Erill í Eyjum/Var ekki bara búist við því,kemur þetta nokkrum á óvart!!!

Erill í Eyjum Innlent | mbl.is | 4.8.2012 | 22:52 Erill hefur verið hjá lögreglunni í Vestmannaeyjum í dag en flest málin sem hún hefur sinnt tengjast ölvuðum gestum og hafa nokkrir þeirra þurft að gista í fangaklefa.

Einnig hafa nokkur fíkniefnamál komið upp. Lögreglan tekur þó fram að langflestir gestir á þjóðhátíð séu til fyrirmyndar. Lögreglunni í Eyjum barst liðstyrkur fyrir hátíðina, eða á annan tug lögreglumanna, og er því öflug löggæsla á svæðinu.

Líkt og fram hefur komið var búið að setja upp 11 eftirlitsvélar í Herjólfsdal sem auka eiga öryggi þjóðhátíðargesta. Ein nauðgunarkæra hefur borist til lögreglunnar sem segir að málið sé í rannsókn. Veðrið í Eyjum hefur verið gott í dag.

Í kvöld fara fram tónleikar í dalnum og þegar klukkan slær miðnætti hefst flugeldasýning, sem hefur verið fastur liður á hátíðinni um árabil. Flest fíkniefnamálin sem komið hafa upp tengjast neyslu á hvítum efnum, s.s. amfetamíni og kókaíni. Þá segir lögreglan að lítið hafi verið um pústra í dag./////Ég verð að segja það að þetta kemur manni ekkert á óvart,allt nema nauðgunin sem er svartur blettur mjög!! en svo pústrar og  fyllerí er bara það sem verður á útihátíðum,en eitt er verra það er dópið' það er viðbót sem er ekki það við viljum,en vonandi skemmtir fólkið sér og það er málið er það ekki!!!!/Halli gamli

Erill í Eyjum

Athugasemdir

[Anna Sigríður Guðmundsdóttir, 5.8.2012 kl. 10:37]

Sæll Halli. Það er ömurlegt að vita til að svona útihátíð skuli kosta manneskjur sár á sálinni restina af lífinu. Nauðgun er jafn slæm og morð, ef ekki verri.

Ég velti því fyrir mér þessa helgina, hvers vegna samkoman í Galtalæk var lögð niður. Sú samkoma var kölluð bindindismót, og var að mestu leyti án áfengis. Allt á fjölskylduvænu nótunum. Ég hef ekki komið á aðrar útihátíðir en Galtalækjar-hátíðina í nokkur skipti. Ég er þakklát fyrir það í dag að hafa ekki komið á mestu sukkhátíðarnar hér áður fyrr.

Algjört bindindi er óþarflega langt gengið, en þegar stjórnlaust sukk er leyft er ekki von til að allt gangi vel fyrir sig.

Það er með dópið eins og annað, að fólk sem ætlar að nota það, verður sér úti um það, hvað sem það kostar. Þess vegna er að mínu mati best að leyfa það eins og áfengið, og selja það undir eftirliti á skikkanlegu verði. Þannig komum við í veg fyrir innbrot og rán, af þeim sem þurfa að fjármagna þessi efni í undirheimunum á okurverði. Fræðsla og sjálfsábyrgð er skásta leiðin í dópmálunum. Áfengi í óhófi er jafn hættulegt og dóp í óhófi.

Ég óska þess eins og þú, að fólk skemmti sér vel á þessari hátíð, og allt fari vel fram, en ég væri ekki í rónni ef ég ætti eftirlitslausan ungling á svæðinu. Unglingar eru á viðkvæmum mótunarárunum, og þurfa ekki mikið til að leiðast út í eitthvað sem setur þau á svartan lista samfélagsins restina af lífinu. Margir glíma við þann samfélags-útskúfunar-vítahring allt sitt líf. Gatan er oft eini staðurinn sem tekur við þeim.

M.b.kv.