Barist um nýja og gamla Ísland//nú er hún gamla Gríla dauð,minn tími kom og var misnotaður???

Barist um nýja og gamla Ísland Innlent | mbl.is | 27.10.2012 | 13:57 Jóhanna Sigurðardóttir forsætisráðherra sagði á flokksstjórnarfundi Samfylkingarinnar í dag að Sjálfstæðisflokkurinn væri og yrði höfuðandstæðingur jafnaðarmanna.

„Samfylkingin vill áfram nýja Ísland en Sjálfstæðisflokkurinn hið gamla,“ sagði Jóhanna á fundinum. óhanna sagði við flokksmenn sína að Samfylkingin gæti svo sannarlega borið höfuðið hátt núna þegar líður að lokum þessa kjörtímabils.

„Í næstu kosningum verður kosið um það hvort þjóðin vill halda áfram á þeirri braut sem við jafnaðarmenn höfum nú markað í átt til nýja Íslands, eða hvort horfið verður til baka til gamla Íslands áranna fyrir hrun,“ sagði Jóhanna. Vill stjórnarskrá sprottna úr „jarðvegi dagsins í dag“ Jóhanna sagði að með niðurstöðu þjóðaratkvæðagreiðslunnar um síðustu helgi hefði verið stigið risavaxið skref í því stóra baráttumáli jafnaðarmanna að þjóðin fengi nýja stjórnarskrá, „nútímalega og sprottna úr íslenskum jarðvegi dagsins í dag“.

„Þjóðinni hefur nú tekist, það sem þingheimi hefur mistekist allt frá lýðveldisstofnun, að móta Íslandi nýja stjórnarskrá í stað þeirra sem samþykkt var við lýðveldisstofnun til bráðabirgða. Þessi niðurstaða þjóðarinnar er fengin í einu lýðræðislegasta mótunarferli sem nokkurn tíma hefur verið reynt í öllum tilraunum til að breyta stjórnarskránni frá lýðveldisstofnun

. Sú staðreynd gerir vandaða niðurstöðuna enn ánægjulegri en ella í mínum huga,“ sagði Jóhanna. Jóhanna vék að nýlegum dómi Hæstaréttar og sagði: „Í ljósi nýjasta dóms Hæstaréttar eru allar grundvallarforsendur varðandi útreikningana komnir á borðið og því ekki eftir neinu að bíða með endurreikning lánanna – amk hvað varðar heimilin og öll smærri fyrirtæki landsins. Frekari undansláttur fjármálastofnannavarðandi þessa útreikninga verður ekki liðinn – lánin þarf að endurreikna strax!“

Boðaði átök við Sjálfstæðisflokkinn um ríkisfjármál Jóhanna sagði að í kosningabaráttunni yrði tekist á um hvort skera ætti meira niður í ríkisfjármálum eða ekki.

Hún sagðist ekki telja að hægt væri að ganga lengra í niðurskurði. „Sjálfstæðisflokkurinn hefur sagt það alveg skýrt, að komist þeir til valda muni þeir ráðast í verulegan niðurskurð, að ekki sé nægjanlega skorið niður á fjárlögum og þekki ég þá rétt verður velferðarkerfið þar helst undir.

Það blasir við öllum að slíkur niðurskurður verður mjög sársaukafullur. Við erum einfaldlega komin inn að beini í ríkisrekstrinum eftir aðhaldsaðgerðir undan genginna ár.

Það blasir einnig við að stórfelldur niðurskurður á ríkisútgjöldum mun bitna mest á þeim sem síst skyldi, öldruðum, öryrkjum, atvinnulausum, skuldsettum heimilum og millitekjuhópum eða þeim sem starfa eða sækja þjónustu velferðarkerfisins – heilbrigðisstofnunum, skólum eða öðrum samfélagslegum verkefnum okkar.

Slíkur niðurskurður getur aldrei orðið annað en leiftursókn gegn lífskjörum þeirra sem síst skyldi,“ sagði Jóhanna.

Afdrifarík ákvörðun um ESB á næsta kjörtímabili Jóhanna sagði að ein afdrifaríkasta ákvörðun þjóðarinnar á næsta kjörtímabili muni lúta að mögulegri aðild Íslands að ESB. „Þar er um slíka hagsmuni að tefla fyrir heimili og fyrirtæki þessa lands að fátt eitt mun breyta eins miklu um lífskjör á Íslandi næstu áratugina og sú ákvörðun.

Enn er ósamið um nokkra mikilvæga kafla í ferlinu, svo sem í gjaldmiðlamálum og sjávarútvegsmálum, en það sem þegar hefur komið fram í viðræðunum gefur okkur fullt tilefni til bjartsýni um að samningamönnum okkar takist að ljúka góðum samningi fyrir Ísland.

Öll þekkjum við þá stórauknu möguleika sem aðild að ESB myndi færa ungu fólki og vísindasamfélaginu, þau hagstæðari rekstrar skilyrði sem fyrirtæki myndu njóta, bæði til fjárfestinga hér á landi og ekki síður til að sækja fram á nýja markaði.

Og öll þekkjum við þær samfélaglegu umbætur , frið og farsæld sem ESB hefur haft í för með sér og hafa nú orðið til þess að sambandinu hafa verið veitt friðarverðlaun Nobels. Allt mælir þetta með aðild Íslands að ESB þegar til framtíðar er litið

. Möguleg aðild að ESB og upptaka evru er háð því að Samfylkingin verði áfram í forystu við ríkisstjórnarborðið á næsta kjörtímabili. Samfylkingin er og hefur verið brjóstvörn allra þeirra sem hafa viljað láta á aðild að ESB reyna. Vegna Samfylkingarinnar erum við komin þangað sem við erum komin í því ferli,“ sagði Jóhanna.//////////////Þessi manneskja er bara frekja og engin jafnaðarmaður,hefur aldrei rekist vel í flokki nema ráða helst öllu,flakkað burt,og sagt minn tími mun kom,og það varð drap allt sér og komst í formanninn í Samfylgingu!!þar í stjórn með sjálfstæðisflokki,og er þar ráðherra,en þá kemur kreppan á vakt þeirra beggja,en kerla kann þetta,os sá sér leik á borði og samdi við Steingrím V.G.um mynnihlutasjórn að kosningum og einnig plataði hún Sigmund nýkjörin formann Framsóknar í að verja hana falli,og kvað allt í upplausn við Alþingi gerð árás eftir árás,og hiti í fólki,og kosningar og þau vinna meirihluta tæpan og gera samning,en skít í Framsókn og Sigmund og svo vita allir árangurin!!!og við nú að vona að við sem í stjórnaranstöðu höfum verið fáum fylgi til að stjórna þessu landi til sóma!!!ég held að það sé það eina rétta/Halli gamli 

Barist um nýja og gamla Ísland

Athugasemdir

[Guðjón Sigþór Jensson, 27.10.2012 kl. 17:05]

Svona, svona Halli minn. Verðum við ekki bara að vona að hún Jóhanna gleymi ekki miðjunni í stjórnmálunum?

Í skákinni er lykillinn að sigra að ná miðjunni, þ.e. reitunum D4, D5, E4 og E5. Þannig er það líka í pólitíkinni. Þegar Kratar sveigja sig of mikið til vinstri þá vinnur Framsókn og $jálfstæðisflokkurinn. Jóhanna má ekki gleyma miðjunni í stjórnmálunum þar sem samstarfsflokkur hennar er vinstra megin við Samfylkinguna, okkar gamla góða krataflokk.

Vonanadi glutra vinstri menn ekki tækifærinu að verða lykilstjórnamálaafl á Íslandi. Ella er hættan á að fulltrúar braskaranna vinni á og þá styttist í næsta hrun í boði þeirra á OKKAR kostnað! Gleymum því ekki hverjir borguðu og kostuðu hrunið. Það voru litlir kallar eins og eg og þú!

Góðar stundir en án fulltrúa braskaraaflanna.

Staddur í Finnlandi.

[Haraldur Haraldsson, 27.10.2012 kl. 21:03]

Þú veist að MOSi að það blunar í mér Krati og hefur alltaf gert,vonadi að við öll stefnum þangað,en hafðu það gott í Finnlandi,drengur minn,er erindið bara frí eða hvað//Kveðja Halli gamli vinur Jenna heitins!!!!Pabba þíns!!!!

[Guðjón Sigþór Jensson, 28.10.2012 kl. 06:57]

Já stutt helgarfrí, flýg heim á morgun, mánudag. Fínt veður þurrt en nokkuð kalt. Já þið voruð alltaf mjög góðir vinir.

Bestu kveðjur.