Stefna stjórnvalda óljós/Ekki hefur nú verið vel mætt,er ég mikið hissa,þetta er alvörumál fyrir okkur öll!!!

Stefna stjórnvalda óljós
Innlent | mbl.is | 19.10.2011 | 21:27
Tekist var á um það hvernig haga ætti stjórn sjávarútvegsmála við Ísland á fundi sem Samband ungra sjálfstæðismanna hélt í Valhöll í kvöld.
Framsögumenn voru Ólína Þorvarðardóttir, þingmaður Samfylkingarinnar, Illugi Gunnarsson, þingmaður Sjálfstæðisflokksins, og Kristrún Mjöll Frostadóttir, hagfræðingur hjá Arion banka.

Ólína gerði í erindi sínu grein fyrir frumvarpi ríkisstjórnarinnar um breytt fiskveiðistjórnunarkerfi, svonefndu stóra frumvarpi, og þeim breytingum sem hún ásamt Lilju Rafney Magnúsdóttur, þingmanni Vinstrihreyfingarinnar - græns framboðs, hefur lagt til að verði gerðar á því.

Lagði Ólína meðal annars áherslu á mikilvægi þess að afnema séreignarfyrirkomulag á sjávarútvegsauðlindinni og að nýliðun yrði tryggð í greininni meðal annars með því að gefa strandveiðar frjálsar að uppfylltum ákveðnum skilyrðum. Þá tók hún fram að þetta væri fyrsta skipti sem hún hefði komið inn í Valhöll, höfuðstöðvar Sjálfstæðisflokksins. Um ákveðin tímamót væri því að ræða fyrir hana.

Illugi kaus að fjalla um efni fundarins fyrst og fremst út frá hugmyndafræðilegum sjónarhóli og sagðist oft sakna þess að rætt væri um málið á þeim forsendum. Lagði hann áherslu á mikilvægi séreignarréttarins til þess að skapa verðmæti.

Hann vakti sjálfur athygli á því í lok erindis síns að hann hefði ekkert tjáð sig um þær hugmyndir sem Ólína hefði kynnt til sögunnar og sagði ástæðuna einfaldlega þá að ekkert lægi fyrir um það hver stefna ríkisstjórnarinnar væri í sjávarútvegsmálum eða hvað hún ætlaði að gera í þeim efnum///Ekki virðist nú vera vel mætt þarna?? skríðið þetta er alvöru mal og það að hlusta á þann sem mest leggur sig fram að eyðileggja kerfið,sem segir þetta nýtt fyrir sig að koma Þarna í Valhöll,en það ættu að vera fleiri fundir svona á  hlusta á báða aðila,en við verum að gera ráð fyrir því að þessu á að koma á hvað sem það kostar að hálfu ríkisstjórnar vorar og við verum að taka slaginn og vera með sina fram a eyðilegginguna ef af verður,við vitum öll það það má  ymislegt laga en ekki bylta,eins og hugmyndarfræði Illuga segir þarna!!!! /Halli gamli

Stefna stjórnvalda óljós

Athugasemdir

[Anna Sigríður Guðmundsdóttir, 19.10.2011 kl. 23:47]

Halli. Þarna opinberuðu svikaöflin í Samfylkingunni og Sjálfstæðisflokknum sína trúlofun, og gott að það er komið upp á yfirborðið. Það er búið að liggja nógu lengi í loftinu eins og dauðaslæða, hvernig átti að slá ryki í augu almennings, og halda áfram á beinu spillingarbrautinni. Það vantaði kannski bara Halldór Ásgrímsson og Össur Skarphéðinsson í partý-leikritið. Þeir hafa kannski ekki verið á landinu, einhverra hluta vegna? Partýin erlendis eru örugglega meira spennandi á þessum erfiðu tímum.

Ég held því miður að þetta hafi ekki verið einhver ný þroskavídd hjá þessu liði Halli minn, en sjáum hvað þau gera í framhaldinu. Kannski lærir fólk endanlega að tala saman eins og siðað, ábyrgt og fullorðið fólk? Það er ekki seinna vænna.

M.b.kv.