Skýra þarf markmið með sölu ríkisfyrirtækja//Þetta nefnarfargan leysir öll mál er það ekki???

Skýra þarf markmið með sölu ríkisfyrirtækja Innlent | mbl.is | 24.2.2012 | 15:03 Starfshópur á vegum forsætisráðherra telur að skýra þurfi mörkin milli markmiða stjórnvalda með sölu ríkisfyrirtækja og faglegrar umsjónar með henni. tarfshópurinn tók til starfa fyrir réttu ári. Í honum áttu sæti Arnar Þór Másson, skrifstofustjóri í forsætisráðuneytinu, Þóra M. Hjaltested, skrifstofustjóri í efnahags- og viðskiptaráðuneytinu og Pétur Berg Matthíasson, sérfræðingur í fjármálaráðuneytinu. Starfshópurinn 

hefur nú skilað forsætisráðherra skýrslu sinni og var hún kynnt á ríkisstjórnarfundi í vikunni. Í kjölfarið mun fjármálaráðherra hafa forgöngu um löggjöf á grundvelli tillagna og ábendinga starfshópsins. Að mati starfshópsins er ekki hafið yfir vafa að jafnræðis og gagnsæis verði gætt við sölu á eignarhlutum ríkisins í fyrirtækjum undir því fyrirkomulagi sem ríkt hefur um aðild ráðherranefndar, framkvæmdanefndar um einkavæðingu og Alþingis að sölu ríkisfyrirtækja. Því þurfi að skilja að markmið stjórnvalda með sölu og faglega umsjón með henni. Starfshópurinn leggur meðal annars til að lögfest verði sérstök ákvæði í tengslum við sölu eignarhluta í fyrirtækjum; ferlinu verði lýst í reglugerð og grein gerð fyrir þeim meginreglum sem fylgja skuli um leið og áréttað er að reglur stjórnsýsluréttarins gildi um málsmeðferð þegar ráðstafað er eignarhlutum í fyrirtækjum sem ríkissjóður á hlut í. Starfshópurinn telur að rétta leiðin til þess að hafa áhrif á sölu fjármálafyrirtækja í meirihlutaeigu ríkisins á eignarhlutum sem þau kunna að eiga í öðrum fyrirtækjum sé að kveða á um slíkt í eigendastefnu. Í eigendastefnu ætti m.a. að skuldbinda fjármálafyrirtæki í meirihlutaeigu ríkisins til að birta opinberlega stefnu um sölu eigna, upplýsa um eignasafn sitt og gera árlega grein fyrir því hvernig gengið hefur að framfylgja stefnunni. „Verklagið við einkavæðingu ríkisbankanna fyrir um einum áratug varð afdrifaríkt fyrir þjóðina og hefur verið harðlega gagnrýnt meðal annars í skýrslu Rannsóknarnefndar Alþingis. Við viljum koma í veg fyrir að slíkt endurtaki sig og því fagna ég niðurstöðum starfshópsins sem miða að því að tryggja að jafnræðis og gagnsæis verði gætt þegar og ef fyrirtæki í ríkiseigu verða seld í framtíðinni,“ segir forsætisráðherra, Jóhanna Sigurðardóttir. „Með gerð þessarar skýrslu er ekki gefið til kynna að á döfinni sé að selja í bráð stórar eignir ríkisins, eins og ráðandi eignarhlut þess í Landsbankanum. En reglur um sölu, einnig á hlut ríkisbanka í einstökum fyrirtækjum, þurfa að vera skýrar. Vítin eru til þess að varast þau.“///////Þessi nefndarfarganni linnir ekki eru þær ekki um 400 eða svo og meirihluti á launum er það ekki???svo skylað og þrasað áfram um hlutina,þetta meðað selja Ríkisfyrtæki er mál sem hefur verið talað mikið um i gegnum tíðina,sum sama sem gefins önnur ílla selt ,eða þeim sem ekki kunnu með það að fara,en þetta er vand með farið i svo fámennu þjoðfégi að engin þekki annan og svo framvegis,en við eigum að vera búin að læra þetta er það ekki,eða erum við svona treg :Jóhanna allir nema þú/Halli gamli

Skýra þarf markmið með sölu ríkisfyrirtækja