Voru komnir í flotgallana/En og aftur sanna þyrlur sig!!: þetta frábært!!!!

Voru komnir í flotgallana Innlent | mbl.is | 26.11.2012 | 6:17 Tveir skipverjar á bátnum Jónínu Brynju ÍS, sem strandaði við Straumnes norðan Aðalvíkur á Vestfjörðum í gær, voru komnir í flotgallana þegar þeim var bjargað af þyrlu Landhelgisgæslunnar um klukkan 19:00 í gærkvöldi.

Fram kemur í tilkynningu frá Gæslunni að mennirnir hafi verið staddir um eina sjómílu norður af Straumnesvita og hafi fundist strax þegar komið var á svæðið.

Þeir hafi verið í um tíu metra breiðri fjöru og báturinn brotinn í stórgrýttu flæðarmálinu. Þá segir að aðstæður hafi verið nokkuð erfiðar. Mjög hvasst hafi verið, 25-30 hnútar, og gengið á með dimmum éljum.

Fyrir ofan fjöruna sé þverhnípt klettabelti. Sigmaður hafi sigið niður til mannanna og þeir síðan hífðir upp í björgunarlykkju

. Mennirnir voru síðan komnir um borð í þyrluna klukkan 20:49 og var þá haldið með þá til Ísafjarðar þar sem þeir fóru í læknisskoðun.

Þyrlan hélt síðan til Reykjavíkur og lenti þar klukkan 22:40.

Nánar er fjallað um slysið í Morgunblaðinu í dag„Það er fyrir öllu að mannbjörg varð. Öðru er hægt að bjarga,“ segir Jakob Valgeir Flosason, eigandi útgerðarfélagsins Jakobs Valgeirs í Bolungarvík.

Gllænýr bátur í hans eigu, Jónína Brynja ÍS-55, með tveimur mönnum um borð, strandaði í klettum við Straumnes norðan Aðalvíkur á Vestfjörðum í gærkvöldi.

Mennirnir komust af sjálfsdáðum í land. Björgunarsveitir og þyrla Landhelgisgæslunnar voru kallaðar út en þyrlan hífði mennina upp við erfiðar aðstæður.

„Það var mikill sjór og erfitt að komast sjóleiðina. En svo virðist sem þeir hafi getað komist ágætlega að með þyrlunni og sigið til þeirra,“ segir Hrafnhildur Brynja Stefánsdóttir hjá Landhelgisgæslunni, í Morgunblaðinu í dag.////////En og aftur sanna Þyrlur ágæti sitt við björgun i erviðum aðstæðum!!!þetta er ekki nema dásamlegt að geta bjargað svona manslífum,og engin veit hvort hefði tekist á annan máta/En það að hafa Þyrlur sýnir okkar að þær má ekki vanta og við verum að hafa þær fleiri!!!!Engin spurning!!!Halli gamli

Voru komnir í flotgallana