Skuldugt Manchester United á markað í Bandaríkjunum/Kemur manni á óvart mjög!!!!!

Skuldugt Manchester United á markað í Bandaríkjunum
Innlent | Morgunblaðið | 5.7.2012 | 6:50
Stefnt er að því að skrá enska knattspyrnufélagið Manchester United í Kauphöllina í New York. Hyggjast eigendurnir safna 100 milljónum dollara í hlutafjárútboði. Nota á fjármunina til að greiða niður skuldir.

Bandaríska fjölskyldan Glazer keypti Manchester United fyrir 790 milljónir punda árið 2005. Stuðningsmenn liðsins hafa harðlega gagnrýnt fjölskylduna fyrir að skuldsetja knattspyrnuveldið um of. Fjölskyldan á einnig NFL-liðið Tampa Bay Buccaneers.

Var áður skráð á markað

Manchester United var skráð í Kauphöllina í London áður en Glazer-fjölskyldan yfirtók félagið. Þrátt fyrir þessa hlutafjáraukningu er búist við því að Glazer-fjölskyldan muni enn halda völdum yfir knattspyrnufélaginu, því stefnt er að því að vera með bæði A- og B-hlutabréf. B-hlutabréf myndu vera tíu sinnum atkvæðameiri en A-bréfin.

Skuldir Manchester United voru 423,2 milljónir punda, um 84 milljarðar króna, í lok mars. Hagnaður félagsins jókst í 15,6 milljónir punda á fyrstu níu mánuðum ársins fram í lok mars, en á sama tíma fyrir ári var hagnaður 11,8 milljónir punda.

Samningar um að sjónvarpa leikjum í ensku úrvalsdeildinni eru liðunum drjúg tekjulind. Þeir eiga í raun sinn þátt í því að gera enska boltann að velheppnaðri útflutningsvöru. Á síðasta ári halaði Manchester United inn 117 milljónir punda fyrir að selja sjónvarpsréttinn en 98 milljónir punda árið 2009.

Ein af hættunum sem stjórnendur Manchester United þurfa að horfast í augu við stafar af vellauðugum eigendum annarra knattspyrnuliða sem nota sína djúpu vasa til að kaupa frábæra leikmenn og þjálfara. Í ljósi þess býst klúbburinn við að launakostnaður hans muni halda áfram að aukast.//////Þetta kemur manni á óvart mjög á að vera eitt ríkasta félag kannski bara eitt af 3-4 en svoa er þetta leikmannakaup komin úr böndum og kostnaður og bónusar aukast!!!það er bara hlýtur að fást fé þarna!!!!//Halli gamli

Skuldugt Manchester United á markað í Bandaríkjunum