Hefjast handa eftir áramót//Ég hefði haldið að Alþingismenn R.víkur.vildu heldur sundabraut!!!

Hefjast handa eftir áramót
Innlent | mbl.is | 8.11.2011 | 17:38
Kristján L. Möller, alþingismaður og stjórnarmaður í Vaðlaheiðargöngum ehf. segir að allar líkur séu nú á að framkvæmdir hefjist við Vaðlaheiðargöng í byrjun næsta árs af fullum krafti.

Kristján segir að tillaga verði lögð fram um heildarfjármögum verkefnisins á fjáraukalögum fyrir árið 2011 sem verði líklega samþykkt á Alþingi í næstu viku. Þá sé komin heimild fyrir verkinu og í framhaldi af því verði gengið til undirritunar samninga við verktaka.

„Við erum á beinu brautinni og munum ljúka allri undirbúningsvinnu til undirritunar samnings og förum í verkefni sem bíða á borð við samninga við landeigendur og að ganga frá samningi við verktaka um byggingu brúar yfir þjóðveg eitt, sem gerð verður til að gera umferðina þar um öruggari,“ segir hann. ////Forgangröðun og kjördæmapot!!! er þetta og ekkert annað,Fjarhagslega er Sundabraut, það sem mundi bera sig best og spara milljarða í eldneyti og tíma og bara öryggisatriði fyrir okkur Reykvíkinga ekki spurning,ef færi að gjósa á Reykjanesi T.D.svona kjördæmapot er verið að setja úta´og það skiljanlegt ,en arðbærari lagning á vegi  og brú er ekki til í dæminu/Halli Gamli

Hefjast handa eftir áramót

Athugasemdir

[Einar Bragi Bragason., 8.11.2011 kl. 18:52]

Heyrðu nú... ég er nú sammála þér með Vaðlaheiðargöng en myndi gjarnan vilja fá Fjarðarheiðargöng.......

Kær Kveðja

Einar Bragi(bróðir Kisa(Jóns Bragasonar) og barnabarn Jóns Björnssonar Málarameistara

[Axel Jóhann Axelsson, 8.11.2011 kl. 19:04]

Fjármálaráðherrann er þingmaður kjördæmisins og annar stjórnarþingmaður úr sama kjördæmi er í stjórn félagsins, sem ætlar að byggja og reka göngin.

Einhvern tíma hefði þetta ekki þótt viðeigandi og jafnvel verið kallað spilling. Kjördæmapot er a.m.k. afar vægt til orða tekið.

[Anna Sigríður Guðmundsdóttir, 8.11.2011 kl. 19:39]

Halli minn. Þeir sem eru með atvinnulaus tæki, og takmarkalausar fyrirgreiðslur í bankaræningja-lífeyrisstofnunum landsins, ásamt áhrifamönnum, bæði á þingi og á landinu öllu, ættu að einbeita sér að því að skilja þörfina á mikilvægi öryggis í samgöngum, bæði á vestfjörðum og austfjörðum.

Hvernig er það, eru þessi tæki ekki færanleg út fyrir lögheimilishéruð stjórnmálamanna??? Nú þarf einfaldlega að tala mannamál á kjarnyrtri íslensku!

Gæluverkefni sérhagsmunahópa, bæði í vegagerð og Hörpunni hljómfögru, eru tímaskekkja í kreppulandi!

Bæði höfuðborgarsvæðið og Vaðlaheiðar-vegavinnu-verkamanna-vinnukostnaðar-vinnumanna-verktakaframkvæmd eru ekki í boði samfélagsanda þjóðarinnar!!! Hvað voru V-vitfirringar vitleysunnar mörg í þessari málsgrein?

Hvað með Vestfirði og Austfirði? Þessir hlutar af landinu virðast hreinlega vera réttlausir með öllu!

Hvers konar vitleysa er eiginlega í gangi í stjórnsýslu þessa lands? Það er verst af öllu, að það séu flokkar "jöfnunar og réttlætis", sem stýria för!!!

Nú er ég svo öskureið Halli minn, að þú ert heppinn að vera ekki nálægt mér. Og þó ert þú með sanngjarnt hjarta, og ég myndi aldrei segja að þú skildir ekki réttlætið. Þú ert þeirri náðargáfu gæddur að hlusta á rödd samviskunnar, og skoðanir allra, og það er meir en sumir geta státað af.

En þó ég sé skapmikil og með ákveðnar skoðanir, þá veit ég að rökræður sem leiða til réttlátrar niðurstöðu fyrir alla, eru bestar fyrir fjöldann þegar upp er staðið.

M.b.kv.

[Guðmundur Daði (IP-tala skráð) 8.11.2011 kl. 21:00]

25 % af tekjum Íslands koma úr Fjarðabyggð. Þess vegna væri mun hagkvæmara að byrja strax á Norðfjarðagöngum til þess að tekjurnar úr Fjarðabyggð yrðu enn meiri fyrir höfuðborgarbúana. Af þessum 25 % kemur nánast ekkert hingað til baka og þess vegna eigum við það skilið að fá Norðfjarðargöngin strax!

[Haraldur Haraldsson, 8.11.2011 kl. 21:14]

Þakka innlitið gott fólk,en það ég sagði átti ekki að meiða neinn, als ekki en það er svo að hagkvæmnin ,og það sem borgaði sig best er Sundabraut ekki spurnin hvernig sem það er reiknað,en auðvitað er ég ykkur sammála að það vantar víðar göng,sem eru nauðsin,en eru ekki peningalega hagkvæm eins og er!!!/Kveðja

[Einar Bragi Bragason., 8.11.2011 kl. 22:08]

Göng eiga vera til að rjúfa einangraðar byggðir ekki til að flýta för í vinnu um 10-15 mín

[Anna Sigríður Guðmundsdóttir, 8.11.2011 kl. 23:36]

Halli minn. Það vita nú allir að þú tjáir þig ekki til að meiða neinn, enda gerir þú það aldrei. Hagkvæmt, er orð sem notað er yfir eitthvað, sem á að auka hagsæld heildarinnar. Ef hagkvæmnin er einungis fyrir suma, á meðan aðrir eru ekki einu sinni taldir með, þá er hagsældin ekki réttlát.

Ég hreinlega skil ekki þessa Vaðlaheiðarþráhyggju. Mikið vona ég að Ögmundur blessaður botni hvorki upp né niður í svona klíku-hagkvæmni, sem eykur ó-hagsæld heildarinnar vegna óréttlætis og ójöfnunar.

Svo má ekki gleyma því að þessar svokallaðar áætlanir í kostnaði, standast aldrei, og alla vega skánar sú reiknibrenglun ekki á þessum ó-öryggistímum, þegar ekki eitt mannsbarn á jörðinni veit hvort mögulegt verður að kaupa olíu eða bensín eftir hálfan mánuð, hvað þá seinna.

Ég veit ekki hvaða áhrifamátt þeir hafa, þessir sannfæringar-postula-hagfræðireiknimeistarar V-v-v-v-vitleysunnar, en traust er þeirra spá alla vega ekki.

Tek undir orð Einars Braga um að göng eiga að vera til að rjúfa einangrun. Hvað skyldi ferðin yfir Breiðafjörð með Baldri t.d. kosta í dag? Eða bensínið yfir heiðarnar á Austfjörðunum?

M.b.kv.