Björn sakar RÚV um áróður//Það geri ég einnig ekki spurning!!!!!

Björn sakar RÚV um áróður Innlent | mbl.is | 25.3.2012 | 23:08 Björn Bjarnason, fyrrverandi dóms- og 

Kirkjumálaráðherra, segir framleiðendur sjónvarpsþáttarins Landans í Ríkissjónvarpinu hafa bitið á agnið og endurbirt áróður um ESB í þætti kvöldsins í sjónvarpinu. Orðrétt skrifar Björn á vef Evrópuvaktarinnar: „Evrópustofa er líklega farin að láta að sér kveða gagnvart RÚV og stjórnendur Landans hafa bitið á agnið eins og sást í þættinum að kvöldi sunnudags 25. mars þegar ESB-áróðri sem braut algjörlega í bága við almennt efni þessa vinsæla þáttar var troðið inn í hann. Er með ólíkindum að stjórnendur RÚV og ritstjórn Landans taki í mál að flytja slíkt efni í þættinum. Það ætti að gera kröfu til þess að þættir sem þessir séu merktir kostunaraðila svo að áhorfendur átti sig á því hvers kyns er. Furðulegt er að fylgjast með viðbrögðum við gagnrýni af þessu tagi þegar látið er eins og áróður fyrir aðild Íslands að ESB sé sambærilegur við kynningarstarf vegna alþjóðasamtaka þar sem Íslendingar eru þegar virkir þátttakendur. Markmið ESB-áróðursins er að búa í haginn fyrir fulltrúa ESB í aðildarviðræðunum, létta þeim róðurinn við að ná samkomulagi í samræmi við ákvæði ESB-löggjafarinnar. Tilgangurinn er einfaldlega sá að slæva andstöðu Íslendinga og kynningin í Landanum snerist um byggðastyrki. Þeir hafa löngum verið nefndir sem agn af ESB-aðildarsinnum.“ Hægt er að horfa á umræddan þátt hér.////Þarna erum við sammála við Björn Bjarnason og vel það,það erum við sko ekki alltaf eins og gengur!!!skoðanir manna í sama flokki eru ekki allar eins,sem vera ber!!! en þarna erum við sammála ,og einnig um framboð Þóru Arnórsdóttur til Forseta á svona viðsjárverðum tímum,það má ekki taka það þannig hja´mér að hún sé slæm manneskja alls ekki,en það eru  þeir tímar framundan að það þarf að vera klár maður og reyndur sem Forseti okkar þegar á að koma okkur inn i ESB hvað sem tautar og raular,svo kosningar og þær geta skapað margt og þar getur komið til þarfa reynslumikils Forseta,annað er ekki hægt að segja okkur!!!!!/Halli gamli

Björn sakar RÚV um áróður

Athugasemdir

[DoctorE (IP-tala skráð) 26.3.2012 kl. 15:50]

En ef þetta væri áróður gegn ESB.. væri það í lagi.  BB ætti nú að sjá sóma sinn með að láta ísland og íslendinga í friði, nægur er skaðinn sem þessir menn hafa valdið.

Með forseta.. við höfum ekkert að gera með forseta.. tökum forsetalaun og kostnað, setjum aurinn í að hjálpa fátækum/sjúkum.

Sá sem býður sig fram sem forseta.. eða biskup.. slíkt fólk eru ekkert nema snobbaðar afætur og sníkjudýr á samfélaginu