Alcoa hættir við Bakka/svona fer þetta ríkisstjórn komma á Íslandi vill ekki framfarir!!!!

Alcoa hættir við Bakka
Innlent | mbl.is | 17.10.2011 | 16:23
Tómas Sigurðsson, forstjóri Alcoa á Íslandi, kynnti bæjarráði Norðurþings og bæjarstjóra nú fyrir stundu þá ákvörðun Alcoa að hætta við áform um að reisa og reka álver á Bakka við Húsavík.

Hann sagði í samtali við mbl.is að þessi ákvörðun hafi verið óhjákvæmileg, þar sem legið hafi fyrir að ekki yrði hægt að útvega 250 þúsund tonna álveri næga raforku.

Alcoa hefur í samvinnu við heimamenn fyrir norðan, Landsvirkjun og stjórnvöld unnið að þessu verkefni síðan 2005 og þegar undirbúningur hófst, þá var uppleggið það, að það yrðu til a.m.k. 400 MW af orku í verkefnið.Til

Bakki við Húsavík. mbl.is/GSH

þess að gera langa sögu stutta, þá eru þær forsendur ekki til staðar lengur. Það hefur verið gerð viljayfirlýsing af hálfu Landsvirkjunar, um að selja orkuna fyrir norðan til annarra verkefna og þar fyrir utan hefur ekki um nokkra hríð verið fyrir hendi viljayfirlýsing um orkusölu til okkar, hvorki af hálfu ríkisstjórnarinnar né Landsvirkjunar. Það liggur því fyrir að þær forsendur sem við lögðum af stað með í upphafi eru brostnar og því er ekki um neinn annan kost að ræða hjá okkur en draga okkur með formlegum hætti út úr þessu verkefni," sagði Tómas.

 

Alcoa hefur á þeim rúmu sex árum sem liðin eru frá því að undirbúningur verkefnisins hófst varið á öðrum milljarði króna í undirbúninginn.

Þetta er reiðarslag fyrir heimamenn, en áætlað hafði verið að á bilinu 700 til 1000 störf yrðu til, þegar verksmiðjan væri komin í rekstur en á byggingartíma var áætlað að um 3 þúsund manns hefðu atvinnu af uppbyggingunni.

„Alcoa á Íslandi tilkynnti hagsmunaaðilum á Norðurlandi í dag að félagið væri hætt áformum um byggingu álvers á Bakka enda ljóst að ekki muni fást nægileg orka á samkeppnishæfu verði til álsversins. Þessi niðurstaða kemur í kjölfar rúmlega fimm ára undirbúningsvinnu við verkefnið, en af hálfu Alcoa hefur legið fyrir frá upphafi að ekki yrði ráðist í svo umfangsmikla fjárfestingu, sem álver er, nema tryggt væri að næg orka fengist til álversins á viðunandi verði til framtíðar," segir í tilkynningu frá Alcoa, sem send var til fjölmiðla nú síðdegis.

Allt annar veruleiki en fyrir 6 árum

Þar segir jafnframt: „Í dag telur Landsvirkjun sig einungis geta tryggt Alcoa helming þeirrar orku sem Alcoa, Landsvirkjun og stjórnvöld gengu útfrá í upphafi að fengist til verkefnisins.  Auk þess er afhendingartími þeirrar orku sem Alcoa býðst of langur til að af fjárfestingu af þessari stærðargráðu geti orðið. Alcoa stendur því frammi fyrir allt öðrum veruleika en fyrir sex árum þegar fyrirtækið hóf vinnu við verkefnið í samstarfi við stjórnvöld, sveitarfélög nyrðra og orkufyrirtæki.

Eftir viðræður við stjórnendur Landsvirkjunar og fulltrúa stjórnvalda hefur Alcoa komist að þeirri niðurstöðu að ekki sé lengur unnt að réttlæta fjárfestingu af þeirri stærðargráðu sem bygging og rekstur álvers á Bakka er.

Alcoa hóf þátttöku í verkefninu með undirritun viljayfirlýsingar við ríkisstjórnina og Norðurþing á fyrri hluta árs 2005. Viljayfirlýsingar við Landsvirkjun/Þeistareyki og Landsnet voru gerðar í kjölfarið.

Viljayfirlýsingin við Landsvirkjun rann út árið 2008 og ári síðar viljayfirlýsing Alcoa, Norðurþings og stjórnvalda. Beiðni Alcoa um framlengingu hennar var hafnað af ríkisstjórninni.

Þrátt fyrir það ákvað Alcoa að halda áfram vinnu við sameiginlegt mat á umhverfisáhrifum fyrir álver, orkuver og raflínur á svæðinu. Matsferlinu lauk í nóvember 2010.

Um leið og Alcoa lýsir vonbrigðum yfir því að þær forsendur, sem lagt var upp með í verkefninu árið 2005, séu brostnar þakkar fyrirtækið Norðlendingum af heilum hug samstarfið og stuðninginn við verkefnið."////þetta er það sem þessi ríkisstjórn vor vill ekkert meiri Álver og hefur á þeim skömm,semsagt engar fjárfestingar svona glæpafyrirtæka sem þeir kalla Álframeiðendur!! En eru þeir sáttir við að fá þann gjaldeyrir sem það skapar jú það er gott en segja að arðurinn sé ekki nógur,er hann það að engi sem ekkert er gert í nema þrasa um eitthvað sem ekki er i hendi,en það er svo að við erum að komast i umkverfismat sem eru bara öfgar og reynast okkur mjög mikið áfall þegar talað er um að vernda allt lapið fyrir þessu og hinu,allavega ekki gera neitt sem raskar því!!!ég segi bara hvar værum við stödd ef þetta plan hefði ríkt undanfarin ár??? við værum sjálfbær er það ekki,Nei það væri gjaldeyrislaust og engin hagvöxtur og við á steinaldarstigi,og það eru þessir umkversinnar sem hafa öfganna í hávegum hafðir,nei er það ekki betra að að hafa það mynna og jafnara,við erum flest umkvefssinnar í okkur, en verðum að lifa af landsins gæðum ,og þar i liggur hundurinn grafin!!!við verðum að virkja og selja rafmagnið í eitthvað arðbært!!!!Halli gamli

Alcoa hættir við Bakka

Athugasemdir

[Óskar, 17.10.2011 kl. 19:38]

Meira djöfuls bullið í þér maður.  Í fyrsta lagi ER EKKI TIL NÆG ORKA, í öðru lagi VILJA ALCOA MENN FÁ ORKUNA ÓKEYPIS og í þriðja lagi HEFUR VERÐ Á ÁLI HRUNIÐ.  EKKERT AF ÞESSU HEFUR NEITT MEÐ RÍKISSTJÓRNINA AÐ GERA.

[Haraldur Haraldsson, 17.10.2011 kl. 20:42]

Óskar,ég er ekkert að bulla frekar en þú!! engin talar um neitt ókeypis,orkan er til ekki spurning!! svo er Álver i ágætis verði ennþá og verður það,fallið er bara upp og niður en mun haldast gott/en svona svörum er bara svarað i aðgerum sem ekki eru gerðar,ekkert að gesast það kom i ljós áðan hjá Forstjora lansdvikjunar/Kveðja

[Guðmundur Pétursson, 17.10.2011 kl. 20:50]

Tími til kominn að skynsemin fái loksins að ráða. Það er alltaf mun betra að hafa skynsemi að leiðarljósi heldur en skammsýni byggða á fávisku.

[Haraldur Haraldsson, 17.10.2011 kl. 21:24]

Guðmundur,þú talar um fávisku,og skynsemi í sama potti ,hver er hún þarna hjá þér ég bara spyr,er það að gera ekki neitt!!!!Kveðja

[Óskar, 17.10.2011 kl. 22:18]

Í þessu tilviki er skárra að gera ekki neitt heldur en að láta Alcoa fá dýrmæta orku á brunaútsölu.  Það er engin þörf fyrir mörg hundruð ný störf á Húsavík.  Þarna eru nokkrar hræður atvinnulausar.  -- Ekki segja að brottfluttir Húsvíkingar flytji heim ef það kemur álver- það gerðist EKKI á Reyðarfirði!

[Anna Sigríður Guðmundsdóttir, 17.10.2011 kl. 23:05]

Halli. Það er vandamál fyrir lífsreynslulaust fólki að skilja, að ekkert fæst án fórna. Það gildir um alla, jafnt hátt setta sem lágt setta, vinstri sinnaða sem hægri sinnaða, hvar sem er í stéttarskiptingar-stiganum hættulega á Íslandi.

En gullnu meðalvegirnir eru vandrataðar krossgötur.

Stjórnendur og álitsgjafar sumir hverjir, sem eru á góðum launum, í þjónustustörfum í kringum burðarstólpana í landinu, hafa ekki allir skilið hvernig raunveruleikinn virkar, né hvernig verðmæti verða til.

Burðarstólpar þjóðfélagsins greiða sumum opinberum háttlaunuðum álitsgjöfum ofurlaun, af sínum strit-skattpeningum. Sem í staðinn telja sig eina vita betur en burðarstólparnir, hvernig á að kenna stjórnvöldum og ábúendum þessa lands, hvernig burðarstólpar eiga að standa undir yfirbyggingunni, sem ofverndar reynslulausa álitsgjafa með reynslulausar háskóla-gráður!

Eru ekki einhverjir komnir í vítahring stéttarskiptingar, þekkingar og reynsluleysis á Íslandinu góða?

Það lítur þannig út frá mínu sjónarhorni, en þetta er nú bara mitt sjónarhorn, og betur sjá augu en auga, og ég er skyldug til að taka gagnrýni annarra, þegar ég er að gagnrýna skoðanir annarra. 

Rökræður og virðing fyrir réttlátum skoðunum og sýn annarra, er í raun það sem Íslendingar hafa ekki fengið að læra í öllum skólum/háskólum landsins. Það er mikill skaði fyrir unga fólkið á þessum erfiðu tímum, og reyndar okkur öll.

Kannski var það pólitísk stjórnvalda-klíku-flokka-hertaka síðustu ártuga og alda, sem rændi Íslendinga þeirri nauðsynlegu menntun, sem felst í gagnrýnni hugsun og réttlátum rökræðum.

M.b.kv.