Framsókn kynnir Plan B/það er svo að við verðum að skoða allar leiðir!!!!!

Framsókn kynnir Plan B
Innlent | mbl | 17.10.2011 | 16:03
Sigmundur Davíð Gunnlaugsson, formaður Framsóknarflokksins, segir að hægt væri að bæta stöðu efnahagsmála á Íslandi verulega ef unnið væri markvisst að því. Flokkurinn kynnti tillögur sínar um aðgerðir í efnahags- og atvinnumálum á fundi í Ráðhúsi Reykjavíkur í dag.

Flokkurinn opnaði jafnframt vefinn planb.is þar sem hægt er að kynna sér tillögurnar en þær hafa jafnframt verið lagðar fram sem þingsályktanir á Alþingi.

Ísland er á margan hátt betur í stakk búið til að byggja upp sterkan efnahag en flest ríki á Vesturlöndum. „Fjölskyldufyrirtækið Ísland“ getur framleitt og selt miklu meiri verðmæti en það þarf að nota í útgjöld. Það ætti að vera meira en nóg til skiptanna svo að rúmlega 300.000 manns geti búið við velferð alla ævi.

Vandinn liggur í skuldsetningunni. Okkur verður að takast að leysa heimilin, fyrirtækin, sveitarfélögin og landið sjálft úr skuldavandanum. Forsenda þess er að hætt verði að bæta á skuldirnar, ráðist í skynsamlegar sparnaðaraðgerðir og umfram allt að byggja upp atvinnu og auka við verðmætasköpun í landinu.  Á þessum vef eru tillögur Framsóknar haustið 2011 um hvernig hefjast þarf handa við að vinna Ísland upp úr efnahagsvanda og til velsæld

Efnahagslífið er um þessar mundir þjakað af skuldavanda fólks og fyrirtækja og allt of háu atvinnuleysi. í lok ágúst 2011 voru rúm tólf þúsund manns atvinnulaus. Stjórnvöld þurfa að sjá til þess að úrlausn á skuldavanda heimila og fyrirtækja gangi greiðlega fyrir sig og hvetja til fjárfestingar í atvinnuskapandi verkefnum.

Með aukinni verðmætasköpun og eftirspurn munu tekjur ríkissjóðs vaxa sem er grundvöllur aukinnar velferðar þeirra sem minnst lífskjör hafa.  Ef takast á að vinna bug á atvinnuleysinu og auka fjárfestingu og uppbyggingu í íslensku atvinnulífi verðum við að blása þegar í stað til samtaka stórsóknar í atvinnumálum. Í þeirri sókn verður að taka tillit til sem flestra þátta atvinnulífsins og hugsa sérstaklega til þátta sem geta gefið fyrirtækjum hvata til að auka umsvif og ráða fólk til vinnu. Ríkisvaldið verður að skapa jákvæða hvata fyrir uppbyggingu og fjárfestingu til að íslenskt atvinnulíf geti dafnað á ný.

Framsókn telur að blandað hagkerfi einkareksturs, samvinnureksturs og opinbers reksturs sé skynsamlegasta leiðin til að tryggja hagsæld fólksins í landinu. Íslenska hagkerfið þarf að vera stöðugt, gagnsætt og traust, og fyrirtækjum og einstaklingum búið starfsumhverfi þar sem frumkvæði, dugnaður og samfélagslegt réttlæti eru í hávegum höfð.

Forsenda þess að efnahagur þjóðarbúsins taki við sér er að allir þekki sína stöðu. Það er því brýnt að ljúka endurskipulagningu skulda heimila og fyrirtækja sem allra fyrst. Atvinna er forsenda hagvaxtar við núverandi aðstæður. Tækifærin eru til staðar og þau þarf að nýta bæði hvað varðar opinberar framkvæmdir sem reynast hagkvæmar sem og frumkvæði einstaklinga. Framtíð Íslands er björt. Íslendingum mun takast að rétta við efnahag landsins og byggja upp velferðarsamfélagið á ný. Til þess þarf aðeins þor til að taka ákvarðanir í efnahagsmálum og samtakamátt þjóðarinnar.////Ég bara birti þetta vegna þessa, að við verðum að skoða allt sem betur gæti farið og svo bara að moða úr og vinsa hvað er best,þetta plan þeirra B er bara mjög athyglibert,og þarf að íhuga vel,við sjalfstæðismenn erum einnig að koma  með slíkt plan og verður vonandi eitthvað i þessum anda að við getum unnið það saman!!! en einhverntíman hefði ég ekki sagt svona eins og ég þvi miður oft talaði illa um Framsóknarflokkinn,en það voru þá að mér fannst fullar ástæður,en það er beðið eftir hugmyndum okkar og það vel,ekki gerir þessi ríkisstjórn það sem hjálpar okkur því miður,en sameinaðir getun  við það ,ef kommar eru frátaldir/Halli gamli

ar og velferðar á ný.

Framsókn kynnir Plan B

Athugasemdir

[Anna Sigríður Guðmundsdóttir, 17.10.2011 kl. 20:48]

Halli. Já það er margt að athuga.

Það er mikil viska og þroski að vera fær um að hlusta á margar hliðar á lausn landsmálanna, óháð flokkum. Það er mín skoðun. Mestu viskuna og bestu lausnirnar fáum við án efa frá eldri-heiðurs-borgurum eins og þér

Það kemur mér ekki á óvart að þú skulir vera sá sjálfstæðismaður sem stígur þetta þarfa skref í átt að sátt um lausnir fyrir alla, óháð flokkum.

Ég er nú þannig þenkjandi, að ég verð manna fyrst til að koma með harða gagnrýni á þetta plan B, ef ég sé ósanngjarna agnúa á því plani. Og eins og þú veist er ég ekkert að smjaðra fyrir neinum, og síst af öllu pólitískum flokkum, þegar ég tjái mínar skoðanir á nauðsynlegum réttlætis-aðgerðum.

Pólitískir flokkar á Ísandi hafa verið og eru enn misnotaðir af auðjöfrum heimsins, til að tvístra þessari þjóð á sinni menningar-þroska-braut.

En það er hið raunverulega frelsi og sjálfstæði, að vera tryggur sinni réttlátu sannfæringu og sýn á hvernig best er að bjarga þjóðinni allri, óháð flokka-þvingunum og klíku-einkavina-banka-lífeyrissjóðs-væðingu.

Við erum nefnilega öll á sama báti (Íslands-Titanic), óháð flokkum, þegar allt kemur til alls. Og með einungis rúmlega 300.000 ábúendur.

Þú ert mikill viskumaður Halli. Viska er: þekking og reynsla, sem er hið eina rétta, ef viskan er notuð af fólki með réttlátt hjarta, og það hefur þú að mínu mati.

M.b.kv.

[Haraldur Haraldsson, 17.10.2011 kl. 21:02]

Þakka innlitið Anna Sigríður vinkona,þarna erum við sammála það verður að skoða þetta fyrir okkur öll ekki bara suma,við heildin og það mest fyrir þá sem mynna mega sin,það verður að gerast,ekki spurning!!!/Kveðja