum öllu vön flest ekki öll, og kippum okkur ekki upp við vetraveður samt er skilda á vetradekkjum ekki firr en 1 Nóvember,en það er svo að þetta virðist alltaf koma á óvart,en þetta er ekkert grín og ber að taka alvarlega mjög!!!!Halli gamli

Hríðarveður í kvöld og nótt