Framsókn vildi lágmarka tjónið/Það viljum við öll,nema kommarnir!!!

Framsókn vildi lágmarka tjónið Innlent | mbl.is | 18.6.2012 | 23:58 „Við litum svo á að annað hvort myndi stjórnin keyra áfram með fiskveiðistjórnarfrumvarpið eða einfaldlega leggja fram nýtt frumvarp strax í september, sem hefði getað verið mjög skaðlegt og við ekki í neinni aðstöðu til þess að hafa áhrif á þa

ð,“ segir Sigmundur Davíð Gunnlaugsson. formaður Framsóknarflokksins, um ástæður þess að flokkur hans samþykkti þinglok og þar með afgreiðslu veiðigjaldafrumvarpsins í núverandi mynd. Sigmundur Davíð rökstyður þá ákvörðun svo: „Við litum á það sem hlutverk okkar úr því sem komið var að lágmarka tjónið sem af þessu frumvarpi hlytist. Við höfum verið fylgjandi hækkun veiðigjalds en höfum lagt áherslu á að það mætti ekki vera hærra en svo að sjávarútvegurinn yrði áfram arðbær og að ekki þyrfti að segja upp hundruðum eða þúsundum starfsmanna eins og menn bentu á að hefði líklega fylgt frumvörpunum eins og þau litu út í upphafi.“ Hefðu viljað mat á áhrifunum - Hvernig getið þið tryggt að þetta hafi ekki neikvæð áhrif á afkomu útgerðarinnar? „Við hefðum að sjálfsögðu viljað fá mat á því hvaða áhrif þetta veiðigjald, eins og það lítur út núna, hefði haft. Það var hins vegar ekki fallist á það. Í staðinn var hótað beitingar 64. greinar þingskapa til þess að taka málið út úr umræðu. Þingmenn stjórnarliðsins fóru upp í ræðustól í umræðum og lýstu sig reiðubúna að beita þessu ákvæði. Niðurstaðan var sú að veiðigjaldið var aðeins lagt á til eins árs. Svo verður það endurskoðað af sérfræðinganefnd en auk þess var sett inn varúðarákvæði þess efnis að ef að forsendur veiðigjaldsins standa ekki eða að það verður aflabrestur eða verðfall á mörkuðum að þá verði veiðigjaldið endurskoðað innan ársins,“ segir Sigmundur Davíð og víkur að frumvarpinu um stjórn fiskveiða. Varasömustu ákvæðin tekin út „Svo samþykktu forystumenn stjórnarflokkanna með undirritun að ef að það kæmi fram nýtt sjávarútvegsfrumvarp, þ.e.a.s. um stjórn fiskveiða, yrði ekki í því þau ákvæði sem við og sérfræðingarnir sem fóru yfir málin höfðu helst varað við. Þar nefni ég meðal annars ákvæði sem hefðu dregið enn frekar úr úthlutun aflaheimilda til þeirra sem hafa fjárfest í þeim. Ef það kemur fram nýtt frumvarp mun það ekki innihalda þau atriði sem við og sérfræðingarnir sem skiluðu inn athugasemdum um gamla frumvarpið töldum varhugaverðust. Auk þess mun vinnuhópur fara yfir hvort hægt sé að ná sameiginlegri niðurstöðu um sjávarútvegsmálin. Hvað sem kemur út úr því er ljóst að umdeildustu ákvæðin eru komin út og búið að skapa lágmarksstöðugleika um greinina. Jafnframt er ljóst að þær breytingar, ef það kemur nýtt frumvarp næsta haust, munu ekki taka gildi fyrr en fiskveiðiárið 2013/2014. Miðað við þá stöðu sem upp var komin er þetta mjög ásættanlegt en við vildum hins vegar ganga frá þessu öllu skriflega í ljósi reynslunnar af viðræðum við stjórnvöld.“ Staðan metin út frá hættunni - Er réttlætanlegt að setja á svona veiðigjald til bráðabirgða sem kann að hafa jafn neikvæðar afleiðingar og hagsmunaaðilar halda fram? „Nei. Auðvitað er það ekki réttlætanlegt. Það er ástæðan fyrir því að við beittum okkur svo mikið og lengi gegn því að það yrði gert, að gjaldið yrði lagt á án þess að búið væri að reikna út afleiðingarnar. Þegar við stóðum frammi fyrir því að vera sagt að þetta færi í gegn á einn eða annan hátt og jafnframt í ljósi hættunnar á því að sjávarútvegsmálin almennt færu í uppnám ákváðum við að fara þessa leið. Við litum svo á að annað hvort myndi stjórnin keyra áfram með fiskveiðistjórnarfrumvarpið eða einfaldlega leggja fram nýtt frumvarp strax í september, sem hefði getað verið mjög skaðlegt og við ekki í neinni aðstöðu til þess að hafa áhrif á það. Því töldum við að á heildina litið væri það þess virði að reyna að lágmarka skaðann og ná fram um leið lágmarks stöðugleika um framtíð greinarinnar.“//////Þetta er alveg hárr rétta hja´Sigmundi og stjórnaranstöðunni,stór leikur i stöðunni og seinnlega farsælla þegar grannt er skoðað ekki spurning,þessi ríkisstjórn er þá í haust komin á Eindaga og kosningar í vor eða fyrr svo þetta var ágætt,á Komanna/Halli gamli

Framsókn vildi lágmarka tjónið

Athugasemdir

[Anna Benkovic Mikaelsdóttir, 19.6.2012 kl. 05:24]

Hann vill láta innkalla allan kvóta, eins og vera ber.

[Ásthildur Cesil Þórðardóttir, 19.6.2012 kl. 10:10]

Auðvitað á að innkalla allan kvóta, ekki spurning.

[Haraldur Haraldsson, 19.6.2012 kl. 14:52]

Hvað grein lásu þið blessaðar konur og vinnkona mín Ásthildur hann talar aðdei um að innkalla kvótna allan als ekki,ég mótmæli svona skrifum,það er ekki raunhæft að gera þetta als ekki,nógu erfitt er þetta samt skuldir og skuldir ofana!!!

[Ásthildur Cesil Þórðardóttir, 19.6.2012 kl. 15:42]

Haraldur minn heldurðu virkilega að fiskurinn syndi burt úr landhelginni þó einhverjir aðrir taki við?  Ef menn geta ekki rekið sæmilega hagstæðan útveg þá á að leyfa þeim að fara á hausinn.  Þá taka bara aðrir við.  En kvótinn á að vera í höndum opinberra aðila hvort sem um er að ræða ríkið og/eða sveitarfélög.  Og þaðan á að leiga hann til útgerðarinnar.  En auðvitað þarf að bæta þeim upp skaðan sem hafa keypt sér kvóta, annað hvort með afskriftum skulda eða hreinlega borga þeim fyrir hann.  Þetta bara er ekki að gera sig eins og það er í dag.

[Haraldur Haraldsson, 19.6.2012 kl. 16:32]

Ef málið væri svona einfalt Ásthildur ,vitum að þjoðin á Fiskin og það ber að leigjan ,það er skip og veiðafæri sem þarf og framfarir sem hafa kostað mikið og það þarf að borga,sama hver rær,svo fiskverkun er að taka miklum framförum!!! að svifa menn þessu er ekkert vit ,en leifa nyliðun eitthvað og koma í vag fyrird það sem ílla fór með kvótan ,það er hægt ekki spurning!!!!/Kveðja

[Ásthildur Cesil Þórðardóttir, 19.6.2012 kl. 17:17]

þetta er frekar einfalt ef menn virkilega vilja.  Það er enginn að segja að sú útgerð sem nú er leggist af.  Hún mun halda áfram á sama hátt og áður, nema að í staðin fyrir að eiga kvótann og leiga hluta af honum út til annara á okurverði.  Þá fá þeir leigðan kvóta sem þeir þurfa, og það má vera til 20 - 30 ára þess vegna.  En að þeir leigi bara það sem þeir veiða en ekki til að framleigja öðrum.  Það má þess vegna afskrifa skuldir á móti hjá þeim sem óyggjandi hafa keypt kvóta og geta sýnt upp á það pappíra.  Allt sem út af stendur leigir ríkið sjálft eða sveitarfélög þann kvóta sem fram yfir er.