Seinkun veldur eldri borgurum vonbrigðum /Er þetta ekki ein af stóru skömunum????

Seinkun veldur eldri borgurum vonbrigðum Innlent | mbl.is | 11.1.2013 | 14:05 Kjaramálnefnd Landsambands eldri borgara (LEB) lýsir undrun sinni á að frumvarp um breytingar á lögum um almannatryggingar skuli ekki hafa verið lagt fram.

Þessi seinkun valdi eldri borgurum miklum vonbrigðum vegnaþess að mikilvægi þess að einfalda kerfi almannatrygginga hafi verið í sjónmáli. Fram kemur í ályktun LEB, að nefnd hafi verið að störfum til að endurskoða almannatryggingar og komist að niðurstöðu um breytingar sem hafi verið kynntar víða.

Það hafi staðið til að leggja frumvarpið fram á Alþingi þessu til staðfestingar á haustönn 2012, en það hafi enn ekki orðið.

„Því miður eru margir eldri borgarar sem eiga erfitt með að skilja almannatryggingkerfið enda stagbætt og mjög flókið.

Hin nýja leið, sem stefnt er að, einfaldar alla þætti til að fólk geti með vissu fundið út hvar það er statt í kerfinu.

Þessi seinkun veldur eldri borgurum miklum vonbrigðum vegna þess að mikilvægi þess að einfalda kerfi Almannatrygginga var í sjónmáli og samþykkt tillagnanna myndi bæta verulega stöðu eldri borgara.

Í ljósi þessa sætir það undrun að það skuli vera valin sú prósenta hækkunar á bótaflokkum Almannatryggingar um þessi áramót sem ekki fylgir einu sinni verðlagshækkunum eins og lög gera ráð fyrir,“ segir í ályktuninni.

Þá segir að auk þess vanti enn meiri hækkun til þess að staðið sé við ákvæði kjarasamninga miðað við 1. febrúar 2013.

„Eldri borgarar lýsa líka mikilli óánægju með miklar verðlagshækkanir nú um áramót s.s. á þjónustugjöldum til lækna, lyfjakostnaði og fjölda annarra hækkana sem fólk þarf að mæta án nokkurra leiðréttinga.

Við skorum á stjórnvöld að bretta upp ermar og sjá til þess að þessi hópur í samfélaginu verði ekki skilinn eftir við lagfæringar á kjörum,“ segir í ályktuninni.////////////////Ætti þetta ekki að vera ópólitikt mál alveg,að við gamlingjar eigum að hafa það mannsæmandi eða hvað er nokkur á móti því?? það held ég ekki þetta eru bara handvömm þeirra sem ekki skilja að við viljum sem lengst vera sjáfstæð og hugsa um okkur sjálf og það er ódýrara en að byggja heimili og hafa okkur þar saman í herbergi og ég tali nú ekki um að geta verið sjálfra sín/Þetta eigum við öll eftir engin miskunn með það,og við sem höfðum engan auka lífeyrir eru bata illa sett mörg ef ekki flest,takið ykkur nú á allir stjórnmálmenn hvar i flokki sem Þið standið og leiðréttið þetta,annars eigum við leik sem mundi blífa,það er að bjóða sjalstætt fram og við fengjum 30%=22 þingmenn,  er það ekki að verða fjöldi okkar með hærri lífaldri!!!//Halli gamli

Seinkun veldur eldri borgurum vonbrigðum

Athugasemdir

[jóhanna (IP-tala skráð) 11.1.2013 kl. 17:23]

Halli minn!

Hvaða stjórnmálamanni er ekki sama hvort við lifum eða deyjum?

Við erum ekki á vetur setjandi eins og það var kallað.