Fór yfir 60 metra á sekúndu///

Fór yfir 60 metra á sekúndu Innlent | mbl.is | 1.11.2012 | 20:47 Stormur er nú víða um land og má búast við því aðáfram verði hvasst í nótt.

Snarpar vindhviður eru víða, einum suðaustanlands, samkvæmt upplýsingum frá Veðurstofunni.

Fór vindhraðinn yfir 60 metra á sekúndu í Hamarsfirði í Suður-Múlasýslu í kvöld

. Telur veðurfræðingur á Veðurstofunni ekki ólíklegt að snarpar vindhviður eigi eftir að fylgja storminum frá Snæfellsnesi til Austfjarða.

Lélegt skyggni vegna öskufoks Á Suðausturlandi er hvasst og má búast við N 20-25 m/s undir Vatnajökli og Eyjafjöllum.

Þar má búast við vindhviðum um og yfir 40 m/s. Skyggni á þessum slóðum, sem og annar staðar á Suðurlandi hamlast vegna sand og öskufoks, og seint í nótt má gera ráð fyrir éljagangi frá Breiðamerkursandi og til austurs, samkvæmt upplýsingum frá Vegagerðinni.

Mjög hvasst er undir Eyjafjöllum líkt og víða fyrir austan fjall. mbl.is/Jónas Erlendsson Suðvestan og vestantil er áfram hvasst, N 18-23 m/s og vindhviður 30-35 m/s, en búast má við hvössum vindstrengjum við fjöll s.s. á sunnanverðu Snæfellsnesi og á Kjalarnesi.

Óveður er á Kjalarnesi og við Akrafjall. Það eru hálkublettir á Gjábakkavegi og í sunnanverðum Hvalfirði. Á Vesturlandi er hálka eða hálkublettir og skafrenningur á flestum leiðum. Hálka og skafrenningur er á Bröttubrekku. Hálkublettir og óveður er á Holtavörðuheiði.

Á Vestfjörðum er þæfingsfærð og stórhríð á Steingrímsfjarðarheiði og snjóþekja og skafrenningur á Þröskuldum. Snjóþekja og stórhríð er á Gemlufallsheiði. Hálka eða hálkublettir og éljagangur eða skafrenningur er á öðrum leiðum.

Ófært og stórhríð er á Klettshás. Ófært er á Hrafnseyrarheiði og Dynjandisheiði, einnig er ófært á Veiðileysuhálsi.

Á Norðvesturlandi er hálka eða hálkublettir og skafrenningur á flestum leiðum. Þæfingsfærð og stórhríð er á Þverárfjalli og á Vatnsskarði.

Á Norðausturlandi er hálka og skafrenningur á Siglufjarðarvegi, þæfingsfærð og stórhríð á Öxnadalsheiði og Víkurskarði. Þungfært og éljagangur er í Dalsmynni.

Ófært er á Hólasandi. Snjóþekja og stórhríð er á Mývatnsöræfum, snjóþekja og óveður á Hófaskarði og hálka og óveður á Sandvíkurheiði.

Hálka og skafrenningur eða éljagangur er á öðrum leiðum.

Á Austurlandi er ófært á Fjarðarheiði, í Oddskarði og á Fagradal og er beðið með mokstur, ófært er líka á Breiðdalsheiði og Öxi.

Snjóþekja, hálka og stórhríð er á Möðrudalsöræfum og Vopnafjarðarheiði. Þungfært og skafrenningur á Vatnsskarði eystra. Hálka og óveður er á milli Breiðdalsvíkur og Hafnar. Snjóþekja eða hálka og snjókoma eða skafrenningur er á öðrum leiðum.

Á Suðaustur- og Suðurlandi er óveður við Lómagnúp og undir Eyjafjöllum. Hálkublettir eru frá Kvískerjum að Vík.

/////////////Erum við bara ekki nálægt meti þarna?? vindhviður uppí 60 m/s eru ekki mjög algengar hér Landi eða það er kannski vankunátta hjá mér en mig minnir það sé kannski meira,En við skulum bara vona að það versni ekki mikið úr þessu en það getur verið vont í nótt og morgun ,svo dregur aðeins úr þessu um um helgina en samt ekki alveg fyrr en á mánudag,ef það er þá víst,en bara förum varlega og vera ekki á ferð nema í nauð!!!/Halli gamli

Fór yfir 60 metra á sekúndu

Athugasemdir

[Ingi Ragnarsson (IP-tala skráð) 1.11.2012 kl. 23:42]

komið í 70metra núna...

[Karl J. (IP-tala skráð) 1.11.2012 kl. 23:55]

Langt í frá, man nú ekki töluna nákvæmlega en minnir hátt í 130 á Stórhöfða í einhverri hviðu! 50+ sjást stundum á Suðurnesjum í haustlægðunum.

[Ingibjörg Guðrún Magnúsdóttir, 2.11.2012 kl. 04:19]

Ég vaknaði fyrir klukkutíma eða svo við þessi miklu læti og ekki laust við að það hafi hvarlað að mér að einhverjir væru að berja húsið að utan en sé að það er rifnað upp með rótum tréð bak við húsið hjá mér og lætin þegar það var að slást utan í húsið, er þetta tré sem er yfir 50 ára gamalt held ég að mér sé óhætt að segja og liggur það núna niðri, það koma miklar kviður...

[óli (IP-tala skráð) 2.11.2012 kl. 10:08]

Best að koma sér í burtu frá þessu ógeðslega landi sem ætti að heita Rokland en ekki Ísland