Chelsea er Evrópumeistari/Að mínu mati voru þjóðverjarnir betri,en til hamingju Chelsea!!!

Chelsea er Evrópumeistari Íþróttir | mbl.is | 19.5.2012 | 21:30 Chelsea er Evrópumeistari í knattspyrnu í fyrsta skipti eftir sigur á Bayern München í vítaspyrnukeppni eftir að liðin skildu jöfn, 1:1, í úrslitaleik Meistaradeildar Evrópu í knattspyrnu á Allianz leikvanginum í München í kvöld. Ekkert mark var skorað 

fyrr en á 83. mínútu þegar Thomas Müller kom Bayern yfir með skalla eftir fyrirgjöf frá Arjen Robben. Sigurinn blasti við Bayern en á 88. mínútu jafnaði Didier Drogba með skalla fyrir Chelsea eftir hornspyrnu frá Juan Mata. Ekkert mark var skorað í framlengingu en í byrjun hennar fékk Bayern vítaspyrnu. Petr Cech varði frá Arjen Robben, og því þurfti vítaspyrnukeppni til að útkljá hvort liðið yrði Evrópumeistari. Í vítaspyrnukeppninni varði Manuel Neuer fyrstu spyrnu Chelsea, frá Juan Mata. Petr Cech jafnaði metin með því að verja frá Ivic Olic í fjórðu umferð. Í lokaumferðinni skaut Bastian Schweinsteiger fyrir Bayern. Petr Cech kom fingrum í boltann, í stöngina og út. Didier Drogba tók síðustu spyrnu Chelsea og tryggði liðinu Evrópumeistaratitilinn!////Til hamingju með þetta Chelsea menn,en samt fannst mér þjóðverjarnir betra lið,en svona er knattspyrnan allt getur skeð,svo óvænt/Halli gamli

Chelsea er Evrópumeistari

Athugasemdir

[Henning Árni (IP-tala skráð) 20.5.2012 kl. 09:40]

Má ég spyrja þig að einu , hvað gerir lið betra sem sækir meira en hitt liðið ? getur það ekki verið betra liðið sem verst vel líka ?

[Bárður (IP-tala skráð) 20.5.2012 kl. 15:51]

Það lið sem skorar fleiri mörk en andstæðingurinn vinnur leikinn. Ef annað liðið sækir, en hitt verst sóknunum, þá er það lið sem sækir líklegra til að vinna leikinn enda þarf það að skora einu marki meira en andstæðingurinn til að vinna leik. Hitt, að verjast, getur aldrei orðið til þess að vinna leik vegna þess að það lið sem verst þarf fyrst að skora mark til að geta haldið utan um forskotið sem það hefur komið sér í. Og til þess að skora það mark sem þá er talið þarf liðið að hafa sótt á mark andstæðinganna, en ekki varist.

[Haraldur Haraldsson, 20.5.2012 kl. 18:17]

Þakka innlitið drengir góðir,þetta getur allt staðist einnig það sem ég sagði/Kveðja