Aðeins lántaki til þrautavara/satt hjá kalli,við eigum að taka upp alvörumynt!!!!

Aðeins lántaki til þrautavara Viðskipti | Morgunblaðið | 28.4.2012 | 17:05 Ávinningurinn af því að reka sjálfstæða peningamálastefnu er af skornum skammti þegar meginþorri skulda heimila og atvinnulífsins eru í annarri mynt – um 60% í verðtryggðri krónu og 20% í erlendri mynt – eins og raunin er um þessar

mundir á Íslandi. Við slíkar aðstæður er áhrifamáttur peningastefnunnar takmarkaður. Þetta kom fram í erindi Manuel Hinds, hagfræðings og fyrrverandi fjármálaráðherra El Salvador, á fundi VÍB, eignastýringarþjónustu Íslandsbanka, í gærmorgun. Hann sagði ennfremur ofmælt að halda því fram að Seðlabankinn geti í raun uppfyllt hlutverk sitt sem lánveitandi til þrautavara.

Fjármálakreppan sem skall á Ísland haustið 2008 sýndi að það væri réttara að tala um Seðlabankann sem lántaka til þrautavara – enda hefði hann neyðst til að leita til Alþjóðagjaldeyrissjóðsins eftir fjármögnun í erlendri mynt. Að sögn Hinds hefur sú ákvörðun El Salvador að taka einhliða upp Bandaríkjadal árið 2001 reynst farsæl fyrir bæði fjármálastöðugleika og efnahagslífið í heild þar í landi. „Vandamál El Salvador var nákvæmlega það sama og á Íslandi – gjaldmiðlaáhættan af því að halda úti eigin mynt var allt of kostnaðarsöm,“ sagði Hinds og bætti því við að Ísland hefði verið að greiða 7-15% hærri vexti fyrir það eitt að vera með krónuna. Hann telur einhliða upptöku erlends gjaldmiðils raunhæfan valkost fyrir Ísland - og í þeim efnum lægi beinast við að taka upp Bandaríkjadal. Þórarinn G. Pétursson, aðalhagfræðingur Seðlabankans, sagðist hins vegar hafa uppi miklar efasemdir um að það væri einhver „töfralausn“ fólgin í því að taka einhliða upp aðra mynt.

Tók hann sem dæmi Panama, sem hefur notað Bandaríkjadal sem gjaldmiðil í meira en hundrað ár, en fyrir utan Pakistan þá hefur ekkert annað ríki þurft að leita jafn oft á náðir AGS eftir fjárhagsaðstoð. Það kom ennfremur fram í máli Þórarins að í þeim ríkjum sem hafa einhliða tekið upp Bandaríkjadal, þá hefur í öllum tilfellum verið um að ræða lönd sem voru mjög dollaravædd áður en sjálf upptakan var formlega framkvæmd. Það eru hins vegar fá dæmi, benti Þórarinn á, um að einhliða upptaka hafi verið reynd í ríki sem var ekki þegar mjög dollaravætt fyrir – og fyrir vikið er áhættan fyrir Ísland því enn meiri.

Endalok „sorglegrar tilraunar“ Heiðar Már Guðjónsson, hagfræðingur og fjárfestir, sagði í erindi sínu að það væri skammur tími til stefnu eigi að takast að leysa gjaldmiðlakreppu landsins.

Að öðru óbreyttu telur hann að íslenska ríkið, sem þarf að standa skil á stórum gjalddögum á næstu árum, standi frammi fyrir alvarlegri skuldakreppu árið 2016.

Hann sagði að „sorgleg tilraun“ Íslands til að halda úti sjálfstæðri peningastefnu væri komin á endastöð. Niðurstaðan væri víðtækustu gjaldeyrishöft sem komið hafi verið á fót frá hruni Sovétríkjanna.

Að sögn Heiðars er innganga í ESB og upptaka evru ekki lausn á þeim bráðavanda sem Ísland glímir við, en slíkt ferli gæti tekið um tíu ár

. Hann telur mun farsælla að falast eftir því við stjórnvöld í Kanada, sem sé „vinaþjóð“ sem hafi ríkra hagsmuni að gæta á norðurslóðum, að veita okkur stuðning við að taka upp Kanadadal sem gjaldmiðil. „Ég veit til þess,“ sagði Heiðar, „að kanadískir bankar hafa áhuga á að taka þátt í íslensku fjármálalífi,“ auk þess sem það liggi fyrir að hinir erlendu kröfuhafar, sem eiga tvo stærstu banka Íslands, myndu taka því fagnandi.//////það ber allt að sama brunni þaran ,það ber að taka upp alvöru mynt ekki spurning,og það fyrr en seinna!!!Við munum alltaf lenda í þessu að vanta gjaldeyrir og við eigum  að fórna krónunni ekki ver svona þrá,þetta að geta spilað með hann og okkur er pólutíksum gott en ekki okkur i heildina alls ekki!!! þetta er svo að við verðum að fara að taka ákvör'ðum um þetta ekki siðar en næsta ár!!!!/Halli gamli

Aðeins lántaki til þrautavara