AGS-máli frestað// sem betur fer erum við ekki að ana að neinu,við eigum ekki að taka þessu!!!

AGS-máli frestað Innlent | mbl.is | 17.12.2011 | 10:44 Samkomulag er á Alþingi um að fresta lokaafgreiðslu á umdeildu frumvarpi um hækkun stofnframlags Íslands til Alþjóðagjaldeyrissjóðsins fram yfir áramót. Langar umræður urðu um málið á Alþingi í gær og gagnrýndu stjórnarandstæðingar frumvarpið harðlega. Samkvæmt frumvarpinu mun kvóti Íslands af stofnfé Alþjóðagjaldeyrissjóðsins hækka úr 117,6 milljónum SDR í 321,8 milljónir SDR, sem jafngildir um 58,3 milljörðum króna. Framlagið myndar sérstaka gjaldeyrisinnstæðu hjá AGS en nýtt framlag Íslands til sjóðsins verður 37,2 milljarðar kr. Helgi Hjörvar, formaður efnahags- og viðskiptanefndar, benti á það við umræðurnar í gær að fjórðungur fjárhæðarinnar yrði lagður fram í erlendum gjaldeyri með þeim hætti, að af innistæðu Íslendinga í gjaldeyrisvaraforða Seðlabankans, á erlendum bankareikningum, verða níu milljarðar fluttir á innistæðureikning hjá AGS. Að sögn Tryggva Þórs Herbertssonar, þingmanns Sjálfstæðisflokks, verður afgangurinn, 27,9 milljarðar króna, geymdur í Seðlabanka Íslands, tiltækur fyrir Alþjóðagjaldeyrissjóðinn um leið og sjóðurinn þarfnast peninganna. Frumvarpið var í dag afgreitt til þriðju umræðu. Helgi Hjörvar sagði, að Íslendingar hefðu nýverið reynt það hversu mikilvæg aðildin að Alþjóðagjaldeyrissjóðnum sé og mikilvægt væri að Íslendingar tækju fullan þátt í störfum sjóðsins og áætlunum hans. Lilja Mósesdóttir, utan flokka, sagði að ríkissjóður glímdi nú við mikla skuldsetningu. Nú ætti að samþykkja að nota 9 milljarða af rándýru láni frá Alþjóðagjaldeyrissjóðnum til að leggja inn á reikning hjá sjóðnum. Vaxtamunurinn á láni Íslands hjá AGS og framlaginu til sjóðsins væri rúm 5%. Þetta væri óviðunandi, ekki síst í ljósi þess að stjórnarmeirihlutinn hefði réttlætt blóðugan niðurskurð í heilbrigðiskerfinu með nauðsyn þess að ná niður vaxtakostnaði./////Þetta er nátturlega algjör óþarfin að fara að borga m í AGS nún þegar allt er á niðurleið hjá okkur engin bjartsýni með neitt !!!annað bara lýgi og ekkert annað,sem sagt þetta er bara brálæði og ekkert annað,við verðum að breyta þesssu og fara í framfarir og atvinnu,ekki þennan bölmóð nógir peningar til að gera þetta í lífeyrissjóðum og þeir þurfa góða vexti,við erum að vona að menn vitkist úm jólin,en það er kannski til of mikils mækt///Halli gamli

AGS-máli frestað

Athugasemdir

[Guðmundur Ásgeirsson, 17.12.2011 kl. 15:10]

Hver tekur lán í banka, bara til að leggja það inn á reikning í sama bankanum? Mér þætti gaman að fá að vita viðskiptaáætlunina á bak við það. Mér þætti líka gaman að heyra rök þingmanna fyrir því að gefa lánadrottninum vaxtamuninn í stað þess að nota þessa fjármuni til að lækka skuldirnar.