Markmiðið er að fá alla til að hreyfa sig////Þetta er bráð nauðsinlegt að gera!!!

Markmiðið er að fá alla til að hreyfa sig Innlent | Morgunblaðið | 27.6.2012 | 10:30 Meira en 85% íbúa Reykjavíkur munu stunda skipulagða hreyfingu eða íþróttir að staðaldri árið 2020 ef ný stefna í íþróttamálum Reykjavíkur, sem samþykkt var á fundi borgarstjórnar 19. síðastliðinn, gengur upp. Samkvæmt nýju stefnunni verður meðal annars mun meiri áhersla lögð á almenningsíþróttir og fjölskyldustarf en hingað til hefur verið gert. Undanfarin ár hefur áherslan verið á barna- og unglingastarf annars vegar og afreksfólk hins vegar. Aðrir hópar iðkenda hafa setið nokkuð á hakanum. Þannig segir í hinni nýju stefnu að einstaklingar sem ekki hafi farið út í afreksiðkun íþrótta hafi átt fáa möguleika til að blómstra innan íþróttafélaga. Þá hafi íþróttahreyfingin í Reykjavík nánast ekkert sinnt öldruðum. Þessu eigi nú að breyta. Öllum gert kleift að æfa íþróttir án keppni Umrædd stefna var unnin undir forystu Íþróttabandalags Reykjavíkur og Íþrótta– og tómstundaráðs Reykjavíkur. Einn kynningarfundur hefur verið haldinn fyrir íþróttafélögin. Frímann Ari Ferdinandsson, framkvæmdastjóri ÍBR, segir viðbrögðin þar hafa verið mjög góð en frekari kynningar standi fyrir dyrum. Sem fyrr segir þykir of mikil áhersla hafa verið lögð á afreksstefnu á kostnað annarra iðkenda. Í því sambandi er bent á aukinn offituvanda og ekki síst hjá börnum. Vissulega hafi hlotist ávinningur af fyrri stefnu borgarinnar sem sjá megi á fleiri titlum íþróttafélaga í Reykjavík auk þess sem fleiri Reykvíkingar eru nú í landsliðum. Þó stendur til að rannsaka betur árangur eða árangursleysi afreksfólks í Reykjavík. Áherslur sem nefndar eru af ÍBR og ÍTR til uppbyggingar almenningsíþrótta eru m.a. þær að íþróttafélögin sinni breiðari hópi iðkenda en áður, bæði m.t.t. aldurs og getu. Þá verði aðstaða og umgjörð fyrir almenningsíþróttir á sama stað og annað íþróttastarf félaganna. Einnig verði félögunum gert að móta sér þátttökustefnu sem geri iðkendum á öllum aldursstigum kleift að stunda íþróttir án áherslu á keppni. Með þessu móti geti þeir sem það kjósa æft íþróttir sér til heilsubótar og ánægju innan raða íþróttafélaga en slíkt hefur að mestu takmarkast við börn og afreksfólk sem fyrr segir. Bitnar ekki á afrekshópum Einnig stendur til að auka nýtingu íþróttamannvirkja utan háannatíma og eru Egilshöll, Frjálsíþróttahöllin, sundlaugar og íþróttahús nefnd sem dæmi. En íþróttastefna borgarinnar einblínir þó ekki aðeins á starf innan íþróttafélaganna. Einnig stendur til að auka möguleika til útivistar og hreyfingar í hverfum borgarinnar. Frímann Ari, hjá ÍBR, bendir t.d. á hugmyndir þess efnis að félögin bjóði upp á eitthvert starf fyrir foreldra á meðan börnin séu á æfingu, s.s. göngu eða hlaupahópa. „Hugmyndin er náttúrulega ekki sú að það eigi að taka hálfan völlinn af t.d. meistaraflokki KR í fótbolta svo aðrir geti spriklað á sama tíma á vellinum,“ segir Frímann. Það verði bara að skoða hvert tilvik fyrir sig en markmiðið sé að fá fleiri til að hreyfa sig.//////Það er svo að þetta er hárr rétt hreifing regluleg er öllum holl,og að loka íþróttavöllum fyrir almenning er ekki gott,það er svo að þegar ég var ungur og var nátturelaga mikið í sveit og þar allt á fullu ,mikil vinna og agi,þegar ég kom svo í bæjin gat maður farið á Melavellin og haldir þar áfram hlaupum óareittur og tekið þátt i stökkum  og öðru!!!það segir mer að það hafi verið það besta fyrir mig fram eftir aldri en ,svo þegar vinnan fór að taka völdin á 18 árinu seldi ég skiðin mín og hætti þessu en samt lengi ber að fyrstu gerð og þó svo að ég hefi unnið óholla vinnu er það samt ennþá að virka!!en í öllummbænum hvaðan sem gott kemur þá er þetta gott átak og berð að virða og lofa unglingunum og fullorðnumm að nota svona staði bara frítt,Það mun skila sér i betri heilsu/Halli gamli

Markmiðið er að fá alla til að hreyfa sig