Þriðjungur veiðimanna féll á prófi///Hnífur og skæri eru ekki barna með færi!!segir máltækið! eins er með byssur!!!

Þriðjungur veiðimanna féll á prófi
Innlent | mbl.is | 7.7.2012 | 17:49
„Það hefur sýnt sig í þessum prófum að fjöldi veiðimanna okkar er alls ekki tilbúinn til að fara á veiðar,“ segir Hjörtur Magnason, héraðsdýralæknir á Austurlandi, en hann er prófdómari í skotprófum fyrir hreindýraveiðimenn. Um þriðjungur veiðimanna hefur fallið á prófinu

„Það hefur sýnt sig í þessum prófum að fjöldi veiðimanna okkar er alls ekki tilbúinn til að fara á veiðar,“ segir Hjörtur Magnason, héraðsdýralæknir á Austurlandi, en hann er prófdómari í skotprófum fyrir hreindýraveiðimenn. Um þriðjungur veiðimanna hefur fallið á prófinu og sjö hreindýraeftirlitsmenn sömuleiðis.

Þetta er í fyrsta skipti sem það er sett sem skilyrði fyrir því að menn fái að skjóta hreindýr að þeir hafi staðist skotpróf.

„Maður er bara sjokkeraður að sjá hvernig fólk skýtur. Það eru ekki nema um 30% veiðimanna sem hitta 14 cm blað á 100 metra færi þó að blaðið sé kyrrt og notast sé við tvífót.

Ég er með hreindýraverkunarstöð á Fljótsdalshéraði og fæ því dýrin til mín til verkunar. Ég sé að skotið er í lappir dýranna, læri, afturenda, í kvið, í kjálka o.s.frv. Eftir þetta fyrsta próf hér á Austurlandi sér maður ástæðuna fyrir þessu. Fólk er einfaldlega ekki tilbúið til að fara á veiðar. Mín skoðun er sú að fólk sem hittir ekki þetta blað, sem er 14 cm hringur, eigi ekki að fara á veiðar,“ sagði Hjörtur.

Hjörtur hefur sjálfur mikla reynslu sem veiðimaður og hefur m.a. veitt elgi í Svíþjóð í 25 ár. Hann segir að þar séu gerðar miklar kröfur til veiðimanna og ætlast sé til að þeir geti í skotprófi hitt elg sem er á hlaupum.

Hjörtur sagðist hafa fellt sjö hreindýraeftirlitsmenn í prófinu, en ætlast er til að þeir geti m.a. skotið særð dýr á hlaupum.

Hjörtur sagði ástæðuna fyrir þessari slöku útkomu ekki endilega þá að menn væru ekki hittnir. Sumir pössuðu ekki upp á að fara yfir byssurnar áður en þeir legðu af stað. Það þyrfti m.a. að athuga hvort lásinn eða kíkirinn væri laus. Eins gætu skotin verið léleg. Hjörtur sagði útkomuna í skotprófunum sýna að þörf væri á meiri fagmennsku meðal veiðimanna. Hann sagði ljóst að þessi próf væru komin til að vera./////að sjálfsögðu á að vara þarna próf,Byssuleifi á ekki að veita!! nema taka próf þyngra eftir stærð vopna,þetta á að setja í lög eins og byssueign allra ,og svo auðvitað Byssur og skot ekki geima saman og í læstum skápum!!!Um þetta eru lög og bara bæta þessum prófum við!!!Vanir skotmenn fá þetta fljótt en hinir læra,það þarf ekki að vera óánægja með þetta,við viljum að menn kunni að fara með vopn!!!!!/Halli gamli

Þriðjungur veiðimanna féll á prófi