Kalkúnnin vinsæll við þakkargjörð//þetta ættum við að taka upp,allra trúar fólk: og trúlaust gæti gert þetta saman!!!

Kalkúnnin vinsæll við þakkargjörð Innlent | mbl | 21.11.2012 | 23:10 Þakkargjörðarhátíðin er á morgun. Þótt þessi stórhátíð sé alamerísk virðist hún höfða til margra og hefur til dæmis skotið rótum sem hefð hjá mörgum Íslendingum.

Hvort það er þakklæti fyrir það góða í lífinu sem ræður för skal ósagt látið, en eitt er víst og það er að vinsældir kalkúns fara vaxandi.

Þetta var nánast ekki til fyrir bara 10 árum síðan, allavega var mjög lítið um það, en þetta hefur aukist og fólk er að nota þetta sem nýja hátíð,“ segir Jón Magnús Jónsson bústjóri á Reykjum, þar sem er stærsta kalkúnabú landsins.

Vinsæll líka um jól og áramót Vinsældir kalkúns hafa raunar farið vaxandi á öðrum og hefðbundnari hátíðum, s.s. um jól, áramót og jafnvel páska. Jón Magnús segir að hlutasalan hafi sérstaklega aukist, þ.e.a.s. þar sem búið er að búa til alls konar sérrétti úr hlutum fuglsins eins og t.d. fylltar bringur.

Heilfuglasalan sé hinsvegar nokkuð stöðug, en skjótist upp á þessum tíma árs. Fylltur kalkúnn í anda þakkargjörðarhátíðarinnar er mikill herramannsmatur. mbl.is/Árni Sæberg Þakkargjörðarkalkúnn hefur undanfarna daga verið auglýstur til sölu í verslunum Nettó. Sigrún Elfa Þorleifsdóttir verslunarstjóri Nettó í Kópavogi segir að viðtökurnar séu góðar.

„Við vorum líka með þetta í fyrra, bæði íslenskan og franskan kalkún og það gekk mjög vel. Fólk var jafnvel byrjað að spyrja fyrir 1-2 vikum hvenær kalkúnninn kæmi í búðirnar. Þannig að fólk er að kaupa þetta, en ég held að margir séu reyndar að kaupa kalkún fyrir jólin.

Til dæmis kom einn í dag og keypti þrjá, heila kalkúna til að bjóða stórfjölskyldunni upp á um jólin.“ Taka þakkargjörðin með heim eftir nám Bandaríski þakkargjörðardagurinn fer fram fjórða fimmtudag í nóvember, sem er einmitt á morgun.

Samkvæmt hefðinni vestra hittist stórfjölskyldan og snæðir heilsteiktan, fylltan kalkún og gjarnan graskersböku í eftirrétt.

Sígild meðlæti eru líka sætkartöflumús með sykurpúðum og trönuberjasósa. Uppruni þakkargjörðarinnar er trúarlegs eðlis og má rekja til enskra pílagríma sem ákváðu að halda guði þakkargjörð eftir fyrsta veturinn í nýrri heimsálfu, árið 1621

. Í dag er þakkargjörðarhátíðin þó ekki trúarlegs eðlis í flestra huga heldur fyrst og fremst stund til að verja með fjölskyldu og vinum, borða góðan mat og þakka fyrir það góða sem hefur gerst á árinu. Íslendingar sem búið hafa í Bandaríkjunum, t.d. vegna náms, flytja margir hátíðina með sér heim enda höfðar hún til margra í einfaldleika sínum.

Um liðna helgi var tekið forskot á sæluna og haldin ekta amerísk þakkargjörðarhátíð á Hilton Nordica hótelinu. Það var félag Fullbright þega sem stóð fyrir hátíðinni sem var afar vel sótt og að sjálfsögðu var boðið upp á kalkún./////////////Þetta kannski væri að æra óstöðugan að bæta við frídögum hjá okkur!!en svona þakkargjörð er mjög svo fjölslylduvæn og allra trúar samkoma fjölskydna að koma saman og þakka fyrir allt gott,og jafnvel mynnast als góðs!!þetta er lengsta frí þeirra Bandaríkjamana frá Fimmtud.sem er til Mánudags,það væri bara gaman að sjá þetta gerst hér,við hjónin höfum verið  nokkur skipti þarna í B.N.A. og borðað með ættingjum 2* og svo bara með vinum þar einnig,meiri háttar þetta,þeirr ferðast um öll ríkin á milli að heisækja ættingja og borða saman og þakka!!!fyrir utan þetta er kalkún mjög góður!!////Halli gamli

Kalkúnninn vinsæll við þakkargjörð