Mega fara út fyrir 12 mílurnar//Annars væri þær ekki fyrir sjómenn nema í einstaka tilfelli!!!

Mega fara út fyrir 12 mílurnar Innlent | mbl.is | 9.1.2013 | 11:28 „Engar nýjar skorður hafa verið settar með nýju reglugerðinni varðandi leitar og björgunarhlutverk Landhelgisgæslunnar og flugrekstur á þyrlum hennar,“ segir í fréttatilkynningu frá Flugmálastjórn Íslands.

en fram kemur á mbl.is að frá áramótum sé óheimilt að fljúga flugförum Landhelgisgæslu Íslands út fyrir 12 mílna landhelgina vegna breyttrar skráningar þeirra í samræmi við nýja reglugerð sem byggð sé á Evrópureglum.

Fram kemur í tilkynningunni að þetta sé ekki rétt enda sé það hlutverk einstakra ríkja að afgreiða slíkar heimildir.

Á alþjóðlegu flugsvæði við Ísland, utan lofthelginnar, þurfi ekki sérstaka heimild og engar takmarkanir séu settar í reglugerðinni við flugi utan 12 mílna eins og fram komi í frétt blaðsins.

Fréttatilkynningin í heild: „Ný reglugerð tók gildi um áramótin sem fjallar um starfrækslu loftfara í opinberum rekstri.

Reglugerðin var sett í kjölfar úttektar Flugöryggisstofnunar Evrópu (EASA) sem benti á að í evrópskri grundvallarreglugerð um flugöryggismál er flugstarfsemi sem varðar lög- og tollgæslu, leit og björgun, slökkvistarf, landhelgisgæslu eða sambærileg verkefni undanþegin.

Hvert ríki getur hins vegar ákveðið að kröfurnar í reglugerðum EASA eigi við um slíka starfsemi að öllu leyti eða að hluta.

Tilgangur íslensku reglugerðarinnar er að setja skilyrði um flugrekstur loftfara sem uppfylla ekki tæknilegar kröfur varðandi tegundarskírteini eða stunda flugstarfsemi sem varðar áður upptalin atriði. Þetta er sama fyrirkomulag og gildir í öðrum ríkjum Evrópu.

Öll loftför Landhelgisgæslunnar eru á flugrekendaskírteini samkvæmt nýju reglugerðinni (TF-SIF, TF-LIF, TF-SYN, TF-GNA). Aðeins þyrlan TF-SYN uppfyllir öll ákvæði Evrópureglnanna og sú vél er skráð bæði samkvæmt nýju reglugerðinni og reglum um flutningaflug með þyrlum (JAR-OPS 3).

Í flugvélinni TF-SIF er t.d. sérstakur búnaður sem samræmist ekki reglum Flugöryggisstofnunar Evrópu (EASA) varðandi flutning á farþegum og vörum og er flugvélin því skráð samkvæmt nýju reglugerðinni.

Engar nýjar skorður hafa verið settar með nýju reglugerðinni varðandi leitar og björgunarhlutverk Landhelgisgæslunnar og flugrekstur á þyrlum hennar.

Afla þarf viðeigandi leyfa sé ætlunin að fljúga í lofthelgi annars ríkis eins og áður. Það er ekki hlutverk EASA að afgreiða slíkar heimildir heldur viðkomandi ríkja.

Á alþjóðlegu flugsvæði við Ísland, fyrir utan lofthelgi Íslands, þarf ekki sérstaka heimild og engar skorður eru í nýju reglugerðinni við flugi utan 12 mílna eins og gefið er til kynna í frétt Morgunblaðsins í dag.“////////////////Þetta eru reglugerðafargan!!! sem við verum að fara vel útí og skoða mikið betur áður en við tökum upp svona vitleysu!!!Þessu verður  taka á og skoða betur ef ekki semst bara göngum við úr EES ekki spurning við bara látum ekki stjórnast að þessa ofræði als ekki ,bara tökum þetta í gegn strax!!!!Halli gamli

Mega fara út fyrir 12 mílurnar

Athugasemdir

[Erlingur Alfreð Jónsson, 9.1.2013 kl. 14:14]

Þetta mál er EES og ESB algjörlega óviðkomandi. Ekki rugla þessum skammstöfunum við EASA.