Merki um sambandsleysi við hjartslátt þjóðarinnar//Jóhanna veit hvað hún syngur?????

Merki um sambandsleysi við hjartslátt þjóðarinnar
Innlent | mbl.is | 24.10.2011 | 16:41
Hagsmunasamtök heimilanna segjast velta því fyrir sér hvort sú staðreynd að Jóhanna Sigurðardóttir forsætisráðherra hafi hvorki minnst á afnám verðtryggingar né leiðréttingu lána í setningarræðu sinni á landsfundi Samfylkingarinnar sé til marks um sambandsleysi við hjartslátt þjóðarinnar.

HH segja að verði ekki orðið við fyrrgreindum kröfum samtakanna fyrir 1. janúar 2012 jafngildi þær undirskriftir sem safnað er slóð samtakanna kröfu um þjóðaratkvæðagreiðslu um kröfugerðina.

HH vísa til viljayfirlýsingar sem þau sendu forsætisráðherra 6. október þar sem samtökin settu það skilyrði fyrir samstarfi að rætt yrði saman og komist að sameiginlegri niðurstöðu um nálgun við viðfangsefnið. 

Í yfirlýsingu frá HH segir

„Af framgöngu stjórnvalda í samskiptum við samtökin á undanförnum vikum að dæma er hins vegar ljóst að stjórnvöld og samtökin munu ekki, að svo komnu máli, komast að sameiginlegri niðurstöðu um nálgun við viðfangsefnið. Hagsmunasamtök heimilanna lýsa því yfir miklum vonbrigðum með að stjórnvöld skynji ekki nauðsyn þess að stíga hið pólitíska skref í átt til þeirra fjölmörgu sem afnáms verðtryggingar og leiðréttingar lána hafa krafist.“

HH segjast því munu hefja vinnu við að koma Þjóðaratkvæðagreiðslunni á dagskrá.

ann 1. október 2011 afhenti formaður Hagsmunasamtaka heimilanna forsætisráðherra

undirskriftir 33.525 einstaklinga sem krefjast, í nafni almannahagsmuna, almennra og réttlátra

leiðréttinga á stökkbreyttum lánum heimilanna og afnáms verðtryggingar. Hafi stjórnvöld ekki

orðið við kröfunni fyrir 1. janúar 2012 jafngildir undirskriftin kröfu um þjóðaratkvæðagreiðslu um

kröfugerðina.

Undirskriftasöfnunin stendur til áramóta á vefsíðunni undirskrift.heimilin.is og hafa fjölmargar

undirskriftir bæst við listann frá afhendingu.

Ofangreindar aðgerðir eru nauðsynlegur hluti af brýnni efnahagslegri endurreisn samfélagsins

og þurfa að gerast fyrir tilstuðlan íhlutandi frumkvæðis af hálfu stjórnvalda. Fjármálakerfið á að

vera sniðið að þörfum samfélagsins, en ekki öfugt.

VILJAYFIRLÝSING

Jóhanna Sigurðardóttir, forsætisráðherra, fyrir hönd ríkisstjórnar Íslands, og Andrea Jóhanna

Ólafsdóttir, fyrir hönd Hagsmunasamtaka heimilanna, gera með sér svohljóðandi viljayfirlýsingu.

Í ljósi þess sem að ofan greinir lýsa aðilar sig viljuga til að starfa saman að úrlausn málsins á

eftirtöldum forsendum:

1) Skipaður verði starfshópur með fulltrúum ríkisstjórnarinnar og Hagsmunasamtökum

heimilanna sem hafi yfirumsjón með verkefninu. Hópurinn fái heimild til að setja saman

undirhópa og / eða leita til utanaðkomandi aðila til að fá þau álit, greiningar og gögn sem

nauðsynleg eru talin til að geta tekið upplýsta ákvörðun um málið. Markmið hópsins verði að

útfæra tillögur um hvernig lán verði leiðrétt með almennum hætti og verðtrygging afnumin til

samræmis við kröfuna eins og hún er orðuð á vefsíðunni undirskrift.heimilin.is. Hópurinn skili

tillögum sínum fyrir 15. nóvember 2011. Í því skyni mun hópurinn meðal annars;

a) leggja mat á svigrúm lánveitenda til afskrifta/leiðréttinga á lánum heimilanna og þær

afskriftir/leiðréttingar sem þegar hafa átt sér stað, sundurgreint eftir lánastofnunum og

tegundum lána svo vel sem kostur er og með skýrum hætti gerð skil milli gamla og nýja

bankakerfisins. Fyrirliggjandi svigrúm verði fullnýtt til leiðréttinga á lánum heimilanna.

Dugi það ekki til komi aðrir kostir til skoðunar, þar á meðal að skattleggja aukalega

hagnað þeirra frá og með haustinu 2008.

b) leggja mat á fjárhæð áfallinna og greiddra verðbóta á lánum heimilanna, og það

sem þar af er umfram 4% á ársgrundvelli, frá og með 1. janúar 2008, sundurgreint eftir

lánveitendum.

c) leggja mat á fjárhæð uppsafnaðra og útgreiddra verðbóta, og það sem þar af er

umfram 4% á ársgrundvelli á innstæður yfir 100 milljónum kr. frá og með 1. janúar 2008,

sundurgreint eftir fjármálastofnunum.

2) Á vefsíðu forsætisráðuneytisins var skýrt frá því þann 4. október 2011 að Hagfræðistofnun

hafi verið falið að leggja mat á áhrif þeirra fjögurra leiða, sem fylgdu með undirskriftunum sem

afhentar voru forsætisráðherra þann 1. október 2011. Einnig verði metið hvaða áhrif leiðirnar

hafi á þjóðarhag, en einnig á afkomu og efnahag heimila, lífeyrisþega í nútíð og framtíð, hins

opinbera, fyrirtækja og fjármálastofnana. Hagfræðistofnun verði einnig falið að leggja mat á áhrif

þess á þjóðarhag, en einnig á afkomu og efnahag heimila, lífeyrisþega í nútíð og framtíð, hins

opinbera, fyrirtækja og fjármálastofnana, að ekkert verði aðhafst frekar varðandi leiðréttingu

lána og afnám verðtryggingar. Að auki verði fenginn annar óháður aðili til að gera samskonar

sjálfstætt mat.

3) Forsætisráðherra leggi fram frumvarp til laga um afnám verðtryggingar á lánum heimilanna

og beiti sér fyrir því að frumvarpið verði samþykkt fyrir 31. desember 2011.

4) Viljayfirlýsing þessi gildir til 31. desember 2011. Gangi atriði 1 - 3 ekki eftir fyrir þann tíma

mun forsætisráðherra sjá til þess að fram fari bindandi þjóðaratkvæðagreiðsla um kröfugerðina.

Mótun spurningarinnar sem upp verður borin verði í höndum fulltrúa ríkisstjórnarinnar og

Hagsmunasamtaka heimilanna.

Reykjavík, 6. október 2011

f.h. ríkisstjórnar Íslands f.h. Hagsmunasamtaka heimilanna

____________________________ ______________________________

Jóhanna Sigurðardóttir Andrea Jóhanna Ólafsdóttir

forsætisráðherra formaður stjórnar     ///Eftir þennan lestur eru fólk kannslki betir uppýst um þetta mál málanna!!! að hún Forsætisráðherran geri eitthvað sem hún virðist ekki ætla að gera því miður/Halli Gamli

Merki um sambandsleysi við hjartslátt þjóðarinnar