Nýr spítali skaði borgarmyndina/þetta er rétt ,og ber að skoða vel!!!!!!!!!!

Nýr spítali skaði borgarmyndina
Innlent | mbl | 3.3.2012 | 12:00
Deiliskipulagið sem unnið er út frá við áætlanir um nýjan Landspítala er of stórt og skaðar borgarlandslagið. Þetta segir Páll Torfi Önundarson, yfirlæknir á LSH. Páll Torfi telur að ná megi sömu markmiðum með minna byggingarmagni sem ekki skyggi á eina fallegustu byggingu borgarinnar.

„Ég er ekki arkitekt, en ég er sérfræðingur í því að nota sjúkrahús,“ segir Páll Torfi, sem hefur starfað sem læknir á Íslandi í 26 ár og í Bandaríkjunum í 7 ár. Hann segir vissulega löngu orðið tímabært að reisa nýtt sjúkrahús á Íslandi, Landspítalinn sé sprunginn, og er jafnframt á þeirri skoðun að það sé rétt ákvörðun að staðsetja nýja spítalann við Hringbraut fremur en í Fossvogi. Útfærslan er honum hinsvegar ekki að skapi. „Við erum ekki bara að tala um sjúkrahús, við erum að tala um hvernig við viljum hafa þessa borg og við verðum að hugsa um ásýndina." 

700 metra hlaup

Nýr Landspítali hefur verið á prjónunum í nokkur ár og hefur verið farið í gegnum ýmsar útfærslur á byggingu hans á þeim tíma, þar sem mismikill skilningur var á starfseminni sem þar fer fram. Páll Torfi nefnir sem dæmi að deiliskipulag sem lagt var fram 2007 hafi falið í sér að læknar þyrftu að hlaupa 700 metra ferð fram og til baka milli bráðamóttöku og bráðarannsóknastofu.

Tillagan sem nú er á borðinu er afrakstur hönnunarsamkeppni árið 2010 þar sem hönnunarteymið Spital var hlutskarpast. Gert er ráð fyrir 66 þúsund fm nýbyggingu í 1. áfanga en 109 þúsund fm í 2. áfanga. Nýbyggingarnar munu samkvæmt tillögunni rísa fyrir framan gömlu aðalbygginguna, á lóðinni milli gömlu og nýju Hringbrautar, og heildarfermetrafjöldinn verður 235.000 fm. 

Byggt fyrir framan Perluna?

„Núverandi fyrirætlanir Spital þýða gjörbreytingu á ásýnd borgarinnar,“ segir Páll Torfi. Hann gagnrýnir umfang tillögunar, staðsetningu og ásýnd.  Nýi Landspítalinn muni múra inni hið fallega hverfi sem Þingholtin séu og skyggja á gömlu aðalbygginguna, sem verið hefur meðal helstu kennileita í borginni síðan 1930. „Mér finnst þetta ekki fagurt,“ segir Páll Torfi og líkir því við að Menntaskólinn í Reykjavík yrði stækkaður með nýbyggingu á túninu framan við Gamla skóla, að byggt yrði fyrir framan Aðalbyggingu Háskóla Íslands, eða Perluna.  

Sjálfur telur Páll Torfi að unnt væri að ná markmiðum um nýjan spítala með mun minna og þéttara  byggingarmagni á efri lóð spítalans, aftan við og austan við aðalbygginguna. Við byggingu spítala segir hann að mestu skipti að byggður sé ákveðinn kjarni utan um bráðaþjónustuna, til að tryggja að hlaupin séu sem styst, og út frá því raðist svo legudeildir og stoðþjónusta.

Skemmdarverk á borgarlandslaginu

Hugmyndir hans byggjast á því að um 60 þúsund fm nýbyggingar verði reistar á efri lóð spítalans og hefur hann útfært þær í samvinnu við Magnús Skúlason arkitekt. Þetta telur Páll Torfi vera hagkvæmari útfærslu í læknisfræðilegu og fjárhagslegu tilliti en raski jafnframt ásýnd borgarlandslagsins minna, Gamla Hringbrautin haldist sem og sjónlína að aðalbyggingunni og til Háskóla Íslands. Hugmynd hans hefur verið til umfjöllunar hjá skipulagsráði Reykjavíkurborgar síðan í haust. 

„Ég er ekki bara að hugsa þetta sem læknir heldur líka að hugsa um borgina sem borgarbúi. Það er verið að skaða ásýnd Reykjavíkurborgar [...] Við megum ekki gera þetta, því þetta er eitthvað sem mun standa í nokkur hundruð ár."//////Mikið sammála þessum læknir ,þetta er ekki prýði Borgarinnar als ekki ,burt með þetta  þarna úr kvosini nóg til að góðum stöðum//Halli gamli

Nýr spítali skaði borgarmyndina