Ætti að taka hótanir alvarlega/Takið mannin bara úr umferð í bili!!!!!!

Ætti að taka hótanir alvarlega Innlent | mbl.is | 24.10.2012 | 11:46 Lögreglumenn segja fyllstu ástæðu til að takaalvarlega hótanir karlmanns sem meðal annars er gefið að sök að hafa margoft hótað lögreglumönnum og veist að þeim.

Fyrir nokkrum árum hlaut hann dóm fyrir að bíta einn þeirra lögreglumanna, sem hann er nú ákærður fyrir að hafa ráðist á og hótað. lögreglumönnum og veist að þeim við skyldustörf. Fyrir nokkrum árum hlaut hann dóm fyrir að bíta einn þeirra lögreglumanna, sem hann er nú ákærður fyrir að hafa ráðist á og hótað lífláti.

Aðalmeðferð málsins hófst við héraðsdóm Reykjavíkur í morgun. Allnokkrir þeirra lögreglumanna sem maðurinn er sakaður um hafa hótað, báru þar vitni og sögðu nokkrir þeirra manninn hafa hótað sér og fjölskyldum sínum líkamsmeiðingum og lífláti.

Sagðist ætla að skera lögreglumann á háls Einn þeirra sagðist hafa elt sakborninginn skammt frá Hlemmi. Hann sagði manninn hafa slegið til sín og þá hefði hann beitt piparúða.

Manninum hefði tekist að komast undan, lögreglumaðurinn hefði aftur beitt piparúða í tvígang og að lokum hefði tekist að handsama hann við illan leik. mbl.is Á leið á lögreglustöðina viðhafði sakborningurinn ýmsar hótanir í garð lögreglumannsins, samkvæmt vitnisburði, en hann hlaut dóm fyrir nokkrum árum fyrir að bíta viðkomandi lögreglumann.

Maðurinn sagðist ætla að drepa lögreglumanninn og varaði hann við því að stíga fæti inn í tiltekna líkamsræktarstöð, að öðrum kosti yrði hann „skorinn á háls“. Að auki sagðist hann ætla að myrða fjölskyldu lögreglumannsins. Starfsfélagi lögreglumannsins staðfesti þetta fyrir dómi. Lögreglumaðurinn, sem um getur sagði fyllstu ástæðu til að taka hótanir mannsins alvarlega.

„Hann hefur sýnt það í gegnum tíðina að hann er bæði ofbeldisfullur og óútreiknanlegur,“ sagði lögreglumaðurinn. Er verjandi mannsins bað hann um að útskýra það nánar tiltók hann nokkur dæmi sem studdu við fullyrðingu hans. Spurður að því hvort hann hefði orðið var við manninn í grennd við heimili sitt, þar sem hann hefði gerst líklegur til að gera alvöru úr hótunum sínum svaraði hann því neitandi, en bætti því við að ekki hefðu verið hæg heimatökin fyrir sakborninginn, þar sem hann hefði verið vistaður í síbrotagæslu fljótlega eftir þetta atvik.

Réðst á afgreiðslustúlku á vídeóleigu Í vitnisburði annars lögreglumanns sagðist hann hafa verið kallaður á vettvang vegna árásar á afgreiðslustúlku á vídeóleigu. Stúlkan hafi bent á manninn, sem lögreglumenn báru kennsl á að væri téður sakborningur, og hann hafi tekið á rás og hlaupið inn í nærliggjandi hús.

Hann segir manninn hafa opnað glugga, öskað á þá og hótað lögreglumönnum ýmsu miður félegu. Nokkur orðaskipti hafi hafist á milli hans og lögreglumannanna sem hafi endað á því að þeir brutust inn í húsið. Þá hafi maðurinn hrækt ítrekað á sig og ekki annað að gera en að breiða dulu yfir andlit hans til að koma í veg fyrir það.

Í vitnisburði ákærða fyrr í morgun sagðist hann hafa þurft að grípa til þess neyðarúrræðis að hrækja á lögreglumanninn til að koma í veg fyrir harðræði sem hann segist hafa verið beittur. Sagðist vita hvar lögreglumaður ætti heima Enn einn af þeim lögreglumönnum sem bar vitni segist hafa handtekið sakborninginn vegna reiðhjólaþjófnaðar.

Við það hafi hann hótað honum ýmsu illu og meðal annars sagst vita hvar hann byggi og að hann myndi „koma heim til hans og ganga frá honum“. Spurður að því hvað hann teldi að sakborningurinn hefði átt við með þessum orðum, sagðist lögreglumaðurinn telja að það væru líkamsmeiðingar, ekki síst ef litið væri til sögu hans og fyrri hegðunar.//////////Hvenær er ástæða ef ekki þarna að taka menn úr umgferð,og lofa bót og betrun ef hægt er annars bara meiri betrun!!!Við eigum ekki að láta menn komast upp með svona als ekki,lögregla hefur í nógu að snúast,annað en í svona og liggja i leyni fyrir okkur sem förum 2-5 km framúr hraða,við viljum samstarf við lögreglu og hún  við okkur enda á Lögregla að gera það!!!!!!!!/Halli gamli

Ætti að taka hótanir alvarlega